Ulrich Maurer (Politiker)

Dr Ulrich Maurer (* 29. Novämber 1948 z Stuegert) isch e Rächtsaawalt un dytsche Bolitiker (SPD, speter Die Linke).

de Ullrich Maurer

Läbe

Dr Ulrich Maurer het z Stuegert Abitur gmacht un het derno bis anne 1974 Rächtwwisseschaft an dr Universitet Dibenga studiert. Noch em Assessorexame het er si as sälbschständige Rächtsaawalt z Stuegert nidergloo.

Är isch katholisch, ghyrote un Vater vu zwai Chinder.

Bolitik

Dr Ulrich Maurer isch vu 1971 bis 1980 fir SPD Mitglid vum Gmairot vu dr Stadt Stuegert gsii. Bi dr Oberburgermaischterwahl 1982 isch er gege dr Manfred Rommel unterläge. Ab em 10. April 1980 isch er Mitglid vum Landdag vu Bade-Wirttebärg gsi. Vu 1987 bis 1999 isch dr Maurer Vorsitzer vu dr SPD Bade-Wirttebärg gsii un vu 1992 bis 2001 Vorsitzer vu dr SPD-Landdagsfraktion.

Vu 1995 bis 1999 un Septämber bis November 2001 isch er au Mitglid vum SPD-Bresidium gsii.

Im Juli 2005 isch er no Kritik an dr Bolitik vum Bundeschanzler Gerhard Schröder us dr SPD uusdrätte un isch Mitglid vu dr WASG wore, sy Landdagsmandat het er bhalte.

D WASG isch mit dr Linkspartei.PDS e Bindnis yygangen isch un isch uf dr Landeslischt vu dr Linkspartei.PDS zue dr Bundesdagswahl 2005 aadrätte. Dr Maurer isch Spitzekandidat vu dr Linkspartei z Bade-Wirttebärg gsii un het e Mandat fir dr 16. Dytsch Bundesdag gwunne. Am 16. Juni 2007 isch er dr nei grindete Partei Die Linke byydrätte.

In dr Bundesdagsfraktion vu dr Linke isch dr Maurer bis Oktober 2009 ain vu zwai barlemäntarische Gschäftsfierer gsii, derno stellverdrättende Fraktionsvorsitzer. Bi dr Bundesdagswahl 2013 isch er nimmi aadrätte.

Publikatione

• Zus. mit Hans Modrow (Hrsg.): Überholt wird links. Was kann, was will, was soll die Linkspartei. edition ost, Berlin 2005, ISBN 3-360-01068-X.
• Eiszeit. Staatsstreich des Kapitals oder Renaissance der Linken. Riemann Verlag, München 2006, ISBN 3-570-50070-5.

Weblink

 Commons: Ulrich Maurer (Politiker) – Sammlig vo Multimediadateie

• Ulrich Maurer uf abgeordnetenwatch.de
• Ulrich Maurer uf dr Syte vu dr Bundestagsfraktion Die Linke
• Biographie beim Deutschen Bundestag
• Persenligi Aagabe im Landdagshandbuech Bade-Wirtteberg (Memento vom 27. Septämber 2007 im Internet Archive) (PDF-Datei; 125 kB)

Dä Artikel basiert uff ere fräie Übersetzig vum Artikel „Ulrich_Maurer_(Politiker)“ vu de dütsche Wikipedia. E Liste vu de Autore un Versione isch do z finde.