Hauptmenü ufmache
Winfried Hermann, 2013

Dr Winfried „Winne“ Hermann (* 19. Juli 1952 z Rauteburg) isch e dytsche Bolitiker (Bindnis 90/Di Griene). Syt Mai 2011 isch er Minischter fir Verchehr un Infrastruktur z Bade-Writtebärg.

Läbe un BeruefBearbeite

Dr Hermann isch z Rauteburg uf s Eugen-Bolz-Gymnasium gange un het sich dert scho in dr Schuelermitverwaltig engaschiert. Zytwys isch er au Schuelsprächer gsii. Noch em Abitur anne 1971 het er syy Zivildienscht im Chinderhaim Diasporahuus Bietehause bi Hoegerloch abglaischtet un het 1973 e Lehramtsstudium in dr Fächer Dytsch, Bolitik un Sport an dr Universitet Dibenge aagfange, anne 1979 het er s erscht Staatsexame gmacht. Noch em Referämndariat het er 1981 au s zwait Staatsexame fir s Lehramt an Gymnasie bstande. Derno het er bis 1984 an eme Gymnasium z Stuegert gschafft. Vu 1989 bis 1998 het er dr Fachberyych Gsundhait un Umwält an dr Volkshochschuel Stuegert glaitet.

Dr Winfried Hermann isch ghyrote un het e Dochter.

BolitikBearbeite

 
Dr Winfried Hermann an dr Verchehrsminischterkonferänz z Köln (2011)

Anne 1982 isch dr Hermann Mitglid bi dr Griene wore. Vu 1992 bis 1997 isch er Landesvorsitzende vu dr Griene Bade-Wirttebärg gsii.

AbgordneteBearbeite

Dr Hermann het vu 1984 bis 1988 em Landdag vu Bade-Wirttebärg aaghert.

Vu 1998 bis 2011 isch er Mitgliid vum Dytsche Bundesdages gsii. Do isch er vu 1998 bis 2002 stellverdrättende Vorsitzende vum Uusschuss fir Umwält, Naturschutz un Reaktorsicherhait gsii. Syt 2002 isch er Sprächer vu dr Bundesdagsfraktion Bindnis 90/Di Griene fir Sportbolitik gsii, dernäbe vu 2002 bis 2005 umwältbolitische Sprächer un syt 2005 zuesätzli Sprächer fir Verkehrsbolitik. In dr 17. Legislaturperiod isch er vu 2009 bis 2011 Vorsitzende vum Verchehrsuusschuss vum Dytsche Bundesdag gsii.

Dr Winfried Hermann isch in dr Dytsch Bundesdag alliwyl iber d Landeslischte Bade-Wirttebärg yyzoge.

MinischterBearbeite

Syt Mai 2011 isch dr Hermann Minischter im nei gschaffene Minischterium fir Verchehr un Infrastruktur im Kabinett Kretschmann I (syt Mai 2016 im Kabinett Kretschmann II) z Bade-Wirttebärg.

In eme Interview het er s abglähnt, d Verantwortig fir s Brojäkt Stuttgart 21 z ibernee, wänn dr blante Volksentschaid imfall e Mehrhait fir d Wyterfierig vu däm Brojäkt git. In däm fall sott e ander Minischterium d Verantwortig derfior ibernee.[1]

SunschtigsBearbeite

Dr Winfried Hermann isch Mitglid vum Verain Institut Solidarische Moderne e. V.[2]

WeblinkBearbeite

FueßnoteBearbeite

  1. "Dann gebe ich den Bahnhof ab". In: die tageszeitung, 12. Mai 2011.
  2. Winfried Hermann: Solidarische Moderne (Site cha nüme abgrüeft wärde; Suche im Webarchiv)[1] [2] Vorlage:Toter Link/www.winnehermann.de, abgruefen am 23. Merz 2011.
  Dä Artikel basiert uff ere fräie Übersetzig vum Artikel „Winfried_Hermann“ vu de dütsche Wikipedia.

E Liste vu de Autore un Versione isch do z finde.