Buure-Tabak

Art vo der Gattig Tabak
Dialäkt: Bärndütsch
Buure-Tabak
Nicotiana rustica - 4849.jpg

Buure-Tabak (Nicotiana rustica)

Systematik
Aschteride
Euaschteride I
Ordnig: Nachtschattenartigi (Solanales)
Familie: Nachtschattegwächs (Solanaceae)
Gattig: Tabak (Nicotiana)
Art: Buure-Tabak
Wüsseschaftlige Name
Nicotiana rustica
L.

Der Buure-Tabak (Nicotiana rustica), isch e Art us der Familie vo de Nachtschattegwächs. Me seit im ou Randblatt-Tabak. Er chunnt ursprünglech us em Amazonasgebiet z Südamerika. Wäg sym Gruch wird är ou als Veielitabak bezeichnet.

BeschrybigBearbeite

 
Buure-Tabak mit Samechnospe

Der Buure-Tabak isch e eijährigi chrutigi Pflanze, wo 40 bis 60, ganz sälte 120 cm höch wird. D Pfanze hei chläbrigi Drüsehaar bedeckt. D Blattstile sy 5 bis 15 cm läng, d Blattspreite isch 10 bis 30 cm läng, eiförmig, länglech bis lanzettlech, hüütig u a der Blattbasis härzförmig bis abgrundet.

D Blüeteständ hei kompakti bis lockeri Rispe mit vil Blüete, d Blüete sitze uf 3 bis 7 mm Blüetestile. Der bächerförmigi, behaarti Kelch isch 7 bis 12 mm läng, d Kelchlappe sy unregelmässig drüeggig. D Chrone isch grüenglech-gälb, besteit us 5 Chronbletter, wo zu nere 1,2 bis 2 cm länge Röhre mit öppe 4 mm Durchmässer verwachse. Am Ändi vo der Röhre bilde d Chronbletter churzi, stumpf zuegspitzti Lappe. D Stoubbletter sy underschidlech läng. D Samechapsle isch fescht chugelförmig u het e Durchmässer vo 1 bis 1,6 cm. D Same sy bruun u länglech u öppe 1 mm läng.

D Chromosomezahl betreit 2n = 48.[1][2]

VerbreitigBearbeite

Der Buure-Tabak chunnt ursprünglech z Bolivie, z Peru u z Ecuador vor.

VerwändigBearbeite

Der Buure-Tabak wird u isch ursprünglech im obere Amazonasgebiet (Peru, Ecuador, Süd-Kolumbie, Wescht-Brasilie) innerhalb vo der traditionelle schamanische Amazonasmedizin i der "Vegetalismo" (Spanisch für: Heikund mittels Pflanzlechegeischter) vo der Mestize-Heiler u native Heiler agwändet worde. Da derby gilt der Pflanzegeischt vom Tabak als eine vo de mächtigschte Schutzgeischter. Meischtens wird der Buure-Tabak im Amazonasgebiet zum obe erwähnte Zwäck als mapacho (filderlosi Zigarette), ganz sälte innere Pfyffe groukt. Im Amazonasgebiet, also ou drüber us im weschtle Südamerika, isch die i der Schwyz bekannti öffendlechi, gwohnheit vom Altagskonsum vo Tabak, nid üblech. I Teile vo Mexiko isch der Buure-Tabak oder wild Taback ou als Ucuch bekannt. Der Buure-Tabak wird syt em Drissgjährige Chrieg z Euroba about u exischtiert i zahlryche Sorte. Hüt isch är allerdings nur no z Russland, einige oschteuropäische Länder u z Südameika vo Bedütig. Ds bekanntischt europäisch Ruschica-Produkt isch di russischi Machorkazigarette. Es bsundere Merkmal isch der höch Nikotinateil i de Bletter. Der Buure-Tabak gedeit am beschte uf sandigem Bode mit em ne gwüsse Lehmateil. Es isch z empfähle, mindischtens alli zwöi Jahr neu z säje, wil d Gfahr besteit, dass d Tabakqualität lydet. D Bletter wärde zur Verarbeitig mit heissem Wasser gwässche, tröchnet u verchlyneret.

Lueg ouBearbeite

LiteraturBearbeite

  • Zhi-Yun Zhang, Anmin Lu, William G. D'Arcy: Solanaceae. In: Wu Zheng-yi, Peter H. Raven (Hrsg.): Flora of China. Volume 17: Verbenaceae through Solanaceae. Science Press/Missouri Botanical Garden Press, Beijing/St. Louis 1994, ISBN 0-915279-24-X, Nicotiana rustica, S. 300 (änglisch, online).

WeblinkBearbeite

  Commons: Buure-Tabak (Nicotiana rustica) – Album mit Multimediadateie

QuelleBearbeite

  1. Erich Oberdorfer: Pflanzensoziologische Exkursionsflora für Deutschland und angrenzenden Gebiete. Unter Mitarbeit von Angelika Schwabe und Theo Müller. 8., stark überarbeitete und ergänzte Auflage. Eugen Ulmer, Stuttgart (Hohenheim) 2001, ISBN 3-8001-3131-5, S. 823.
  2. Nicotiana rustica bei Tropicos.org. In: IPCN Chromosome Reports. Missouri Botanical Garden, St. Louis.
  Dä Artikel basiert uff ere fräie Übersetzig vu dere Version vum Artikel „Bauern-Tabak“ vu de dütsche Wikipedia. E Liste vu de Autore un Versione isch do z finde.