Pfingschte oder elter alemannisch Pfeischte (vu griech. πεντηκοστή [ἡμέρα] pentekostē [hēmera] ‚dr fufzgscht Dag‘) isch e chrischtlig Fescht. Gfyyrt wird vu dr Glaibige d Sändig vum Hailige Gaischt. S wird am fufzigschte Dag no dr Oschtere begange und s isch s Änd vu dr Oschterziit.

Pfingschtdarstellig im Rabbula-Evangeliar (586)

Im Neie Teschtamänt wird in dr Aposchtelgschicht (Apg 2, 1–41) verzellt, ass dr Hailig Gaischt uf d Aposchtel un d Jinger aabechuu isch, wu si zum alte jüüdische Fescht (Schawuot) z Jerusalem versamlet gsii sin:

„1 Wu dr Dag vum Schawuotfescht chuu isch, sin alli am nämlige Ort gsii. 2 Do isch zmools vum Himmel här e Bloose chuu, wie wänn s e heftige Sturm deet gee, un het s ganz Huus gfillt, wu si din ghockt sin. 3 Un sin ene Zunge wie us Fyyr erschiine, wu si verdailt hän: uf e jede het si aini nidergloo. 4 Un alli sin vum Hailige Gaischt erfillt wore un hän aagfange, in andere Sprooche z schwätze, wie s ene dr Gaischt yygee het.“

Apg 2,1–4 EU

Des Datum wird in dr chrischtlige Dradizion au as Grindig vu dr Chilche verstande. As chrischtlig Fescht wird Pfingschte zem erschte Mol anne 130 gnännt.

Fyyrtig ändere

Dr Pfingschtmeentig isch e gsetzlige Fyyrtig z Dytschland, z Eschtryych, in dr maischte Kanton in dr Schwyz, z Frankryych, z Luxemburg un z Ungarn.

Kain Fyyrtig isch dr Pfingschtmeentig im Tessyyn, im Wallis, z Schwede un z Italie.

Literatur ändere

  • Jens Herzer: Ostern, Himmelfahrt, Pfingsten, Weihnachten. Was wissen wir über die Ursprünge des Christentums? Brennpunkt Die Bibel. Bd 4. Evangelische Haupt-Bibelgesellschaft und von Cansteinsche Bibelanstalt, Berlin 2000. ISBN 3-7461-0144-1 (allgemeinverständlich und wissenschaftlich fundiert)
  • Joseph Ratzinger: Komm, Heiliger Geist! – Pfingstpredigten. Wevewl, Donauwörth 2005. ISBN 3-87904-299-3
  • Alfons Weiser, Karl-Heinrich Bieritz, Henning Schröer, Petra Sevrugian: Pfingsten/Pfingstfest/Pfingstpredigt. In: Theologische Realenzyklopädie. Berlin 26.1996, S. 379–398. ISBN 3-11-002218-4

Weblink ändere

  Commons: Pfingsten – Sammlig vo Multimediadateie