Département Orne

S Département Orne [ˈɔʀn] isch s französische Département mit dè Ordnungsnummèrè 61. S lyt im Nordweschtè vo Frankrych i dè Region Normandy un isch i sèllèrè Region dè südliche Deil. S Département isch nõch èm Fluss Orne benamst.

Orne
Region	Normandie (bis 2015 Basse-Normandie)
Präfektür	Alençon
Unterpräfektür(e)	Argentan Mortagne-au-Perche
Iiwohner	279.942 (1. Jan. 2019)
Bevelkerungsdìchte	46 Iiw. pro km²
Fleche	6.103,61 km²
Arrondissement	3
Kommünàlverbànd	16
Kànton	21
Gmeind	389
Präsident vum Départementrot	Alain Lambert
ISO-3166-2-Code	FR-61
Làg vum Département Orne ìn der Region Normandie

Städt

Diè bevölkerungsrychschtè Gmeindè vom Département Orne sin:

Gmeindè un Arrondissement im Département Orne

Stadt	Ywooner (2019)	Arrondissement
Alençon	25.870	Alençon
Flers	14.762	Argentan
Argentan	13.395	Argentan
L’Aigle	7.961	Mortagne-au-Perche
La Ferté-Macé	5.186	Alençon

Vowaltungsglyderung

S Département Orne glyderèt sich in 3 Arrondissement, 21 Kantön un 394 Gmeindé:

Arrondissement	Kànton	Gmeinde	Inwohner 1. Januar 2019	Fleche km²	Dicht Inw./km²	Code INSEE
Alençon	8	115	000000000085790.000000000085.790	1.548,53	000000000000055.000000000055	611
Argentan	8	123	000000000108443.0000000000108.443	1.904,29	000000000000057.000000000057	612
Mortagne-au-Perche	7	151	000000000085709.000000000085.709	2.650,79	000000000000032.000000000032	613
Département Orne	21	389	000000000279942.0000000000279.942	6.103,61	000000000000046.000000000046	61

Züüg zum Aaluègè

s Galeriigrab „Tüüfelstisch“ (Table au Diable)

Normannischi Stuudè- un Widèlandschaft, Öpfelbäum, Hèrrèhüser un edli Rösser prägèd sèllè Deil vo dè Normandy. D Normannè sèlber entschpannè sich gèrn im Thermalkurort Bagnoles-de-l’Orne, wo von èm 7.000 Hektar großè Wald „Forêt d’Andaine“ umgää isch. Z Orne lyt eins vo dè bekannteschtè Nationalgschtüt vo Frankrych, s Haras du Pin. Näbbè dè Zucht vo èrschtklassigè Rösser, wiè zum Byschpill vo dè Kaltblüèterrassè Percheron, isch es für diè schlossäänlichi Architektur us èm 18. Johrhundert bekannt isch. Us kulinarischer Luègi stòt d Orne für d Kääsesortè Camembert, wo us èm glychnamigè Ort Camembert im Département Orne stammè duèt. È witteri Spezialidät isch dè Poiré, wo us Birrè gmoschtet wörd un hauptsächlich vor èm Ässè als Aperitif bruucht wörd. Öppis generèller stòt dè Öpfelmoscht, wo i dè Flaschè gärt wörd, für d Normandy un au für s Département Orne, dauft wörd er als Cidre. Für s Yydickè vom Cidre wörd i dè Orne gèrn beidi Sortè Kochwurscht servyrt, wo au im Alemannischè Ruum für Schlachtblattè un Metzgétè aabotè wörrèd: Boudin blanc un Boudin noir.

S Département isch rych a vorzitlichè Reliktè, bsunders a Dolmè.

• Dolmè La Table des Fées (Chênedouit)
• Düfelsdisch z Passais,
• Allée couverte de la Bertinière
• Dolmen de la Gione
• Dolmen de la Grosse-Pierre z Boissy-Maugis,
• Dolmen de la Pierre Levée z Echauffour,
• Dolmen de la Pierre Couplée z la Ferté-Frênel,
• Dolmen Pierre-aux-Bignes in Habloville,
• Dolmen de la Grandière z Joué-du-Bois,
• Dolmen de la Pierre aux Loups z Joué-du-Bois,
• Dolmen La Pierre Procureuse z Saint-Cyr-la-Rosière,
• Dolmen du Creux z Saint-Bômer-les-Forges.
• Menhir de la Rousselière z La Forêt-Auvray
• L’Affiloir de Gargantua z Craménil

Weblingg

 Commons: Département Orne – Sammlig vo Multimediadateie

• Département Orne (französisch, änglisch)
• Präfektur vom Département Orne (französisch)
• Uusschprõch vo Orne uff forvo.com

Einzelnõchwys

Dä Artikel basiert uff ere fräie Übersetzig vum Artikel „Département_Orne“ vu de dütsche Wikipedia. E Liste vu de Autore un Versione isch do z finde.

48.6580560.131667