Wèllèdingè

Dä Artikel befasst sich mit eim Stadtdeil vo Bõõdorf (Schwarzwald). Lueg au Welledinge, wo è Gmeind im Landchrais Rottwyl isch.

47.7977428.351949745

Wèllèdingè (amtlich Wellendingen) isch èn Stadtdeil vo dè Stadt Bõõdorf im Landchrais Waldshuèt z Badè-Württèbärg

Wèllèdingè Stadtgmeind Bõõdorf
Wappe vo Wèllèdingè
Höhe:	745 m
Flechi:	679 hadep1
Iiwooner:	523
Iigmäindig:	1. Juni 1972
Postleitzahl:	79848
Vorwahl:	07703

Geography

S Dorf Wèllèdingé unterhalb vo Bòòdorf im Obberè Mèrrèbachdal mit Mèrrèbachschlucht, Obberholz un als Krönung übber allèm d Löwèschtadt

Wèllèdingè lyt im Südoschtschwarzwald zwûschè Bõõdorf un èm Wuètèdal bi Stüèlingè. Ußerdèm lyt s Dorf am Obberlauf vom Mèrèbach. S Mèrèbachdal volauft zwüschè sanftè Büggel vo dè Bõõdorfer Höchi ewäg bis zum untèrè Dorfrand, wo s Dal schmal wörd un i è Schlucht übbergòt. Z mitts im Dorf bildèt dè Mèrèbach è Dreiegg, i dèm innè s Gaschthuus Inslè lyt.

Gschichte

Ort

Wèllèdingè isch èrschtmòs im Johr 1352 in èrè Urkundè erwäänt worrè, un zwar als Welelingen. Dè Nammè gòt vomuètlich uff d Bezeichnung Bi dè Aaghörigè vum Wahilo odder Walhilo zrugg. Wèllèdingè isch zèrscht a d Grõfè vo Lupfè, denn a d Hèrrè vo Mörschpèrg un 1609 a s Kloschter St. Bläsy vokauft worrè. S Dorf im Mèrèbachdal hèt dõmòls zu dè „füüf Flèckè“ um Bõõdorf ummè zellt. Im Johr 1806 isch Wèllèdingè è selbschtändigi badischi Gmeind worrè, èrscht vor dè Gmeindeform, im Johr 1972, hèt sich Wèllèdingè freiwillig a d Stadt Bõõdorf aagschlossè.

Wappè

S deilte Wappè vo Wèllèdingü zeigt rächts èn uffschtygendè Hirsch, s Zeichè für d Hèrrschaft vum Kloschter St. Bläsy un links obbè isch s Stammwappè vo dè Lupfener Hèrrschaft, unnè links mörsbärgische abbildet.

Vokeer

Wèllèdingè lyt a dè B 315 unterhalb vo Bõõdorf, d B 315 gòt durch s Dorf durrè. Wõrènd d B 315 vo Bõõdorf hèr durch s lycht abschüssige Obbere Mèrrèbachdal dehèr chunnt, gòt si ab èm unterè Dorfrand vo Wällèdingè i dè Mèrrèbachschlucht bis zuè dè Dillèdorfer Sägi witter. Knapp unterhalb vo dè Dorfmitti zwygt d L 170 ab, d Alpschtrõß, uff dè Wägwyser au als Panoramaschtrõß aagschribbè. D Alpschtrõß gòt vom Dalboddè wäg übber dè sognannte Wällèdinger Stich bis uff d Alphöchi bim zum Obberholz, wo i dè Nöchi vom Obberwangèmer Wyler Sparrèbärg lyt, un vo dort witter übber dè Golfblatz bi dè Obberè Alp, s Naturschutzgebièt Spièßèbärg un witter bis Stüèlingè.

Weblingg

• Erlüterungè zuè Wèllèdingè uff dè Boadorfer Homepage