Wissestäi

Dä Artikel behandlet dr Bärg im Soledurner Jura. Für anderi Bedütige lueg doo.

f

Wissestäi
D Soledurner Altstadt vor dr Kulisse vom Wissestäi, Merz 2005 D Soledurner Altstadt vor dr Kulisse vom Wissestäi, Merz 2005
Hechi	1'395 m ü. M.
Lag	Kanton Soledurn, Schwiz
Gebirg	Jura
Geografischi Lag	607169 / 23323647.257.53333333333331395
Weissenstein (Jura) (Solothurn) Weissenstein (Jura)

D Sässelibaan vo 1950, wo bis am 1. Novämber 2009 in Betriib gsi isch

Dr Wissestäi isch e Bärgrugge im Schwizer Jura nördlig vo dr Stadt Soledurn, wo bis zu 1'395 m hooch isch. Er gält as dr Husbärg vo dr Stadt. Sit 1977 isch dr Wissestäi im Bundesinwentar vo de Landschafte und Naturdänkmööler, wo nazionali Bedütig häi.

Bis im Novämber 2009 het mä mit ere Sässelibaan, wo zwäi Sekzioone gha het 2'339 m lang gsi isch, vo Oberdorf zum Kurhuus (1'287 m ü. M.) uufe chönne faare. Dr Dunell vo dr Iisebaanlinie Soledurn-Moutier vo Oberdorf uf Gänsbrunne uf dr andere Site vom Wissestäi isch im Joor 1908 eröffnet worde und isch 3701 m lang. D Sässelibaan het d Iisebaanlinie vo dr Soledurn-Münster-Baan, wo hüte e Däil vo dr BLS AG isch, grad vor em Dunelliigang krützt; und eso öbbis het s bin ere normalspurige Iisebaanlinie in dr Schwiz nid no äinisch gee.

Dr Wissestäi isch am höggste uf dr Röti mit 1'395 m. D Bassstrooss vo Oberdorf über e Wissestäibass (1'279 m ü. M.) uf Gänsbrunne het Stiigige bis zu 22 % und isch äini vo de stozigste in dr Schwiz. Im Winter isch si für e Brivatvercheer gesperrt und wird denn as e Schlittelbaan brucht, wo über d Region uuse beliebt isch.

Öbbe 2 km westlig vom Kurhuus befindet sich in dr Nööchi vom Hindere Wissestäi (1'226 m ü. M.) s Niidleloch. Das isch e wit verzwigts Höölisüsteem (7,5 km lang mit 418 m Hööchiunderschiid), wo s fast überall nid allzu gföörlig isch, durezgoo.

Grad bim Kurhuus cha mä gratis e botanische Garte mit Pflanze, wo für e Standort tüpisch si, go bschaue und au es Wintersportmuseum. Näben em Kurhuus stöön die «drei hellste Soledurner», drei starki Schiinwärfer, wo ins Daal lüüchte und wo mä vo witem in dr Nacht guet cha gsee. Dunde am Kurhuus het mä 1984 e Bärgkapälle baut, wo im Häilige Brueder Chlaus gweiht isch. Über Balmbärg und Gränchebärg cha mä jeede Daag uf e Wissestäi, Im Summer faart en Autibus am Wuchenänd vo Oberdorf ab. Vom Kurhuus het s e Wanderwääg em Blanetewääg Wissestäi nooch über d Haasematt bis uf Gränchebärg oder au zum Balmbärg.

Sit 1994 findet uf em Wissestäi jedes Joor s äiwöchige Uhuru Wältmuusig-Festiwal statt.

Weblingg

 Commons: Weissenstein – Sammlig vo Multimediadateie

• Solothurner Wanderwege
• Hugo Ledermann: Geologischer Wanderweg Weissenstein. Naturforschende Gesellschaft des Standes Solothurn, 1981.
• Weissenstein - haben auch Berge Karies?. Geologische Sehenswürdigkeiten: Durchblicke in die Urzeit. Departement Bau und Justiz, Kanton Solothurn.
• Uhuru-Festival auf dem Weissenstein
• Tobias Krüger: Weissenstein (Jura) In: Historisches Lexikon vo dr Schwiiz.

Kwelle

Dä Artikel basiert uff ere fräie Übersetzig vum Artikel „Weissenstein (Jura)“ vu de dütsche Wikipedia. E Liste vu de Autore un Versione isch (Jura)&action=history do z finde.