Zwäite Chappelerchrieg

Dr Zwäiti Chappelerchrieg isch d Fortsetzig vom Erschte Chappelerchrieg, wo 1529 ooni Kampfhandlige mitem Erschte Chappeler Landfride beendet worde isch.

Zwäite Chappelerchrieg

D Schlacht bi Chappel 11. Oktober 1531
Datum 1531
Ort Kanton Züri und Zug
Usgang Siig vo de katholischen Ort
Folge Hegemonii vo de katholischen Ort bis zum Zweite Villmergerchrieg
Friidensschluss Dr Zweit Chappeler Landfriide

20. November 1531

Konfliktparteie
Luzärn

Uri
Schwyz
Obwalde
Nidwalde
Zug

Züri

Bärn

Tagsatzig im Badener Rathuus im Jahr 1531

Bi de Chappeler Chrieg handlets sich um di erschte europäische Religionschriege. Di zwee Chrieg sind dur di reformierte Kantön under dr Füerig vo Züri mit em Reformator Zwingli gege di föif innere katholische Orte gfüert worde.

D Abmachige vom erschte Chappeler Landfride händ nöd lang ghebet. Wesentliche Iifluss hät d Entwicklig z Dütschland ghaa. D Beschlüss vom Augsburger Riichstag (Confessio Augustana) händ zu Misstraue zwüsched dr alt- und dr nöiglöibige Partei i dr Schwiz gfüert. Iimischige i d Glaubesverhältnis vo de gegnerische Gebiet händ die Haltig verschtärcht. Züri isch vorgworfe worde, es welli sich nöii Gebiet iiverliibe. Wo di katholische innere Orte d Hilf im Müsserchrieg verwäigeret händ, hät dr Zürcher Reformator Zwingli uf en neue Waffegang drängt. Di im chrischtliche Burgrecht verbündete Orte sind zrugghaltend blibe und händ äinzig e Lebesmittelschperri gege di innere Orte verhängt. Druf händ die am 9. Oktober 1531 Züri de Chrieg erchlärt. I dr Schlacht bi Chappel händ di isolierte und schlecht gfüerte Zürcher am 10. Oktober 1531 e Niderlaag erlitte. De Zwingli isch i dere Schlacht gfalle.

Drizee Taag schpäter, isch i dr Schlacht am Gubel dr Chrieg endgültig zugunschte vo de katholische Ort entschide und Fridesverhandlige si iigläitet worde. Mit em Zwäite Chappeler Landfriide isch dr Zwäiti Chappelerchrieg beendet und eso dr witere Uusbräitig vo dr Reformation i dr dütsche Schwiz e Grenze gsetzt worde.

Lueg au ändere

Literatur ändere

  • Christian Bäder, Oliver Bangerter: Kappeler Kriege 1529/1531: Kampf um Vorherrschaft und Souveränität, ums Wort und den wahren Glauben. Dokumentation. Militärgeschichte zum Anfassen, 11. 3. Uflag. Au 2003.
  • Helmut Meyer: Der Zweite Kappeler Krieg. Gedenkschrift zur 450. Wiederkehr des Todestages von Huldrych Zwingli. 11. Oktober 1531–11. Oktober 1981. Züri 1981.
  Dä Artikel basiert uff ere fräie Übersetzig vum Artikel „Zweiter_Kappelerkrieg“ vu de dütsche Wikipedia. E Liste vu de Autore un Versione isch do z finde.