Hauptmenü ufmache
de Sarruma umarmt de hethitisch Grosskönig Tuthaliya IV. Relief us Yazılıkaya, 13. Jh. v.Chr.

De Sarruma isch en altsyrische Berggott, wo denn vo de Hurriter in iires Pantheon uufgnoo woren isch.

Er isch de Soo vo de Hebat und vom Wettergott Tessub. Er hett au s Epithet „Stierchalb vom Tessub“ (hurritisch: hobidi Tessob=ve) öberchoo. Öber hurritischi Vermittlig isch er denn au zo de Hethiter choo. Er isch immer eng mit sinere Muetter vereert wore und au im hethitische Felshailigtum Yazılıkaya wert er hinder sinnere Mutter Hebat, a de zwaite Stell vo de wiibliche Göttineprozession, abbildet, vor sinere Schwöster Allanzu.

Au ide neuhethitische Zitt isch de Saruma vereert wore und er het de Titel „Bergkönig“ (luwisch: wati hantawati) trait. Er isch mengisch zäme mit de Hiputa dargstellt wore, si stoot ufere Stadtmuur und er ufeme felsige Berg. Wil i hieroglypheluwische Inschrifte d Hiputa o mitem Wettergott Tarhunza e Paar bilde cha und de Sarruma mit de Allanzu, cha men anee, ass di hurritischi Götterfamili mitem Wettergott as Vatter und de Hebat/Hiputa as Muetter, und de Sarruma as Soo und d Allanzu as Töchter, witter vereert woren isch.

LiteraturBearbeite

  • Volkert Haas: Geschichte der hethitischen Religion. (= Handbuch der Orientalistik. Band 15). Brill, Leiden 1994, ISBN 90-04-09799-6.
  • Einar Schuler: Kleinasien. Die Mythologie der Hethiter und Hurriter, i: Hans Wilhelm Haussig: Götter und Mythen im Vorderen Orient. Ernst Klett Verlag, Stueggert 1965.
  • Piotr Taracha: Religions of Second Millennium Anatolia. Harrassowitz, Wiesbaden 2009, ISBN 978-3-447-05885-8.