Obberwangè

47.7754348.3791661

Obberwangè (amtlich Oberwangen) isch èn Stadtdeil vo dè Stadt Stüèlingè im Landchrais Waldshuèt z Badè-Württèbärg

Obberwangè Stadt Stüèlingè
Wappe vo Obberwangè
Höhe:	661 m
Flechi:	713,898 hadep1
Iiwooner:	325 (2001)
Iigmäindig:	1. Januar 1975
Postleitzahl:	79780

Geography

Dorfportrait vu Obberwangè un èm Wyler Sparrèbärg

Obberwangè lyt im Albgau a dè linkè Dalwangè vom Bachdobèl vom Müllibach, wellè vo dè Oberè Alb hèr chunnt. Besaitè Bach entwässerèt i dè Merrèbach nördlich vo Stüèlingè bzw. südlich vo Bõõdorf. Uff èm Bärg obbè d Wyler Oberi Alb mit èm Oberè Albhof (Golfblatz) un dè Wyler Mittleri Alb. I dè nõcherè Umgebig lyt im Oschtè s Dorf Unterwangè sowiè im Weschtè dè Wyler Sparrèbärg, wo zuè Obberwangè ghört. Dè Sparrèbärg lyt in èm Sitèdobel vum Müllibachdäli öppè 90 m obberhalb un 400 m èwäg vu Obberwangè. Sèllè Sitèdobel fangt weschtnordweschtlich vu Obberwangè bim Obberholz (843 m NHN) aa, s Obberholz isch glychzitig dè högschte Pungt vum Obberwangemer Bann un vum Gmaindsbièt vu dè Stadt Stüèlinge. Ennèt un nördlich vum Obberholz lyt Wällèdingè, witer wäg weschtlich hinter dè Oberè Alb lyt s Dorf Wittlekofè (Bõõdorf), absi am Mèrèbach im Südoschtè s Dorf Schwaningè (Stüèlingè).

Gschichtè

Ort

Obberwangè isch 955 èrschtmolls als (villa Lutwanga in pago Albegou) erwäänt worrè un hèt im Bischof Gebhard II. vo Konschdanz ghört. Als Deil vom Albgau isch Obberwangè 1806 a s Großherzogdum Badè übbergangè.

Obberwangè als Deil vo dè Grossgmaind

Im Johr 1973 hèn d Obber- un Unterwangemer è Bürgerabschtimmig durrègfüürt un entschidde, beidi Gmaindè i d Stadt Bõõdorf ygmaindè z lõ. Hintergrund defür, d Eigèständigkeit uffzgää, isch d Gmaindsreform z Baddè-Württebärg gsi, wo am Aafang vo dè 1970er Johr schu aakündigt worrè un am 1. Januar 1975 definityv vollzogè worrè isch. D Obrigkeit z Stuègètt hèt d Ygmaindig vu Obber- un Unterwangè uff Stüèlingè vorgschlagè. Trotz èm Votum vo 1973 un dè Vohandligè mit dè Stadt Bõõdorf hèt dè Widderschtand vo dè Wangemer hèt abber nüt brocht, well sich d Landesregyrig vo Baddè-Württèbärg in undemokatischer Wyys übber s Votum vo dè Obber- un Unterwangemer drübber wèg gsetzt hèt. Dõdemit sin Obber- un Unterwangè gnauso wiè Bettmèdingè am 1. Januar 1975 nõch Stüèlingè zwangsygmaindet worrè. Nõch dè Ygmaindig sin Obber- un Unterwangè in eim Ortsdail mit èm Nammè Wangè uffgangè. Adminischtryrt sit èm Januar 1975 vum Stüèlinger Stadtrõt, wo Wangè wèg sinèrè Ywoonerzaal nu ein Sitz zuèschtòt, ußerdemm cha dè Wangemer Ortschaftsrõt resp. dè Wangemer Ortsvorschteher im Stadtrõt Vorschläg unterbreitè.

Kirchè

D Kirchè vu Obberwangè isch im Sankt Michael gweiht. Als Pfarrort isch Obberwangè schu 1275 erwäänt worrè. D Pfarrei vo Obberwangè isch 1435 i dè Pfarrei vo Bettmèdingè uffgangè.

Mülli

D Dorfmülli vo Obberwangè isch urschrünglich am Sparrèbärg gschtandè. Sit 1611 hèt mò si i dè Grund vom Müllibach unterhalb vo Obberwangè volait. D Mülli isch 1832 abbrènnt un isch denõch widder uffbaut worrè.

Weblingg

• d Websitè vom Golfblatz Oberi Alp
• Ywoonerschtatischtik uff dè Homepage vo dè Stadt Stüèlingè (Site cha nüme abgrüeft wärde; Suche im Webarchiv)[1] [2] Vorlage:Toter Link/www.stuehlingen.de
• „Stadtteil Wangen“ uf de Website vo de Stadt Stüelinge