Allerseele

Dä Artikel bhandlet dr Gedänkdag. Wyteri Bedütige vo „Allerseelen“ findsch doo.

Allerseele (lat. In Commemoratione Omnium Fidelium Defunctorum, 2. Novämber) isch im Feschtjohr vu dr remisch-katholische Chilche dr Gedänkdag, wu mer an dr Verstorbene dänkt.

William Adolphe Bouguereau: Le Jour des morts (1859)

S Fescht isch im 10. Johrhundert dur dr Odilo von Cluny, dr Abt vu Cluny, zum Fyyrdig ghobe wore.

Allerseelen chunnt noch em Feschtdag Allerheilige am 1. Novämber. Wu d Grebersägnig nit scho am Nomittag vum Hochfescht Allerheilige stattgfunde het, wird si an Allerseele durgfiert.

Wel Allerseele in dr liturgische Rangornig dr Hochfescht vum Herr glyychgstellt isch, verdrängt dr Gedänkdag in Johr, wun er am e Sunndig isch, dr Sunndig im Johreschreis.

In dr evangelische Chilche wird dr Verstorbene am Ebigkeitssunndig dänkt, also erscht Endi Novämber. In dr Sälbschtändige Evangelisch-Lutherische Chilche cha dr Gedänkdag vu dr Entschlofene au am 2. Novämber gottesdienschtli begange wäre.

I de Neuapostolische Cherche werd zom Gedänke a di Verstorbene drümol im Johr en Gottesdienst för Entschlafeni gfyret. Die Gottesdienst fendid jewils am erste Sonntig im Juli, im März und im Novämber statt. Die Regelig gilt sit em Juli 1954 wältwit.

Z Eschtryych isch Allerseele kei gsetzlige Fyyrdig, in dr effetlige Schuele findet aber am Allerseeledag kei Unterricht statt, un an dr Universitete isch dr Dag vorläsigsfrej.

Ursprung

Dr Allerseeledag am 2. Novämber goht uf dr Abt Odilo vu de Benediktiner-Abtei Cluny zruck. Är het im 10. Johrhundert dää Gedänkdag in allene vu Cluny abhängige Chleschter yygfiert. S Dekret vum Odilo vu anne 998 isch no erhalte. Dr Allerseeledag isch bal au usserhalb vu dr Chleschter gfyyrt wore. Fir Rom isch er syt em Aafang vum 14. Johrhundert noogwise. Vu Cluny uus het sich dr Gedänkdag in dr ganze katholische Chilche uusbreitet. Är stoht theologisch in ere änge Verbindig mit dr Lehr vum Fägfyyr (Reinigungsort, Purgatorium) as Ort vu dr Lyterig vu dr Verstorbene, wu vu dr Läbige dur Gebätt, Faschte un Almose Hilf iberchemme. Vor allem in dr Alpeländer isch Allerseele mit vile Volksbryych verbunde. In dr remisch-katholische Chilche het dr Allerseelenablass e bsunderi Bedytig.

Weblink

 Commons: Allerseelen – Sammlig vo Multimediadateie

• Allerheiligen und Allerseelen (www.religioeses-brauchtum.de)
• Allerseelen (www.festjahr.de)

Fuessnoote

Dä Artikel basiert uff ere fräie Übersetzig vu dere Version vum Artikel „Allerseelen“ vu de dütsche Wikipedia. E Liste vu de Autore un Versione isch do z finde.