Wyydemer Egg
| Wyydemer Egg | |||||
|---|---|---|---|---|---|
 Passhöchi am Wyydemer Egg | |||||
| Himmelsrichtig | Weschtè | Oschtè | |||
| Passhöchi | 1.035 m ü. NHN | ||||
| Bundesland | Baddè-Württèbärg | ||||
| Daalort | Staufè im Briisgau | Utzèfäld | |||
| Usbau | L 123/L 142 | ||||
| Gebirg | Schwarzwald | ||||
| Profil | |||||
| Max. Stiigig | 6 % | 6 / 12 % | |||
| Charte |  | ||||
| Koordinate | 47° 50′ 42″ N, 7° 52′ 1″ O | ||||
S Wyydemer Egg isch èn 1.035 m ü. NHN hochè Pass zwǜschè Staufè im Briisgau un Utzèfäld im Südschwarzwald un dõdemit zwǜschè dè Obberheinischè Düèfebèni un èm Wyysèdal. D Passschtrõß in Oscht-Wescht-Richtig isch guèt 30 Kilometer lang. Zum Paß chunnt mò ebbèfalls vo dè Südsitè übber d B 317 un d Belchèschtrõß hèrrè. Dõdemit isch er ein vo dè wènnigè Päß, wo vo drei Sitè hèr befaarbar isch. Dè Paß isch nõch dè Gmaind Wyydè dauft, wo è baar Kilometer öschtlich lyt. Uff dè Passhöchi volauft d Gemarkigsgränz zwǜschè m Landchrais Briisgau-Hochschwarzwald un èm Landchrais Lerrach.
Brofyl ändere
D Weschtrampè vo Staufè übber s Münschterdal uèzuès zum Wyydemer Egg gòt uff èrè Strèggi vo 20 Kilometer 743 Höèmeter uè, wa-n-èm durchschnittlichè Aaschtyg von 3,7 % entschpricht. S Stygigsmaximum bedrait uff dè Landesschtrõß 123 öppè 6 %. Dè Volauf vo dè Strõß wyyst im obbèrè Drittel è baar Hòòrnôdelkurvè uff. Am Skilift Neuhof lòt sich d Passschtrõß übber è steilèri Strõß abchürzè. Dè Wäg vochürzt sich dõdeby uff 18,4 Kilometer, s Stygigsmaximum bedrait uff sèllèm Abschnitt öppè 21 %.
D Südrampè übber Utzèfäld bildèt d Fortsetzig vo dè Weschtrampè un übberbrüggt uff èrè Strèggèlängi vo 10,6 Kilometer 480 Höèmeter, wa-nèrè durchschnittlichè Stygig vo 4,5 % entschprèchè duèt. S Stygigsmaximum lyt ebbèfalls bi 6 %.
Übber è wittèri Südrampè cha mò s Wyydemer Egg vo Aitèrè uus erreichè. D L 142, wo au glychzitig zum Belchè uè füürt un sèllèwäg Belchèschtrõß heißè duèt, gòt uff 12,2 Kilometer 634 Höèmeter uè. Dõdemit hèt sy è durchschnittlichi Stygig vo 5,2 % mit èm Stygigsmaximum vo 12 % am Wyyler Holzishuus. Öppè 200 Meter nõch èm Hotel-Reschtaurant Multè zwyygt nõch links d Strõß zuè dè Dalschtation vo dè Belchèbaan ab. Zum Wyydemer Egg füürt d Strõß graaduus witter. Im wittèrè Volauf gòt sy bi 1.180 m uff d Hohdannhöchi uè, wo-nèn eigènè Paß darschtellè duèt. I dè Nôchi vum Langlaufzèntrum Hohdann-Belchè lyt dè Kulminationspungt un vo dört gòt d Strõß lyycht s Loch ab bis zum Wyydemer Egg.
Passhöchi ändere
Uff dè Passhöchi vum Wyydemer Egg drôffèd sich diè drei Rampè stèrnförmig. Uff dè Passhöchi stòt s Bärghotel Wyydemer Egg, wo sit 1901 dört stòt[1] mit è baar Aabautè un zaalrychè Parkblätz. Sèllè Woonblatz bschtòt us sèllè Gebäude un drait dè glyych Nammè wiè dè Paß. S Wyydemer Egg wörd vo allnè drei Sitè vo Übberlandbuss befaarè un übber diè glyychnammigi Halteschtell vum Paß bediènt. Sowoll sini Nôchi zum Belchè wiè au diè guèti Erschlièßig für dè Vokeer machèd dè Paß zuè nèm voglyychswyys stark frequèntyrtè Übbergang.
Dè Paß isch oft Uusgangspungt für s südlich ligènde Loipègebièt.[2], wo zwüschè m Wyydemer Egg un èm Belchè lyt. Drübber usè isch s Wyydemer Egg nõch 93 vo 100 Kilometer è Station vum Fèrnskiwanderwäg Schonach-Belchè un lütet diè letscht Etappè vum längschtè Skiwanderwäg im Schwarzwald yy.[3] Drübber usè git s im Skigebièt Münschterdal-Wyydè, wo zwǜschè 880 un 1240 Höèmeter lyt, um dè Paß ummè sechs Skilift mit Schlepplängè vo 400 bis 1300 Meter. Füüf vo dè Lift sin mitènand vobundè. S Skigebièt zièt sich übber beidi Däler èwäg un biètet in allnè Schwyrigkeitsklassè bis zuè 24 Kilometer langi Abfaartè. Dõdemit isch s Skigebièt um s Wyydemer Egg nõch èm Gebièt Feldbärg-Seebuck s zweitgröschte vum Schwarzwald.
Au für (Fèrn)Wanderer isch s Wyydemer Egg glyychermaßè èn wichtigè Start- odder Etappèort. Asè isch byschpillswyys dè Paß Ändpungt vo dè zeentè un Startpungt vo dè elftè Etappè vum Weschtwäg. Am Wyydemer Egg stòt eins vo dè insgsamt zwölf individuèll gschtaltètè, drei Meter hochè Infobortaal. S Weschtwägbortal Wyydemer Egg uss Douglasièschtämm isch 2009 yygweit worrè.[4]
Suschtiges ändere
D Passhöchi Wyydemer Egg hèt sich sit èm Ändi vum 19. Johrhundert zuè nèm belièbtè Uusflugsort gmauserèt.[1]
Dè evangelische Theoloog Rudolf Bultmaa un sini Frau Helenè hèn im Auguscht 1917 ghürõtet. Iri Hochzitsreis i dè Schwarzwald hèt sy ins Münschterdal un i s Bärghuus vum Wyydemer Egg.[5]
Literadur ändere
- Abdeilig Landesbeschriibig vum Staatsarchiv Fryburg im Briisgau: Der Landkreis Lörrach. Band II: B. Gemeindebeschreibungen Kandern bis Zell im Wiesental. Usègää vo dè Landesarchivdirèktion Baddè-Württèbärg in Vobindig mit èm Landchrais Lerrach. Jan Thorbecke Volaag Sigmaringè 1994, ISBN 3-7995-1354-X, S. 828.
Weblinggs ändere
Commons: Wiedener Eck – Sammlig vo Multimediadateie- Wyydemer Egg (1035 m) – Passbeschriibig
- LeoBW: Wiedener Eck - Wohnplatz – Archivmaterial
Einzelnõchwyys ändere
- ↑ 1,0 1,1 Der Landkreis Lörrach. Band II, S. 828.
- ↑ Hohtann-Belchen: Informationè zuè dè Langlaufloipè am Belchè, zletscht uffgruèfè am 4. Juni 2019
- ↑ Etappèbeschriibig vum Fèrnskiwanderwäg Schonach-Belchè, zletscht uffgruèfè am 4. Juni 2019
- ↑ Baddischi Ziting: Westweg-Portal am Wiedener Eck, Artikel vum 7. Juni 2009, zletscht uffgruèfè am 4. Juni 2019
- ↑ Konrad Hammann: Rudolf Bultmann: Eine Biographie. Mohr Siebeck, Tibinga 2009, ISBN 3-16-150204-3, S. 86–87.
|
Dä Artikel basiert uff ere fräie Übersetzig vum Artikel „Wiedener_Eck“ vu de dütsche Wikipedia. E Liste vu de Autore un Versione isch do z finde. |