Dr Walter Zwingli (* 28. Septämber 1925 z Sanggale; † 10. Juli 2018 z Rhinegg; haimetbrächtigt z Nesslau) isch e Schwyzer Bolitiker (FDP) gsii.

Lääbe ändere

D Walter Zwingli het vu 1941 bis 1947 uf Buureheef un an dr kantonale-landwirtschaftlige Schuel z Flawil Buur glehrt. Ab 1948 het er an dr ETH Züri Ingenieur-Agronomy studiert un mit em Diplom (Dipl. Ing.-Agr.) abgschlosse.[1] Anne 1956 isch er dert bim Rudolf Koblet un em Albert Frey-Wyssling zum Dr. sc. nat. promoviert wore. Är isch vu 1958 bis 1977 Diräkter vu dr kantonale Landwirtschaftsschuel Custerhof z Rhinegg un vu 1977 bis 1984 vu dr Landwirtschaftsschuel Rhiihof z Salez gsii. Vu 1984 bis 1990 het er as Landwirtschaftslehrer gschafft.

Vu 1964 bis 1970 isch er Vorstandsmitglid un vu 1970 bis 1973 Bresidsänt vu dr Landwirtschaftlige Gsellschaft vum Kanton Sanggale gsii. Vu 1973 bis 1981 isch er zerscht Vizebresidänt, vu 1981 bis 1989 Bresdidänt vum Sanggalische Buureverband gsii.[2]

Dr Zwingli isch Mitglid vu dr FDP gsii. Är het vu 1976 bis 1984 em Große Rot vum Kanton Sanggale un vu 1984 bis 1991 em Nationalrot aaghert.[2]

Dr Zwingli het si vor allem fir s Boderächt vu dr Buure un fir s landwirtschaftli Bildigswäse un au dr Uusböu vu dr Rhydal-Bahnlinie engaschiert. 1988 isch er ain vu dr Mitorganisatore vu dr erschte OLMA-Agrargspräch gsii.

Schrifte ändere

  • Untersuchungen über die Fertilitätsverhältnisse in schweizerischen Weissklee-Populationen mit ergänzenden zytologischen Studien. In: Zeitschrift für Pflanzenzüchtung. Bd. 36 (1956), H. 3, S. 237–288, DOI:10.3929/ethz-a-000088686 (Dissertation, ETH Züri, 1956).

Literatur ändere

Weblink ändere

Fueßnote ändere

  1. Lebensabriß in Dissertation, lueg Literatur.
  2. 2,0 2,1 St.Galler alt Nationalrat Walter Zwingli gestorben. In: toponline.ch. 13. Juli 2018 (toponline.ch [abgerufen am 10. August 2018]).
  Dä Artikel basiert uff ere fräie Übersetzig vu dere Version vum Artikel „Walter_Zwingli“ vu de dütsche Wikipedia. E Liste vu de Autore un Versione isch do z finde.