Liechtmäss
Liechtmäss (mittelalem. die liechmes unserre frouwun 1314/21, dt. Mariä Lichtmess oder au Darstellung des Herrn, latiin. Praesentatio Jesu in Templo) isch e chrischtli Fescht, wu am 2. Februar, em vierzgschte Dag no dr Wynäächte, gfyyrt wird.
Gschicht
ändereS chilchli Fescht Praesentatio Jesu in Templo goht uf s 4. Johrhundert zrugg. S isch z Jerusalem as Näbefescht vu Christi Geburt entstande. Scho im Bricht vu dr Egeria iber ihri Rais in s Hailig Land (um 400) wird s gnännt.[1] S Feschtdatum isch aafangs dr 14. Februar gsii (40 Däg no Dreichenig, 6. Jänner), ab em 6. Johrhundert dr 2. Februar (40 Däg noch em Hochfescht vu dr Geburt Jesu Christi am 25. Dezämber). Dr 25. Dezämber isch no dr liturgische Zellwys dr erscht vu dr 40 Däg.
Im Zäntrum vum Fescht stoht d Gschicht vum Rainigungsopfer vu dr Maria un dr Begegnig vum Herr im Tämpel, wie si im Lukas-Evangelium (Lk 2,21 EU) iberlifert isch. Noch em biblische Gsetz vum Mose giltet e Frau no dr Geburt vun eme Bue 40 Däg; (Lev 12,2–4 EU) un no dr Geburt vun eme Maidli 80 Däg, (Lev 12,5 EU) as uurain (Lev 12,1–8 EU). No däne Däg het si eme Prieschter e Rainigungsopfer mieße bringe (Lev 12,8 EU).
In dr Oschtchilche wird Liechtmäss me as Fescht vu dr Begegnig vum Herr (Hypapante) gfyyrt: dr Messias chunnt in dr Tämpel un drifft s Gottesvolk, in Gsalt vu Simeon un Hanna. Im Weschte isch s me zuene eme Mareiefescht wore. Speter sin d Cheerzewei un Liechterprozessione derzue chuu.
Bruuchtum
ändereLiechtmäss isch friejer e wichtig Datum im Johreslauf gsii. An däm Dag hän d Buure mieße bstimmti Abgabe laischte un Verdreg vu Chnäächt un Mägd sin bis an Liechtmäss gange un mer het em Gsind dr lescht Lohn vum Johr uuszahlt. Ab em 2. Februar het s nei Buurejohr aagfange. Liechtmäss isch in dr katholische Gegnige friejer vylmol s Änd vu dr Wynäächtszyt gsii,
Literatur
ändere- Heinzgerd Brakmann: He hypapantè toû Kyríou. Christi Lichtmess im frühchristlichen Jerusalem. In: Hans-Jürgen Feulner u. a. (Hrsg.): Crossroad of Cultures. Studies in Liturgy and Patristics in Honor of Gabriele Winkler. Pontificio Istituto Orientale, Rom 2000, ISBN 88-7210-325-8, S. 151–172 (Orientalia Christiana Analecta 260), (mit weiterer Literatur).
Weblink
ändere
Commons: Liechtmäss – Sammlig vo MultimediadateieFueßnote
ändere- ↑ Itinerarium Egeriae oder Peregrinatio Aetheriae 26: „quadragesimae de epiphania cum summo honore hic celebrantur .[...]“ („Dr Vierzigscht no Epiphanie wird do [gmaint isch Jerusalem] mit greschter Fyyrligkait begange [...])
