Schuelhuusplatz Bade
De Schuelhuusplatz z Bade isch e Chrüzig zmitts in de Stadt Bade und isch eini vo de am meischte befahrene Chrüzige in de Schwiiz. Ufgrund vo de vile Fahrzüüg, wo täglich über d Chrüzig fahre, gits, bsunders in de Hauptverchersziite, hüfig Stau. Vo Mitti 2015 bis Endi 2017 wird d Chrüzig umgstaltet, au um de Verchersfluss z verbessere. D Büs vo de Altstadt Richtig Hochbrugg und Wettige überchömmed en eigede Tunnel und für Fuessgänger und Velofahrer entstoht e eigedi Ebeni.[1]
D Lag vom Platz
ändereDe Schuelhuusplatz ligd zwischem Bezirksgebäud, em Falke und em Cordulaplatz. D Stroos, wo vo Brugg Richitg Noiehof und witer uf d Autobahn Richtig Züri führt, chrüzt sich mit de Stroos vo Wettige her über d Hochbrugg Richtig Mellige.
Gschichd und Verchersproblem
ändereFür d Verchersproblem z Bade wird näbe em hohe Verchersufkomme d Topographii verantwortlich gmacht. D Limmig flüsst durch d Klus vo Bade, wo uf beidne Site vo Juraberg flankiirt. Strategisch isch das im Mittelalter e wichtigi Stell gsi, wo au de Grund für Stadtgründig gsi isch. Bis aafangs 1960er Johr isch d Iisebahn über de Schuelhuusplatz gfahre. D Barriere sind damals aber öppe en Drittel vom Tag gschlosse gsi, so dass es e lösig vo de Verchersproblem het müesse geh.[2] D Isebahn isch in en 850 Meter lange Tunnel verlegt worde.[3] Wil de Vercher sitehr dütlich zugnoh het und au di öffentliche Büs im Vercher stecke bliibe, isch scho vor Jahre d Diskussion ufgnoh worde, wi me d Verchersprobläm in de Griff chönnt übercho.
Umbau vo 2015 bis 2017
ändere
Für d Saniirig, wo am 3. Juli 2015 in Aagriff gnoh worden isch, sind öppe 100 Millione Franke budgetiirt worde. De planti Bustunnel söll d Wide Gass und damit d Altstadt vom Busvercher befreie, indem d Büs vom de Haltestell Bahnhof-Ost z Bade Richitg Wettige durch d Tunnelgarage und dann de noi Bustunnel fahre. Die bisherige Fussgängerunterführige werde durch e Passage ersetz, wo s Querre vom Platz zwüschem Bustunnel und de Autostroos sowohl für Fussgänger wi au für Velofahrer in alli Richtige wird ermögliche.[4]
Weblink
ändere
Commons: Schuelhuusplatz – Sammlig vo MultimediadateieEinzelnochwiis
ändere- ↑ Zu de Noigstaltig vom Schuelhuusplatz z Baden uf de Website vom Kanton Aargau
- ↑ Limmatklus: einst willkommen – heute verwünscht uf AZ-Online
- ↑ Schulhausplatz: Heute startet Sanierung – die letzte endete vor 50 Jahren uf AZ-Online
- ↑ Dei Stadt erhält einen Bustunnel, der in Europa einzigartig sein wird auf AZ-Online