Savoyer Voralpe
| Savoyer Voralpe | |
|---|---|
 | |
 Savoyer Voralpe (Le Néron, Chartreuse, vu Grenoble uus gsää) | |
| Höchst Gipfel | Haute Cime des Dents du Midi (3'257 m ü. M.) |
| Lage | Regione Auvergne-Rhône-Alpes (Frankrych), Kanton Wallis (Schwyz) |
| Deil vo | Weschtalpe |
| Iideilig noch | SOIUSA |
| Koordinate, (CH) | 45° 50′ N, 6° 15′ O (507633 / 76445) |
D Savoyer Voralpe sin e Gebirgsgruppe vu dr Weschtalpe. Si gehn vum Schwyzer Wallis iber di baide franzesische Départment Savoie un Haute-Savoie bis ins Département Isère. Si gränze im Oschte an di Grajische Alpe, im Side an d Dauphiné-Alpe un im Sidweschte an d Dauphiné-Voralpe (Vercors).
No dr SOIUSA-Gebirgsklassifikation glidere si d Savoyer Voralpe in segs Gebirgssteck:
- Aiguilles-Rouges-Chette (Aiguilles Rouges)
- Giffre (Buet-Ruan-Dents du Midi; Fis-Platé-Colonney; Dents Blanches-Avoudrues-Nant Golon)
- Chablais (Haufforts-Grange; Bise-Oche; Roc d’Enfer-Brasses)
- Bornes (Aravis; Bargy-Lachat-Tournette)
- Bauges (Arcalod-Trélod-Semnoz; Grand Colombier-Margerie-Revard)
- Chartreuse (Mont Granier-Dent de Crolles-Grand Som; Chamechaude-Charmant Som).
D Savoyer Voralpe bilde ne Dail vu dr Chalchzone, wu as Franzesischi Chalchalpe no Sidweschte in d Dauphiné-Voralpe un dr Provenzalische Voralpe, un no Nordoschte in d Schweizer Voralpe un wyter in di nerdlige Chalchalpe vu dr Oschtalpe wytergoht. Die Zone isch dur Däler (z. B. vu dr Isère) rächt scharf vu dr krischtalline Zäntralmassiv (Mercantour, Pelvoux, Belledonne, Grandes Rousses, Mont Blanc, Aar- un Gotthardmassiv) drännt.
Literatur
ändere- Sergio Marazzi: Atlante Orografico delle Alpi. SOIUSA. Pavone Canavese (TO), Priuli & Verlucca editori, 2005. ISBN 978-88-8068-273-8 (italienisch)
- Sergio Marazzi, La “Suddivisione orografica internazionale unificata del Sistema Alpino” (SOIUSA) (pdf; 1,6 MB)
|
Dä Artikel basiert uff ere fräie Übersetzig vu dere Version vum Artikel „Savoyer_Voralpen“ vu de dütsche Wikipedia. E Liste vu de Autore un Versione isch do z finde. |