Dr Storchedurm Lohr isch er Räscht vun ere mittelalterlige Wasserburg un s Wohrzeiche vu dr Stadt Lohr im Ortenaukreis z Bade-Wirttebärg. Är het syy Name vu dr Storche, wu bis in d 1960er Johr dert regelmäßig bruetlet hän.

Storchedurm Lohr
Dr Storchedurm z Lohr
Dr Storchedurm z Lohr

Dr Storchedurm z Lohr

Entstehigsziit: um 1220
Burgetyp: Wasserburg
Erhaltigszuestand: Durm un Palasmuure
Ständischi Stellig: Adligi
Ort: Lohr
Geografischi Lag: 48° 20′ 22″ N, 7° 52′ 20″ OKoordinate: 48° 20′ 22″ N, 7° 52′ 20″ O
Storchenturm Lahr (Baden-Württemberg)
Storchenturm Lahr (Baden-Württemberg)
Storchenturm Lahr
Storchenturm Lahr

Gschicht ändere

D Lohrer Burg isch um 1220 vu dr Herre von Geroldseck böue wore. E Heinricus de Lare isch anne 1215 s erscht Mol gnännt wore. Ab 1654 isch d Burg an d Markgrofe vu Bade chuu un 1727 an dr Firscht Carl von Nassau-Saarbrücken. Anne 1757 het d Stadt Lohr d Burg ufgchauft.

D Burg Lohr isch 1677 un 1689 vu dr Franzose gschlisse wore. Im Johr 1728 isch si dur e Ärdbidem nomol gschlisse un derno anne 1756 abbroche wore.

Aalag ändere

D Burg isch e regelmäßigi Rächteckaalag gsi mit vier runde Dirm in dr Ecke. Dodermit het si em bekannten spotstaufische Typus entsproche wie s e au z Sizilie het mit em Castello Ursino z Catania un em Castello Maniace z Syrakus. Dää Typus chunnt sunscht us däre Zyt z Dytschland numme no im benochberte Dutestei vor, eme Ortsdeil vu dr Gmei Seelbach.

Dr Storchedum isch dr Norddurm vu dr Aalag gsi. Hite het s e chlei Museum dinne zue dr Gschicht vu däre Wasserburg. Vu dr Uussichtsplattform vum Storchedurm git s e schene Rundblick iber d Altstadt un uf d Vorbärg.

In dr 1980er Johr isch dr Oschtdurm frejgleit wore, är isch hite im Untergeschoss vum Café Kopf (Marktstroß, zue dr gängige Gschäftszyte z bsichtige). D Fundamänt vum Siddurm isch in dr 1960er Johr frejgleit un ewäggrisse wore, wu s Chaufhuus böue woren isch, dr Weschtdurm isch 2003 unter ere Betondecki vergrabe wore.

Weblink ändere