Ayent
Ayent (fp. [ɛ̃n aɛ̃]) isch e politeschi Gmeind vom Bezirk Ering im Kanton Wallis.
| Ayent | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Ering |
| BFS-Nr.: | 6082 |
| Poschtleitzahl: | 1966 |
| Koordinate: | 597513 / 125151 |
| Höchi: | 967 m ü. M. |
| Flächi: | 55.0 km² |
| Iiwohner: | 4137 (31. Dezämber 2020)[1] |
| Website: | www.ayent.ch |
 Anzère, i dr Gmeind Ayent | |
| Charte | |
  | |
GeografiiBearbeite
I dr Gmeind Ayent sind d Dörfer Botyre, Luc, Saxonne, La Place, Blignou, Fortunau, Saint-Romain, Signèse, Villa, Argnou und Anzère.
D Gmeind ghört als einzegi Gmeind vo dr rächte Flangge vom Rhonetaal zum Bezirk Ering, wo susch nur Gmeinde südlech vo dr Rhone im Eringertaal derzue ghöre.
Im Norde goot dr Gmeindbann bis ufs Wildhorn ufe. Im Taal vo dr Lienne isch dr See Lac de Tseuzier; das isch en Stausee, wo sid 1956 s Wasser für s Chraftwärch bi Saint-Léonard gsammlet wird. Us dr Lienne louft sid Joorhunderte Wasser i d Suone vo Ayent, id Suone vo Sitte und id Bisse de Clavoz zum Bewässere vo de Fälder und Räbbärge. Durs Taal vo der Lienne goot der Fuesswwäg zum Rawilpass.
D Nochbergmeinde vo Ayent sind d Bärner Gmeinde Lengg und Lauene und d Walliser Gmeinde Icogne, Saint-Léonard, Sitte, Grimisuat, Arbaz und Savièse.
GschichtBearbeite
Ayent ischt zum eerschtu Mal gnennt choo im Jaar 1052 als Agent (1250 Argenta).
IwonerBearbeite
Quella: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 1099 | 1120 | 1164 | 1242 | 1319 | 1450 | 1545 | 1746 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 2027 | 2247 | 2289 | 2402 | 2722 | 2581 | 2759 | 3001 |
Dr Üsländeraateil ischt 2010 bi 10,9 % glägu.[3]
ReligionBearbeite
86,4 % vannu Iwonru sint im Jaar 2000 remisch-katholischi gsii, 4,9 % evangelisch-reformierti.[3]
PolitikBearbeite
Dr Ggmeindspresident va Ayent ischt dr Marco Aymon (Stant Oktober 2017).
Spraach und TialäktBearbeite
Bi dr Volchszellig 2000 heint vannu 3001 Iwonru 93,6 % Franzeesisch als Höiptspraach aagigää, 2,8 % Titsch, 0,5 % Talienisch und 3,1 % anneri Spraache.[3]
Dr tradizionäll Tialäkt va Ayent gcheert zum Frankoprovenzalisch.
ArchitekturBearbeite
- d Chapele vo dr Maria Magdalena z Argnou
- d Martinschappele z Botyre
- d Chile vom Heilige Roman z Saint-Romain
TurismusBearbeite
Uf em Mäiesäss Anzère isch e grossi Feristazion füre Wintersport entstande.
LüütBearbeite
- Christian Constantin (* 1957), Undernäämer, Architekt, Sportfunkzionäär
WeblinkBearbeite
Commons: Ayent – Sammlig vo Multimediadateie- Website vo dr Gmeind Ayent
- Danielle Allet-Zwissig: Ayent In: Historisches Lexikon vo dr Schwiiz.
FuessnooteBearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2020. Bei späteren Gemeindefusionen Einwohnerzahlen aufgrund Stand 2020 zusammengefasst. Abruf am 17. November 2021
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
