Alemannische Wikipedia

Dreisamstadion

(Witergleitet vun Schwarzwald-Stadion)

S Dreisamstadion isch d Wettkampfstätte vum Fueßball-Erschtligischt SC Fryybeg z Fryybeg. S lyt im eschtlige Stadtdeil Waldsee an dr Schwarzwaldstroß. Bis Juni 2004 het s Stadion, wu 24.000 Zueschauer fasst, dr Name Dreisamstadion drait, vu dert aa bis im Dezämber 2011 badenova Stadion noch em Energiversorger badenova, vu Jänner 2012 bis Mitti 2014 Mage Solar Stadion, churzi Zyt Stadion an der Schwarzwaldstraße un vom Spotjohr 2014-2021 het das Stadion Schwarzwald-Stadion gheisse. Syt em 2021 dreit das Stadion wider dä Name wo's bis is Jahr 2004 het dreit gha.

Dreisamstadion / Dreisemstadion
Das SC-Stadion an der Schwarzwaldstraße in Freiburg, das seit Herbst 2014 Schwarzwald-Stadion heißt
S Stadion vo Aussen här gseh (2014)
Früeneri Nääme
  • Dreisamstadion (1954–2004)
  • Stadion an der Schwarzwaldstraße (2014)
Sponsorenääme
  • Badenova-Stadion (2004–2011)
  • Mage Solar Stadion (2012–2014)
  • Schwarzwald-Stadion (2014–2021)
Daate
Ort Schwarzwaldstraße 193
DeutschlandDeutschland 79117 Fryybeg, Baade-Wiirdebäärg
Koordinaten 47° 59′ 20″ N, 7° 53′ 35″ OKoordinate: 47° 59′ 20″ N, 7° 53′ 35″ O
Äigedümer Schtadt Fryybeg
Bedriiber SC Fryybeg
Eröffnig 1. September 1954[1]
Renowierige 1970, 1980, 1993–1995, 1999, 2004
Oberflechi Naturwase
Chöste 24 Mio. Euro[1]
Kapazidäät 24.000 Plätze[2]
Kapazidäät (internat.) 18.000 Plätze[3]
Spiilflechi 101 m × 68 m
Veräin
Nordweschte
Nordtribüne
Solarkollektore uf em Dach

Gschicht ändere

Noch em Zweete Wältchrieg het dr SC Fryybeg zerscht kai aigene Sportblatz ghaa. Erscht anne 1953 het dr Verain e Gländ im Oschte vu dr Stadt ibernuu. Dert isch derno ne Sportblatz aaglait wore, wu am 4. Septämber 1954 offiziäll yygweit woren isch. 1970 isch dr Sportblatz zerscht um e Tribine mit 480 Sitzblätz erwyteret wore,[2] acht Johr speter - noch em Ufstiig in di 2. Bundesliga – isch dr erscht groß Uusböu chuu. Mit dr Errichtig vun ere Haupttribine un dr Erwyterig vu dr Stohräng isch d Kapazitet uf 15.500 Blätz gstiige. Derzue isch au ne Fluetlichtaalag ischtalliert wore.

In dr Winterpause vu dr Saison 1994/1995 isch mit em Böu vun ere neie Hinterdortribine (Sid-Syte) aagfange wore, wu d Böuarbete im Juni/Juli 1995 fertig gsii sin, het s Stadion derno ne Kapazitet vu 18.000 ghaa.

Uf di hitig Greßi isch s schließlig anne 1998 chuu, wu d Nord- un d Oschttribine erwyteret bzw. neierrichtet wore sin. D Nordtribine bietet 6000 Zueschauer ne Stohblatz, uf dr Oschttribine het s 6000 Sitzblätz. Boodi Tribine sin iberdacht. Vor dr Oschttribine sin au behindertegrächti Blätz diräkt am Spiilfäld entstande.

Insgsamt bietet s Stadion jetz 24.000 Zueschauer Blatz (14.000 Sitzblätz un 10.000 Stohblätz).[2] Alle Tribine sin iberdacht. Wäg ere Chlag us dr Nochberschaft isch s em Verain untersait wore, d Kapazitet vum Stadion wyter z vergreßere.

Mittlerwyyli isch s Stadion wyter umböue wore. Iber zwai Photovoltaik-Chraftwärch mit ere Laischtig vu 146.000 kWh pro Johr wird e große Dail vum Energibedarf deckt.[2] Au d Wasehaizig wird umwältschonend mit Stirlingmotore bedribe. Mit em Aaböu vun eme Funktionsgebei anne 2004 isch s fir VIP-Gescht no chummliger wore. Des Gebei lyt im Nordweschtecke vum Stadion. Hinter dr Nordtribine isch e Fanhuus böue wore, wu dur d Fangmainschaft (Dachverband der Organisierten SC-Freiburg Fans) gfiert wird.

Scho ne baar Mol het s im Stadion Länderspiil gee, zletscht het di Dytsch Fueßballnationalmannschaftf churz vor dr Fueßball-Wältmaischterschaft 2006 e Fryndschaftsspiil gege Luxemburg gspiilt, in dr Fueßball-Wältmaischterschaft het s Stadion as Trainingsblatz fir di Niderländisch Nationalmannschaft dient, wu ihre Quartier z Hinterzarte ghaa het.

Di dytsch Nationalmannschaft vu dr Fraue het am 28. Februar 2008 e Fryndschaftsspiil gege China an dr Dreisem bstritte. Drotz ass dr Termin am e vieri am Nomittag am e Dunschtig seli uuginschtig gsii isch, sin ainewäg fascht 20.000 Zueschauer chuu un hän e 2:0-Siig vu dr dytsche Mannschaft gsää. Im Mai 2010 isch d Nationalmannschaft vu dr Niderlande uf Fryybeg returchuu. In der WM-Vorberaitig het "Oranje" ne Teschtspiil gege d Nationalmannschaft vu Mexiko bstritte.

Mer chunnt guet zum Stadion iber d Stadtbahnlinie 1 in Richtig Littewyyler oder iber Bahnhof Littewyyler vu dr Helledalbahn. Bi Haimspiil wäre di boode Zuefahrtsstroße, d Schwarzwaldstroß un d Heinrich-Heine-Stroß, fir Nit-Aaliiger gspeert.

 
 
Inneruum ds Stadions (2011).

Der Uszug der Fryburger Profimannschaft 2020 ändere

Nachdäm im Jahr 2012 isch feschtgstellt worde dass e Mordernisierig vom Stadion unwirtschaftlech isch, het me im Februar 2015 im ne Bürgerentscheid beschlossee, das i de nächschte Jahr am Flugplatz Fryburg es neus Stadion z boue. Im Novämber 2018 het me mit em Bou vom hitige Europa-Park-Stadion agfange. Der SC Frybrug het mit beginn vo der Saison 2020/21 wölle zügel. Da sech der Bou wäg der COVID-19-Pandemie verzögeret het, het der Verein für d Lizänzierig vo der Saison 2020/21 un 2021/22 näbscht em Europa-Park-Stadion ou ds Dreisamstadion als Heimspilstett agäh. Der Pachtvertag het im Februar 2021 es wyters Mal müesse verlängeret wärde. Es het ou der mit z tüe gha das es es Nachtspilverbot gä het im neue Stadion u über das isch no nid entschide gsi. Wenn das der SC ds neue Stadion cha über näh isch no unklar, will d Arbeite i der Stadiontechnik sy no nid abgschlosse.

 
Plakette vu dr Stadt zum Uusböu

Stadionneibau ändere

Wel s Schwarzwald-Stadion chuum no dr Aaforderige an e modärn Stadion entspricht, sin megligi Standort fir e nei Stadion gsuecht wore. In ere Machbarkaitsstudie sin insgsamt zeh Standort uf em Baan vu dr Stadt uf ihri Aignig untersuecht wore, wu aber alli wenig Uussicht uf e Realisierig hän.[4]

Am 25. Februar 2014 het dr Fryyberger Gmairot mit 35 Jo-Stimme vu 45 meglige Stimme fir e verdiefti Untersuechig vum Standort „Wolfswinkel“ un e Burgerentschaid gstimmt. Am 1. Februar 2015 hän d Burger vu Fryybeg mit 58,2 % fir dr Stadionneibau im Wolfswinkel gstimmt.

Länderspiil ändere

Manne ändere

Vier Länderspiil vu dr dytsche Fueßballnationalmannschaft vu dr Manne het s im Dreisamstadion bzw. Badenova-Stadion gee.

Derzue hän di niderländisch un di mexikanisch Fueßballnationalmannschaft gegenenander gspiilt.

Fraue ändere

D Frauenationalmannschaft isch bishär aimol im Fryybeger Stadion z Gascht gsii.

Literatur ändere

  • Werner Skrentny (Hrsg.): Das große Buch der deutschen Fußballstadien. Verlag Die Werkstatt, Göttingen 2001, ISBN 3-89533-306-9, S. 129–131

Fueßnote ändere

  1. ↑ 1,0 1,1 Joachim Röderer: Umbau des SC-Stadions vom Tisch – Standortsuche für neue Arena beginnt. Badische Zeitung, 14. November 2012, abgruefen am 23. Dezember 2012.
  2. ↑ 2,0 2,1 2,2 2,3 Stadion. scfreiburg.com, abgruefen am 16. Januar 2012.
  3. ↑ Joachim Röderer: Uefa genehmigt Europa-League-Spiele im SC-Stadion. Badische Zeitung, 5. Juli 2013, abgruefen am 4. August 2013.
  4. ↑ Badischi Zytig vum 25.11.2010

Weblink ändere


  Dä Artikel basiert uff ere fräie Übersetzig vum Artikel „Schwarzwald-Stadion“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Dreisamstadion&oldid=998046"