Wäge dr Topographi und de vil Niderschleeg het d Schwiiz sehr vili Flüss. Die Flüss hän über e sehr längi geologeschi Zyt zumene grosse Deil s hytige Bild vor Schwiiz prägt, will si – zämme mit de Gletscher vo de letschte Yyszyyte – die hitige Dääler bildet hän. Praktisch jedi Region vor Schwiiz wird dur e Fluss prägt. Rund um d Alpe het’s au vil Seeè.

d Charte vo dr Schwiiz, mit de gröschte Flüss und Seene

D Schwiiz als Wasserschloss und Hauptwasserscheidi ändere

 
d Dreifachwasserscheidi am Lunghinpass

Fasch alli wichtige Flüss vor Schwiiz entspringe im Gotthardmassiv, nämli vor allem dr Rhy, dr Rotte (au Rhone gnennt), d Aare, d Rüüss und dr Ticino. Au d Linth entspringt zimli noch am Gotthardmassiv.

Die andere prägende Flüss vor Schwiiz sin d Saane, dr Doubs, d Birs, d Thur und dr Inn. Birs, Aare, Saane, Reuss, Linth/Limmat und Thur sin dodrby Teil vom Flusssyschtem vom Hochrhy. Die Flüss sprudle bi Kwele a ganz verschiidene Ort ir Schwiiz us em Bode.

Vor allne andere präge dr Rhy (zäme mit sim grosse Hauptnäbefluss, dr Aare) und dr Rotte d Landschaft vo dr Schwiz. Si beid ghöre zu de grööschte Flüss vo Europa.

Dur d Schwiiz verlaufe meereri europäischi Hauptwasserscheide: Si trenne d Yyzugsgebiet vo Nordsee, Mittelmeer und Schwarzem Meer. Sogar e dreifachi Hauptwasserscheidi findet sich uff em Lunghinpass im Engadin. D Idee, mit eme transhelvetische Kanal dur s Mittelland zwische Rhy und Rotte d Nordsee und s Mittelmeer zverbinde, isch nie umgsetzt worde.

Innerhalb vo dr Schwiiz het dr Rhy mit 375 km dr längscht Lauf, gfolgt vo dr Aare mit 295 km und em Rotte mit 264 km

Flusssyschtem Rhy ändere

Rhy ändere

 
d Vorderrhyschlucht im Bündnerland
 
dr Rhyfall underhalb vo Schaffhuuse
 
dr Rhy z Basel, zmitzt ir Stadt

Dr Rhy isch mit enere Lengi innerhalb vo dr Schwiiz vo 375 km dr lengscht Fluss vor Schwiiz. Mit all sine Näbeflüss het er Yyzugsgebiet vo 36'494 km² – dodrmit verloot s Wasser vo 80 % vor ganze Flechi vor Schwiiz s Land bi Basel über e Rhy.

Dr Rhy het total 13 Quellflüssli, die wichtigschte sin Vorder- und Hinderrhy. Die beide fliesse bi Reichenau im Kanton Graubünde zämme. Allerdings duet nume dr Vorderrhy würkli us em öschtlige Gotthardmassiv entspringe. Dr Hinterrhy entspringt im Rhywald in dr Nöchi vom San Bernardino-Pass a dr Gränze zum Tessin – und dodrmit südlig vom Gotthardmassiv. Noch em Zämmefluss wändet sich dr Rhy in nördliger Richtig an Chur vrby em St. Galler Rhytal zue. Dodrby bildet er zerscht Gränze vor Schwiiz zem Fürschtetum Liechtestei, drno, mit zwee Uusnaame, zem öschtriichische Bundesland Vorarlberg. Drno mündet er in Bodesee. Vo do a und bis uf Basel bildet er (usser z Schaffhuuse und z Basel sälber) d Gränze zue Dytschland.

Z Konstanz verloot er dr Bodesee gege Weschte zue. Grad noch Schaffhuuse, südlig drvo, zwüsche Neuhuuse und Laufe, befindet sich dr gröscht Wasserfall vo Mitteleuropa, dr Rhyfall. Bi Choblez ströme Rhy und Aare zämme. Mit em Zuefluss vor Aare vergrössert sich d Wasserfiehrig vom Rhy um meh als Dopplete. Wiiter im Weschte durfliesst dr Rhy – unterdesse zum ene Strom worde – d Stadt Basel und verloot d Schwiiz Richtig Norde, won er d Gränze vom Elsass zu Bade bildet und wiiter i Richtig Nordsee fliesst.

Subflusssyschtem Aare ändere

Aare ändere

 
s Yzugsgebiet vo dr Aare mit Zueflüss
 
d Aareschlucht
 
d Aare bi Bärn

D Aare isch dr wichtigscht Näbefluss vom Rhy, het e Lengi vo 295 km und es Yzugsgebiet vo 17'779 km². Si isch dodrmit dr lengschti rein schwiizerischi Fluss. Zuedäm isch si au dr Fluss mit am meischte Wasser, bim Zämmefluss mit em Rhy het si 50 % mee Wasser als är. Do dr Rhy aber zem Zytpunkt, wo me d Flüss systematisch binännt het, wenigi Kilometer lenger gsi als d Aare, heisst dr Fluss bis zum Meer Rhy. Dur d Begradigung vom Rhy im St. Galler Rhytal und d Juragwässerkorrektion an dr Aare isch dr Rhy mittlerwiile kürzer und d Aare lenger worde. So isch hütte d Aare bim Zämmefluss lenger als dr Rhy und bringt au mee Wasser. Trotzdäm bliibt dr Name Rhy us historische Gründ.

D Aare entspringt im weschtliche Gotthardmassiv im Bärner Oberland und prägt s weschtliche Mittelland. Zwüsche Innerchirche und Meiringe zwängt sich dr jung Fluss dur d Aareschlucht nordwärts. Es baar Kilometer witer fliesst si zerscht in Brienzer- und denn in Thunersee. Drno durchquert si im ene grosse Boge d Bundesstadt Bärn und chunt aschliessend in Wohlesee. Bi Aarbärg fliesst d Aare sit 1878 wäg dr Juragewässerkorrektion in nordöstlicher Richtig in Bielersee. Vo dört fliesst si in westlicher Richtig em Jurasüdfuess noche dur Soledurn und Olte, und bi Brugg tuet si sech im Wasserschloss mit Rüüss und Limmat vereinige. Wenigi Kilometer nordwärts trifft d Aare denn uff e Rhy

Saane ändere

 
d Saane z Fribourg
 
d Thur im Toggeburg

D Saane (frz. Sarine, 126 km / 1'892 km²) entspringt bi Gsteig im westliche Bärner Oberland. Si fliesst zerst westwärts dur s waadtländische Pays-d’Enhaut, aschliessend noch Norde, dur s Greyerzerland – mit em Greyerzersee. Sowiso isch d Saane dr Hauptfluss vom Kanton Fryburg und hüfig bildet er au d Sprachgränze. Unden a Fryburg und em Schifenesee fliesst d Saane bi Aarbärg in d Aare.

Rüüss ändere

D Rüüss (158 km / 3'425 km²) isch dr Fluss vor Zentralschwiiz. Er fliesst vom Gotthard här stetig noch Norde, bildet dodrbi s Urnertal, dur das die transeuropäischi Gotthardroute füert, und dr Vierwaldstettersee. Z Lozärn verloot d Rüüss dr See. Schliesslig mündet si im Wasserschloss bi Brugg in d Aare.

Linth / Limet ändere

E bizz witer öschtlich entspringt bim Tödi d Linth (140 km / 2'416 km²), wo gege Nordoschte zue die öschtlige Voralpe Richtig Walesee durchquert. Über e Linthkanal fliesst si drno in Zürisee. Am andere Änd lauft si bir Stadt Züri wider us em See. Si heisst ab denn Limet und flüsst gege Nordweschte zu dr Aare im Wasserschloss bi Brugg.

Thur ändere

Nomoll witer öschtlig entspringt mit dr Thur (125 km / 1'724 km²) dr gröscht Fluss vor Oschtschwiiz. Si chunt dur s Doggeburg, dr Thurgau und dur Teil vom Zürcher Hinderland. Churz noch em Rhyfall fliesst d Thur in Rhy.

Birs ändere

Ganz churz vor Basel schliesslig fliesst d Birs (73 km / 924 km²) in Rhy. D Birs entspringt im Berner Jura, durfliesst die jurassisch Hauptstadt Dälschberg und bildet im Nordweschte vor Schwiiz innerhalb vom Jurahöhezug verschiideni Kluse und e markants Tal – s Laufental.

Rotte (Rhone) ändere

 
d Mündig vom Rotte in Gämfersee
 
Blick uf s Quellgebiet vom Inn mit Silser- und Silvaplanersee

Dr Rotte, im Wälsche bekannt unter sim französische Name Rhône und ir Dütschwiiz Rhone, isch in dr Schwiiz 264 km lang und het e Yzugsgebiet vo 10'403 km². Är entspringt uf dr weschtlige Syte vom Gotthardmassiv im Rhonegletscher und durfliesst dr Kanton Wallis: zerscht dur s Goms und denn vo Brig über Martinach (Fliessrichtig neu nordwärts) zum Gämfersee. Bis dohi bildet er s Walliser Haupttal, s Schwiizer Rhonetal. Am andere Änd vom Gämfersee verloot dr Rotte dr See und durfliesst d Stadt Gämf, verabschiidet sich drno grad vor Schwiiz und mündet schliesslig im Mittelmeer.

Tessin (Ticino) ändere

Dr Namensgäber vom Kanton Tessin, dr Tessin (it. Ticino, 91 km, 1616 km²), entspringt im südliche Gotthardmassiv, fliesst noch Süde dur dr nördlig und mittleri Teil vom Kanton Tessin (Sopraceneri), vereinigt sich mit dr Moesa, wo us em bündnerische Misox chunt, strömt in Langesee, wo au dr zweit bedütend Fluss vom Kanton Tessin, d Maggia, ynefliesst, und verloot im See d Schwiiz. In Langesee fliesst au d Tresa, wo als Abfluss vom Luganersee grossi Teile vom Sottoceneri entwässeret. Dr Ticino fliesst schliessli im Süde us zum Langesee us und mündet grad unden a Pavia in Po, wo am Änd in d Adria fliesst.

Inn ändere

Dr Inn (104 km, 2150 km²) entspringt bi Maloja im Engadin. Er fliesst dur Silser- und Silvaplanersee in Richtig Nordoste, verloot d Schwiz bi Vinadi und mündet im bayrische Passau in d Donau, wo ins Schwarze Meer fliesst.

Entwässerige vor Schwiiz näbe Rhy, Rotte, Tessin und Inn ändere

Rhy, Rotte, Tessin und Inn entwässere zämme mit ihrne Zueflüss fasch die ganz Schwiiz. Es paar ehnder glaini Gebiet wärde aber no über anderi Flüss entwässeret. Im Nordweschte d Umgäbig vo La Chaux-de-Fonds und St. Ursanne und au d Ajoie dur dr Doubs (Richtig Mittelmeer); ganz im Südoschte vom Land s Münstertal (dur Rom und Etsch in d Adria), d Bündner Südtäler Puschlav (dur Poschiavino) und Bergell (dur Mera) über de Comersee dur Adda; im Süde die südliche und östliche Teil vom Mendrisiotto (dur Breggia und Comersee bzw. dur Gaggiolo und Olona) und s Zwüschbärgetal südlich vom Simplonpass (durs Grosse Wasser und d Diveria) – di letscht gnennte gönd ali via Po i d Adria.

Flüss mit Quelle usserhalb vor Schwiiz ändere

Mit Usnaam vo eim vo de 13 Quellflüss vom Rhy, em Reno di Lei, und em Doubs entspringt kei grössers Schwiizer Gwässer im Usland, aber doch es paar gleineri. Das sin d Wiise, Birsig, Biber, Spöl, Faloppia, Melezza, Isorno und Arve.

Weblink ändere

  Dä Artikel basiert uff ere fräie Übersetzig vu dere Version vum Artikel „Flüsse_der_Schweiz“ vu de dütsche Wikipedia. E Liste vu de Autore un Versione isch do z finde.