Appezöll
|
Dä Artikel behandlet de Bezirk Appezöll. För wiiteri Bedüütige lueg onder Appezäll. |
Appezöll ischt e politische Gmeend (me sääd offiziöll Bezirk) im Kantoo Appezöll Inneroode i de Ostschwiiz.
| Appenzell (Bezirk) | |
|---|---|
 | |
| Basisdate | |
| Staat: | Schwiiz |
| Kanton: | Appezell Innerrhode (AI) |
| Bezirk: | (Bezirk ond Gmeend sönd identisch) |
| BFS-Nr.: | 3101 |
| Poschtleitzahl: | 9050 Appenzell 9050 Appenzell Meistersrüte |
| Koordinate: | 749492 / 244381 |
| Höchi: | 780 m ü. M. |
| Flächi: | 16,9 km² |
| Iiwohner: | 5864 (31. Dezämber 2022)[1] |
| Website: | www.appenzell.org |
| Charte | |
 | |
Geografii
ändereDe Bezirk Appezöll bestood us de Döefe Rinkebach, Kau, Meistesrüüti mit em Weile Brende ond em Doef Appezöll. S Gebiet weed vo de Settere doflosse.
_5569.jpg)
Appezöll
ändereZwee Drettel vom Doef Appezöll, wo glichzytig no Hoptoet vom Kantoo Appezöll Inneroode ischt, ghörid zom Bezirk Appezöll. De Rest vom Doef ghööd zu zwee andere Bezirk (Rüüti und Schwendi). Mit sine schöne Hüüse i de Gasse, de Cheeche Sankt Maurizius ond em Landsgmeendsplatz ischt de Fläcke beliebt bi Touriste us em Inn- ond Ossland.
Kau
ändereD Streusidlig Kau liid westlig vom Doef Appezöll uf eme Hügel obe ond bestood us em Kaubaad, em Gämpingplatz Eische ond no andene chlinne Waile.
Meistesrüüti
ändereÖstlig vom Doef Appezöll, i Richtig Gääs, liid uf ere Aahöchi Meistesrüüti mit em Waile Brende, wo sölbe no chli wiite obe ond absiits vom Vechee ischt. Do Meistesrüüti good d Hoptstrooss vo Appezöll uf Gääs ond d Isebaalini vo de Appezölle Bahne hät dai en chlinne Bahof.
Gschecht
ändereDe Bezirk Appezöll, so wiene hüt bestood, ischt 1872 us de Rood Lehn ond eme Tääl vo de Rood Rinkebach entstande. De rot Ring im Wappe, mit em ufrächte, schwaaze Bär uf silbrigem Grond, symbolisiet de ehemolig Hof, us dem de Fläcke Appezöll bestood.[2]
Bevölkerig
ändereQuelle: Bundesamt für Statistik 2005[3]
| Johr | 1880 | 1900 | 1920 | 1950 | 1970 | 1980 | 1990 | 2000 | 2010 |
| Iiwohner | 4'302 | 4'574 | 5'173 | 5'001 | 5'217 | 4'781 | 5'194 | 5'610 | 5'719 |
Weblink
ändere
Commons: Appezöll – Sammlig vo Multimediadateie- Offiziölli Websiite vom Bezirk Appezöll
- Kantonali Siite vom Bezirk Appezöll
- Achilles Weishaupt: Appezöll (Bezirk). In: Historisches Lexikon vo dr Schwiiz.
- Hermann Bischofberger: Lehn. In: Historisches Lexikon vo dr Schwiiz.
Fuessnoote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Wappe vom Bezirk Appezöll abgruefe am 15. März 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
