Alemannische Wikipedia

Vorlaifigi Volksverdrättig fir Wirttebärg-Bade

Di Vorlaifig Volksverdrättig fir Wirttebärg-Bade (amtli Vorläufige Volksvertretung für Württemberg-Baden) isch anne 1946 e barlemäntsähnli Gremium im Land Wirttebärg-Bade in dr Amerikanische Bsatzigszone gsii. Iri Hauptufgab isch d Berotig vu dr vu dr Militerregierig vu dr Verainigte Staate yygsetzte zivile Regierig gsii. Si isch Vorlaiferi vu dr Verfassiggebende Landesversammlig gsii, wu am 30. Juni 1946 in freier Wahl gwehlt woren isch. Si het dr „Ernännte Landdag“ in dr andere Länder in dr amerikanische un britische Bsatzigszone entsproche.

Gschicht

ändere

Noch em Zweete Wältchrieg sin d Länder Bade un Wirttebärg zwische dr amerikanische Bsatzigszone im Norde un dr franzesische im Side ufdailt wore. In dr franzesische Zone sin d Länder Wirttebärg-Hauezollre un Bade grindet wore, in dr amerikanische Zone s Land Wirttebärg-Bade.

Scho fir dr 20. Juni 1945 het di amerikanisch Militerregierig e Landretkumferänz fir Nordwirttebärg uf Murrhardt yygruefe. Yyglade het mer d Landret vu dr 15 nordwirttebärgische Landkrais in dr amerikanische Bsatzigszone.[1] D Landeshauptstadt Stuegert un d Landkrais Beblenga, Esslenga, Leaberg, Nirdenga un Vaihenga sin nit verdrätte gsii, wel si um des Zyt no dr franzesische Bsatzigsmacht unterstande sin. Dr Reinhold Maier un dr Wilhelm Keil sin as ehrenamtligi Beroter bi dr Kumferänz derby gsii. Anderi Landretkumferänze het s am 11. Juli 1945 z Gmnd, am 15. Augschte 1945 z Ludwigsburg, am 10. Oktober 1945 z Bad Boll un am 21. November 1945 z Schnait gee. Bi dr Kumferänz z Schnait sin zum erschte Mol au Verdätter vum nordbadische Landesdail doo gsii.

Am 10. Jänner 1946 het d Militerregierig e Gsetz erloo, wu d Yyruefig vun ere Vorlaifige Volksverdrättig aagornet het, wu d Landretkumferänz abglest het.[2] D Vorlaifig Volksverdrättig ihet nume ne Berotigsfunktion ghaa; Iri Bschliss hän fir di zivil Staatsregierig unter em Minischterbresidänt Reinhold Maier, wu vu dr Militerregierig yygsetzt gsii isch, dr Karakter vum Empfählige ghaa.[3]

Di erscht Sitzig vu dr Vorlaifige Volksverdrättig isch am 16. Jänner 1946 im Große Huus vum Wirttebärgische Staatstheater z Stuegert gsii. Derno het s zisch em 30. Jänner 1946 un em 19. Juni 1946 insgsamt nyyn Arbetssitzige gee. Di Vorlaifig Volksverdrättig isch dur di Verfassiggebend Landesversammlig abglest wore, wu am 30. Juni 1946 in freier Wahl gwehlt woren isch.

Zämesetzig

ändere

D Mitglider vu dr Vorlaifige Volksverdrättig sin nit gwehlt wore, si sin vu dr Militerregierig ernännt wore. As Bresidänt isch dr Wilhelm Keil (SPD) yygsetzt wore. Sy Stellverdrätter isch dr barteilos Mannemer Oberburgermaischter Josef Braun gsii. Di Vorlaifig Volksverdrättig het insgsamt 124 Mitglider ghaa. Si isch eso zämegsetzt gsii:[4][5]

  • Bresidänt Wilhelm Keil (SPD) as Vorsitzer
  • Minischterbresidänt Reinhold Maier (DVP)
  • 8 ander Mitglider vu dr Regierig
  • 12 Verdrätter vu dr CDU
  • 12 Verdrätter vu dr SPD
  • 12 Verdrätter vu dr DVP
  • 12 Verdrätter vu dr KPD
  • 28 Landret
  • 8 Oberburgermaischter
  • 4 Verdrätter vu dr Gwerkschafte
  • 4 Verdrätter vu dr Induschtry- un Handelschammere
  • 4 Verdrätter vu dr Handwerkschammere
  • 8 Verdrätter vu dr Landwirtschaft
  • 4 Verdrätter vu dr Hochschuele
  • 6 Verdrätter vu dr Chilche

Mitglider

ändere
Inhaltsverzeichnis A B C D E F G H I J K L M N O P Q R S T U V W X Y Z

A

ändere

B

ändere

C

ändere

D

ändere

E

ändere

F

ändere

G

ändere

H

ändere

J

ändere

K

ändere

L

ändere

M

ändere

N

ändere

O

ändere

P

ändere

R

ändere

S

ändere

T

ändere

U

ändere

V

ändere

W

ändere

Z

ändere


Inhaltsverzeichnis A B C D E F G H I J K L M N O P Q R S T U V W X Y Z


Literatur

ändere
  • Josef Weik: MdL, die Abgeordneten der Landtage in Baden-Württemberg. 1946–1978. Biographisches Gesamtverzeichnis der Abgeordneten der Länder Baden, Württemberg-Baden, Württemberg-Hohenzollern 1946–1952, Baden-Württemberg 1952–1978. Herausgegeben vom Landtag Baden-Württemberg anlässlich der 25-Jahr-Feier der Landesverfassung. Klett-Cotta, Stuttgart 1978, ISBN 3-12-911930-2, S. 23–25.

Fueßnote

ändere
  1. ↑ D Dailnämerlischt isch vereffetligt in: Landkreisnachrichten aus Baden-Württemberg, 4. Jahrgang/Heft 3, 1. Septämber 1965, S. 26
  2. ↑ www.verfassungen.de: Gesetz Nr. 15 über die Vorläufige Volksvertretung für Württemberg-Baden
  3. ↑ Artikel 5 vum Gesetz Nr. 15
  4. ↑ Gesetz Nr. 15 über die Vorläufige Volksvertretung für Württemberg-Baden vom 10. Januar 1946
  5. ↑ Landtag von Baden-Württemberg (Hrsg.): MdL, die Abgeordneten der Landtage in Baden-Württemberg 1946-1978. Stuttgart 1978, ISBN 3-12-911930-2, S. 24 un S. 199


  Dä Artikel basiert uff ere fräie Übersetzig vu dere Version vum Artikel „Vorläufige_Volksvertretung_für_Württemberg-Bade“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Vorläufige_Volksvertretung_für_Württemberg-Baden&oldid=1018085"