Glatt (Rhii)
|
Dä Artikel handlet vo de Glatt im Kanton Züri; für anderi Bedüütige lueg bi Glatt (Begriffsklärig). |
D Glatt isch e Fluss im Kanton Züri, wo für sich eläi gnoo 38,5 Kilometer – oder wän me d Flüss vom Oberlauf dezue rächnet 67 Kilometer – lang isch.
| Glatt | ||
 d Glatt | ||
| Date | ||
|---|---|---|
| Gwässerkennzaal | CH: 690 | |
| Laag | Kanton Züri, Schwiiz | |
| Flusssystem | Rhii | |
| Abfluss über | Rhii → Nordsee | |
| Quelle | im Griifesee 47° 22′ 21,7″ N, 8° 39′ 20,1″ O | |
| Quellhöchi | 434 m ü. M. | |
| Mündig | bi Riinsfälde in RhiiKoordinate: 47° 34′ 26″ N, 8° 28′ 15″ O; CH1903: 677663 / 269762 47° 34′ 26″ N, 8° 28′ 15″ O | |
| Mündigshöchi | 335 m ü. M. | |
| Höchiunterschiid | 99 m | |
| Lengi | 38,5 km, mit em Chämptnerbach 67 km | |
| Iizugsgebiet | 417 km²
| |
| Rächti Nääbeflüss | Chimlibach, Chriesbach, Himmelbach, Furtbach | |
| Linggi Nääbeflüss | Breitibach, Sagetobelbach, Leutschebach, Fischbach | |
Lauf
ändere
D Glatt faat am Griifesee im wiite Rietgebiet aa und isch däm sin Abfluss. Vom See aa bildet si d Gmeindgränze vo Fällande und Schwerzebach. Dr Fluss lauft durs Glatttaal abe bis zum Rhii. Zum ganze Flusssyschteem ghöred au de Chämtnerbach, wo d Kwelle ganz im Südoschte vo Bäretswiil bi de Täuferhööli hät und in Pfäffikersee mündet, und d Uschtermer Aa (oder Aabach), wo der Zwüschedeil isch vom Pfäffikersee bis zum Griifesee und durs Aataal flüsst, und den no d Mönchaltdorfer Aa, wo z Buebike afaat.
Im middlere Deil flüsst d Glatt dur Dübedorf und im Nordoschte dur d Stadt Züri mid em junge Kwartier Glattpark, wo deils zu Opfike ghört. Z Opfike unterkweert d Glatt d Autobaanverzwiigig Züri-Nord. Wo di alti Kantonsstroos vo Züri uf Eglisau über d Glatt gaat, liit hüt s Opfiker Kwartier Glattbrugg. Denn lauft der Fluss weschtlich am Flughafe vo Chloote verbii und gaat dur d Dörfer Oberglatt und Niiderglatt und flüsst im Weschte vo Büüli dure und em Glatthalderai noo uf Glattfälde.
D Mündig in Hochrhii bi Rhiinsfälde isch sid ane 1822 im ene Stolle gsi, wo 90 Meter lang isch. Bim Bau vom Chraftwärch vo Eglisau isch de Fluss in e neue Stolle gleit worde, wo e Lengi vo 261 Meter hät und unden am Chraftwärch usechunt.
Fauna
ändereI dr Glatt läbe Alet, Barbe, Rotauge, Aal, Charpfe, Schleie, Schniider, Gründling, Forälle, Barsch und Hecht. Bi Dübedorf sind sid churzem Biber am Wärch.
Weblink
ändere
Commons: Glatt – Sammlig vo Multimediadateie- Martin Illi: Glatt. In: Historisches Lexikon vo dr Schwiiz.
