Drumbeete

Drumbeete
ängl.: trumpet, frz.: trompette, ital.: tromba, span.: trompeta

Klassifikation	Äärofoon Bläächbloosinstrumänt
Donumfang
Verwandti Instrumänt	Natuurdrumbeete, Bikolodrumbeete, Posuune, Flügelhorn, Kornett, Tuba, Waldhorn

D Drumbeete isch e hoochs Bläächbloosinschtrumänt.

Si isch es Äärofoon und mä bloost uf ere mit eme Chesselmundstück noch em Brinzip vo dr Bolsterpfyffe.

Iri Mensur isch zimlig äng und dr Schalldrichter entsprächend wyt. S Roor vo dr B-Drumbeete, dr Drumbeete wo um hüfigste bruucht wird, isch öbbe 134 Santimeter lang.

Mä underschäidet zwüsche de Natuurdrumbeete (wie dr Barockdrumbeete) und de Klappedrumbeete und Ventiildrumbeete.

Gschicht

Inschtrumänt, wo ähnlech wie d Drumbeete bout gsi sind, het’s scho bi den alte Ägipter gää. Die Aart vo Bloosinschtrumänt het bi de Juude Chazozra,' bi de Grieche Salpinx und bi de Röömer Tuba gheisse. Es sind langgstreckti Forme oder au dräiti Roor gsi. I dr ntyke zyt het me die Inschtrumänt meischtens us Bronze gmacht.

Sit em 14. Joorhundert git’s Bilder mit Blächbloosinstrumänt, wo a dräiti Form händ. Anne 1470 chunt s Wort Drometten s erschte Mol in ere Schriftkwelle vor. Dr Martin Luther het i synere Bible Drommette gschribe. Dr Typ vo dr Barockdrumbeete het men als Naturdooninschtrumänt bis is 18. Joorhundert bruucht. Spezielli Forme sind d Fanfaaredrumbeete und d Heroldsdrumbeete gsi.

Änds 18. Joorhundert sind d Drumbeete mit Chlappen und Züüg und Väntyl ufchoo, wo d Komponischte drfüür jetz die ganzi Doonläitere hän chönne bruuche.

I dr zwöiti Helfti vom 19. Joorhundert isch zu dr Drumbeete s Kornett choo.

Drumbeete sind grad au für s Militäär und für d Durmwächter i de Stedt als Signalinschtrumänt wichtig gsi. Do drzue het dr Victor Ernst Nessler nach eme Buech vom Joseph Victor vo Scheffel d Oopere Der Trompeter von Säckingen komponiert, wo 1884 d Uurfuffüerig vonnere gsi isch.

Litratuur

Matthias Bertsch: Zur Tonerzeugung auf der Trompete. Wien 2002.
Edward Tarr: Die Trompete. Ihre Geschichte von der Antike bis zur Gegenwart Mainz 2005.
Friedel Keim: Das Trompeter-Taschenbuch. Mainz 1998.
Friedel Keim: Das große Buch der Trompete. Mainz 2005.
Hugo Pinksterboer: Pocket-Info für Trompete, Posaune, Flügelhorn und Kornett. Mainz 2001.
Herbert Schramm: Mein Metallblasinstrument. Leipzig, 1981
Enrico Weller: Der Blasinstrumentenbau im Vogtland von den Anfängen bis zum Beginn des 20. Jahrhunderts.

Weblingg

Commons: Drumbeete – Sammlig vo Multimediadateie

Informationen rund um d Drumbeete
Internazionali Drumbeetergilde (änglisch)
Griff für d Drumbeete in B (PDF-Download möglig)
S Instrumänt vom Joor 2009: d Drumbeete Informazioone über Instrumänt, Muusiker, Litratuur
Wüsseschaftligi Litratuurliste vom DrTrumpet. Bibliographii mit e Hufe Fachardikel über d Drumbeete