Hauptmenü ufmache

NamuBearbeite

Där eiguntla ditscha Namu vannär Rhone, Rottu, isch numu no im Oberwallis gibrüchtä. Ds grammatikalischa Gschlächt vam Fluss isch im Latinischu („Rhodanus“), im Franzesischu („le Rhône“) und im Walserditschu („der Rotten“) männlich, was fär Fliss ehnär untypisch isch.

Na dum Fluss isch öi ds franzesischa Département Rhône binänts.

Där RottulöifBearbeite

Där Fluss äntspringt innär Schwiiz am Rhonegletscher und mündut z Frankrich innär Nechi va Arles und Marseille immu Deltas ins Mittelmeer.

Vam Rhonegletscher im Nordoschtu vam Wallis fliässt är afangs va Oschtu gägu Weschtu. Z Martinach machut är än grobu 90-Grad-Bogu nach rächts (z Rottuchnew) und fliässt denn Richtig Nordu. Är ärgiässt schi z Le Bouveret inu Gänfärsee, wan är z Gänf widär värlaat. Nachär fliässt är dum Jura naa gägu Südu bis Culoz, wan är du Jura na Weschtu dürbricht.

Va Lyon äwäg fliässt är va Nordu gägu Südu. Nerdlich va Arles zwigt än Teil gägu Weschtu in d Petit Rhône, där Höüptaaru aber fliässt als Grand Rhône weschtlich va Marseille in ds Mittlmeer. Zwischu dä beidu Mündigsarmu ligt där Camargue, bikannt fär schini wissu Pferdi, schwarzu Rindär und fär d Sumpf- und Wassärvogla (vor allum d Flamingo, d Reihära und d Ibissa).

VegetazioonBearbeite

Em Rottu naa chomund vili Obschtsorte agipflanzti, so zum Bispil Pfärsecha, Chriässini, Ämbrichi, aber öi Tomate und Ärdbeerlini.

Z Rottutelli isch öi fär schini Wiibärga bikannts.

Rottukorrektür im WallisBearbeite

Va 1863 bis 1893 isch d erschta Rottukorrektur gmachuti cho. Där Fluss isch im Underwallis in ds Flussbett igleitä wordu, so dass d Äbni het cheni biwirtschaftut wärdu.

Inne Jahru 1930 bis 1960 hent sch di Dämm ärhecht und äs Dopplprofil agleit.

Fascht nur no bim Pfynwaald het dr Fluss es natürlichs Bett.

Na du Ubärschwämmige vam 2000 hent sch z Jahr mit dä Planige fär die drittuschta Korrektür agfangu. Ds Ziil isch d Sichärheit z ärhechu und du Fluss widär natirlichär z gstaltu. Im März 2016 hät dr Grossrot vom Wallis dr Plan vo dr 3. Rhonekorrekzioon agnoo.[1]

Gresseri Stedt am RottuBearbeite

Wichtigi NäbuflissBearbeite

GaleriiBearbeite

WeblinkBearbeite

  Commons: Rottu - Rhone - Rhône – Sammlig vo Multimediadateie

QuälleBearbeite

  1. Kommünike zur 3. Rhonekorrekzion. Archiviert vom Original am 2016-07-12. Abgrüeft am 2016-12-29.