Werner Düggelin

Dialäkt: Baseldütsch

Dr Werner Düggelin (* 7. Dezämber 1929 in Züri; † 6. August 2020 z Basel) isch e Schwiizer Theaterreschissör gsi.

dr Werner Düggelin (zwete vo rechts) 1964 bi Probe vomene Stuck vom Carl Zuckmayer

Läbe

Dä Werner Düggelin isch in Siibne im Kanton Schwyz ufgwachse. Sin Vater Josef Düggelin isch Kantonsrat und Schrinermeischter gsi, sini Muetter d'Marie geb. Eugster. Er het an dr Universidät Züri Germanistik und Romanistik studiert. Er het as Belüüchter am Schauspiilhuus Züri gschafft und isch so zum Theater cho. Er isch denn Assistänt vom Reschissör Leopold Lindtberg worde und dä het im groote, uf Paris z goh. In de 1950er het er dört Theaterreschii glehrt. Er isch eine vo de erste dütschsproochige Reschissör gsi, wo Stück vom Samuel Beckett, Eugene Ionesco, Georges Schehadé, Albert Camus, Jean Genet und Paul Claudel uf Dütsch inszeniert hai. Er isch vo 1968 bis 1975 dr Schauspiildiräkter vom Theater Basel gsi. Sithär het er as freie Reschissör gschafft.

Uszäichnige

• 1987 Dr Hans Reinhart-Ring vo dr SGTK
• 1995 het er dr Kulturbriis vo dr Stadt Basel überchoo.

Inszenierige

• 2007 Bunbury – Schauspiilhuus Züri
• 2007 Lieblingsmenschen – Theater Basel
• 2008 Don Juan – Schauspiilhuus Züri
• 2009 Die Gerechten – Schauspiilhuus Züri
• 2011: Die Unterrichtsstunde vom Eugène Ionesco – Theater Basel
• 2013: Schönes von Jon Fosse – Schauspiilhuus Züri
• 2014: Der Bürger als Edelmann vom Molière – Schauspiilhuus Züri

Litratur

• Thomas Blubacher: Werner Düggelin. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 495 f.
• Hansruedi Lerch: Düggelin, Werner. In: Historisches Lexikon vo dr Schwiiz. 2004

Fuessnote

Dä Artikel basiert uff ere fräie Übersetzig vum Artikel „Werner_Düggelin“ vu de dütsche Wikipedia. E Liste vu de Autore un Versione isch do z finde.