Mèrrèbach

Mèrrèbach EhrèbachVorlage:Infobox Fluss/GKZ_fehlt
Laag	Dütschland (Baddè-Württèbärg) Region: Hochrhy
Flusssystem	RhyVorlage:Infobox Fluss/FLUSSSYSTEM_falsch
Abfluss über	Wuètè → Rhy → Nordsee
Quelle	südöschtlich vu Bõõdorf 47° 48′ 28,4″ N, 8° 20′ 46″ O47.80798.3461Vorlage:Infobox Fluss/QUELLHÖHE_fehlt
Mündig	bi Wizä-Baanhof i d Wuètè47.76438.4737468 47° 45′ 51″ N, 8° 28′ 25″ O47.76438.4737468
Mündigshöchi	ca. 468 m ü. NNVorlage:Infobox Fluss/NACHWEISE_fehlenVorlage:Infobox Fluss/HÖHENUNTERSCHIED_fehltVorlage:Infobox Fluss/LÄNGE_fehltVorlage:Infobox Fluss/EINZUGSGEBIET_fehlt
Chliistedt	Bõõdorf, Stüèlingè
Gmeinde	Bõõdorf, StüèlingèVorlage:Infobox Fluss/BILD_fehlt

Dè Mèrrèbach (Hauptnammè) isch èn rächtè Zuèfluss vo dè Wuètè. Er entschpringt am Stadtrand vu Bõõdorf un mündet bi Wizä-Baanhof öppè 2 km obberhalb vo Stüèlingè i s Wuètèdal.

Abschnittsnammè

Dè Fluss heißt am Obber- un Mittellauf Mèrrèbach, ab dè Wizämer Gemarkig Ehrèbach.

Volauf

Portrait vum Merrebach vo de Quälle bi Bòòdorf bis zue de Mündig i d Wuete bi Wizä Baanhof

Quällè

S Quällgebièt vum Mèrrèbach lyt öppè 200 m südöschtlich vum Bõõdorfer Stadtzèntrum un isch ygraamt vu dè Bõõdorfer Stadthallè, im Bõõdorfer Schloß un èm Japanischè Gartè.

Obberlauf

Dè Obberlauf gòt vum südöschtliche Bõõdorfer Stadtrand in èm sanft abhäldigè Kèrbdal in südöschtlicher Richtung bis uff Wèllèdingè abbè. Nõchdèm er z Wèllèdingè durch s Wasser vo chlynèrè Bächle Chraft gwünnè hèt, schniidet sich dè Mèrrèbach unterhalb vo Wèllèdingè in è düèfès, schluchtartiges Kèrbdal iè.

Schlucht

Obberhalb un südlich vum Aafang vo dè Mèrrèbach-Schlucht lyt dè Bärg mit èm Nammè Obberholz, wo dè högschte Pungt vo dè Gmaind Stüèlingè darschtellt. Sèlli Schlucht gòt 2 km südöschtlich durab, denn chunnt vu links dè Brunnòdermer Dorfbach, wèllè vo sibbè Brunnòdèrè gschpysè wörd, i dè Mèrrèbach drin iè. Witeri 1,15 km witer unnè gsellt sich dè Dillèdorfer Dorfbach zum Mèrrèbach dezuè. A sèllèrè Stell lyt Dillèdorfer Sägi. sebbi isch markant, well vo Dillèdorf èn Bärgvorschprung dehèr chunnt, um dèsèll schlaat dè Mèrrèbach èn Hòòkè nõch rächts. Scho vo Bõõdorf ewäg klèbt d Trassè vo dè B 315 dirèkt links näbbem Bach, für dè Hòòkè isch so wènig Platz gsi, dass mò èn churzè Strõßèdunnel i dè Fels gschprèngt hèt. In Höchi vum Dunnèl chunnt èrschtmòls vu rächts èn Zuèfluss dehèr, dè Wangemer Müllibach. È bitzeli unterhalb vom Dunnèl hèt d Stadt Bõõdorf am düèfschtè Pungt vo irer Gemarkig diè städtisch Kläraalaag am rächtè Ufer vum Mèrrèbach hèrrèbaut.

Unterlauf

Ab èm Dunnel voändert s Dal sin Charakter, bis zu dè Mündung z Wizä bliibt s è Wannèdal. Im Abschtand vo 2,2 km folgt jetzt s zweitè Dorf, wo umittelbar am Mèrrèbach lyt, dè Stüèlinger Ortsdeil Schwaningè. Mee un mee drüllt sich dè Bach gegè Oschtè, dõrum drènnt er Schwaningè in èn Deil a dè Nordhaaldè un a dè Südhaaldè, diè mò dè Winterbuck un dè Summerbuck dauft hèt. Sèlli Nämmè git s au 2,8 km witer unnè z Wizä, dè Nammè wechslèt dört abber uff Ehrèbach. Au z Wizä lauft dè Ehrèbach durch s Dorf durrè, dõdeby ändert d Flussrichtung è letschtes Mòl uff Südoschtè. Nõch èm Wizämer Sportblatz gòt er zum Wizämer Wohnblatz Wizä-Baanhof abbè. Kurz vor sinèrè Mündung bildèt dè Bach èn Mündungsdrichter, er sèlber bliibt am rächtè Rand vum Drichter klèbè un strebt uff 500 m Reschtlauf sinèrè Mündung i d Wuètè zuè. Sini letschtè Meter sin im Bach i dè letschtè hundert Johr immer mee strittig gmacht worrè, dè Bach wörd dört vo dè Wärchsschtrõß un èm Wärchsgelände vom Sto sowiè dè Trassè vo dè B 314 un dè Wuètèdalbaan hart bedrängt.