Département Savoie

S Département Savoie isch es französischs Departemänt. Es het d Nummere 73 und isch i der Region Auvergne-Rhône-Alpes.

Savoie
Wàppe vum Departement Savoie	Làg vum Departement Savoie in Frànkrich
Region	Auvergne-Rhône-Alpes
Präfektür	Chambéry
Unterpräfektür(e)	Albertville Saint-Jean-de-Maurienne
Iiwohner	439.750 (1. Jan. 2020)
Bevelkerungsdìchte	73 Iiw. pro km²
Fleche	6.028,25 km²
Arrondissement	3
Kommünàlverbànd	18
Kànton	19
Gmeind	285
Präsident vum Départementrot	Hervé Gaymard (UMP)
ISO-3166-2-Code	FR-73
Làg vum Département Savoie ìn der Region Auvergne-Rhône-Alpes

Geografy und Gschicht

S Departemänt chunt im Oschte i den Alpe a d Gränze vo Frankrych zu Italie. Im Norde isch näbedra s Departemänt Haute-Savoie, im Süüde s Departemänt Hautes-Alpes und im Weschte d Departemänt Isère und Ain.

S Departemänt Savoie isch das französische Departemänt mit em gröschte Teil Bärge uf sim Areal. Im Nordweschte vom Gebiet foot der Gebirgszug vom Jura aa, wo vo dört uus gäge Norde im Departemänt Ain ad Rhone und um Gämf ume wyter goot.

1860 het Frankrych das Gebiet vom Land Sardinie-Piemont übercho.

Organisation

D Präfektur, also der Sitz vo der Zäntralverwaltig vom Departemänt, isch i der Stadt Chambéry, wo vill früener d Residänz vo de Grafe und Herzög vo Savoie gsi isch.

S Departemänt het drüü Verwaltigschreis:

• s Arrondissement Albertville mit 5 Kantöön und 82 Gmeinde
• s Arrondissement Chambéry mit 12 Kantöön und 160 Gmeinde
• s Arrondissement Saint-Jean-de-Maurienne mit drüü Kantöön und 62 Gmeinde

die savojische Dialäkt

Sprooch

Die Savojischi Sprooch, wo i de beide Departemänt Savoie und Haute-Savoie gredt wird, ghört zum Frankoprovenzalische.

Literatur

• Emmanuel Cerisier, Thérèse Leguay, Jean-Pierre Leguay: Histoire de la Savoie. Paris 2005.
• André Palluel-Guillard: La Savoie de Révolution française à nos jours, XIXe-XXe siècle. Ouest-France Université 1986.

Weblink

 Commons: Savoie – Sammlig vo Multimediadateie

• Website vom Generalroot vom Departmänt Savoie