Bolivie

Bolivie (span. Bolivia [boˈliβi̯a], isch noch em Bolívar so gnennt worde, uf Quechua und Aymara au Qullasuyu) isch e Binnestaat z Südamerika. Es gränzt im Weste an Peru und Chile, im Süde an Argentinie und Paraguay, im Oste und Norde an Brasilie.

Estado Plurinacional de Bolivia (Spa.) Wuliwya Suyu (Aym.) Bulibiya Republika, Buliwya Republika (Que.) Republik Bolivie
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: La unión es la fuerza (Span. für „D Einheit isch d Stärki“)
Amtsspraach	Spanisch, Quechua, Aymara
Hauptstadt	Sucre
Regierigssitz	La Paz
Staatsoberhaupt und Regierigschef	Luis Arce
Flächi	1.098.581 km²
Iiwohnerzahl	9.119.152 (Quelle: CIA 2007)
Bevölkerigsdichti	8,3 Iiwohner pro km²
Brutto­inlands­produkt pro Iiwohner	3.100 US-$ (Quelle: CIA 2006)
Währig	Boliviano (in dr Umgangssprooch Peso)
Unabhängigkeit	6. August 1825
Nationalhimne	Bolivianos, el hado propicio
Zitzone	UTC -4
Kfz-Kennzeiche	BOL
Internet-TLD	.bo
Vorwahl	+591

Bevölkerig

Bolivie isch eins vo de ermste Länder in Südamerika. Öbbe 72% vo der Bevölkerig si Indianer, die ermsti Bevölkerigsschicht, 27,5% si Mestize. Dr Räst stammt zum grösste Deil vo de spanische Koloniste ab und kontrolliert ä grosse Deil vo dr bolivianische Wirtschaft.

Geografii

Dur Bolivie gönge zwäi groossi Chettene vo de Ande, wo wit usenander ligge und Spitze het, wo hööcher as 6500 m si (Sajama 6542 m, Illimani 6439 m). Zwüsche de Chettene lit s zentrale Hoochland, dr Altiplano, wo 3000 bis 4000 m hooch isch. Das Gebiet, wo au Däil vo de Noochberländer Peru und Argentinie drzueghööre, isch s äigetlige Kärnland, wo öbbe 80 Brozänt vo alle Bolivianer lääbe, au wenn s nume öbbe e Driddel vo dr Flechi vom Land usmacht. Zwüschen em Ostabhang vo de Ande und em ostbolivianische Bärgland ligge d Yungas uf ere Hööchi zwüsche 1200 und 1800 m ü. NN.

D Llanos mache dr grösst Däil vo dr Flechi vo Bolivie us und gönge vom ostbolivianische Bärgland bis an d Gränze vo Brasilie und Paraguay. Es isch e dropisch-häisses Diefland, wo nume dünn besiidlet isch und es het din die drochnige Savanne vom Gran Chaco und die dropische Räägewaldgebiet vo Amazonie.

Zmizt im Altiplano lit dr Titicacasee, dr höggsti See uf dr Wält, wo kommerziell schiffbar isch. D Gränze zum Noochberland Peru goot dur d Middi vom See.

Dr Salar de Uyuni isch e groossi Seenswürdigkäit z Bolivie. Er isch dr grössti Salzsee uf dr Wält und het e Flechi vo 12'000 km².

Literatur

• Katharina Nickoleit: Bolivien. Ein Länderporträt. Ch. Links Verlag, Berlin 2019, ISBN 978-3-96289-042-1.
• Sinclair Thomson, Rossana Barragan, Xavier Albo, Seemin Qayum, Mark Goodale (Hrsg.): The Bolivia Reader: History, Culture, Politics. Duke University Press, Durham 2018, ISBN 978-0-8223-7152-6.
• Herbert S. Klein: A Concise History of Bolivia. Cambridge 2003

Weblink

 Commons: Bolivie – Sammlig vo Multimediadateie