S BS im Lemma isch s offiziell Chürzel vom Kanton Basel-Stadt und wird bruucht, zum Verwächslige mit Yträäg vom Name Bettingen vermyde, wo öppis anders meined.

Bettige (amtlig uf Standardhochdütsch: Bettingen) isch e politischi Gmeind rächts vom Rhii und näbe Rieche die einzigi Landgmeind vom Kanton Basel-Stadt in dr Schwiiz.

Bettige
Wappe vo Bettige
Wappe vo Bettige
Basisdate
Staat: Schwiiz
Kanton: Basel-Stadt (BS)
Bezirk: (Dr Kanton Basel-Stadt kennt kei Bezirk.)w
BFS-Nr.: 2702i1f3f4
Poschtleitzahl: 4126
Koordinate: 617043 / 268959Koordinate: 47° 34′ 16″ N, 7° 39′ 54″ O; CH1903: 617043 / 268959
Höchi: 378 m ü. M.
Flächi: 2,23 km²
Iiwohner: 1217 (31. Dezämber 2021)[1]
Website: www.bettingen.ch
Charte
Charte vo Bettige
Charte vo Bettige
www
Dialäkt: Baseldütsch

D Nochbergmeinde vo Bettige si s baselstedtische Rieche und Gränzach-Wyhle und Inzlige z Bade-Württebärg.

Gmeind ändere

 
D Chille St. Chrischona z Bettige

D Gmeind bestoht us zwei grundverschiidene Siedlige: Zum einte us em eigentlige Dorf Bettige, enere alemannische Hofsiidlig, was an der typische Namensendig ‘-ige’ dütlig wird. S Dorf lit in ere Mulde zwüsche de Höchene drum ume. Andrersits git s die beachtligi Hüüsergrubbe uf dr Chrischonahöchi rund um die ehemoligi Wallfahrtschille. Die Siidlig goht uf d Gründig vo dr Pilgermission im Johr 1840 dur e Christian Friedrich Spittler zrugg.

Politik ändere

D Exekutive vo Betteige isch dr Gmeindiroot, wo fümf Mitgliider het. Er dagt im allgemeine einisch in dr Wuche im Sitzigszimmer im Gmeindihuus. D Sitzige si nit öffentlig, d Beschlüss wärde aber veröffentligt.

D Mitgliider vom Gmeindiroot, wo für d Amtsperiode 2007 bis 2011 gwehlt worde si, si dr Presidänt Willi Bertschmann-Unholz, dr Verantwortlig für e Ressort Finanze / Rächt, dr Thomas U. Müller, für e Ressort Bau dr Patrick Götsch, für die Öffentlige Dienst dr Marco Fini und für Bildig, Kultur und Sozials dr Olivier Battaglia.

D Legislative isch d Gmeindiversammlig, wo im allgemeine zwei Mol im Johr stattfindet. Z Bettige chönne usländischi Iiwohner as Gest zur Gmeindiversammlig cho.

Usserdäm git s divärsi Kommissione, wo für e Gmeindiroot Projekt usarbeite.

Sehenswürdikeite ändere

Scho 1356 isch zum erste Mol e Gotteshuus uf der St. Chrischona erwähnt worde, wo an dr Stell baut worde siig, wo noch dr Legände dr Liichnam vo dr Heilige Chrischona begrabe isch. 1925 isch d Siidlig dur s Diakonisse-Mueterhuus und e Pflägiheim erwiiteret worde; südlig drvo befindet sich d Chrischona-Klinik, wo vo dr Bürgergmeind Basel zwüsche 1963 und 1965 baut worden isch.

Dr markantist Punggt vo Bettige isch dr Färnsehdurm vo dr Swisscom wo uf dr St. Chrischona stoht und wo 1984 in Betriib gnoh worden isch. Er isch mit 250 m s höchste frei stehende Bauwärk in dr Schwiiz und stoht uf em höggste Punggt im Kanton Basel-Stadt.

Verchehr ändere

D Buslinie 32 vo dr BVB verbindet Bettige und St. Chrischona mit em Nochverchehrslinienetz vom Tarifverbund Nordwestschwiiz.

Bevölkerig ändere

Bevölkerigsentwigglig ändere

Johr 1774 1815 1850 1900 1920 1941 1950 1960 1970 1980 1990 2000 2008
Iiwohner 193 233 279 490 505 441 553 765 1 062 1 161 1 069 1 151 1175

D Bevölkerigsdichti bedrait 31.8 Pers./ha. Ändi 2008 si fast e Viertel vo de Iiwohner (24,3 %) Usländer gsi.

Religion ändere

D Religionszueghörigkeit het sech in de letzte 30 Johr erheblig veränderet.

Religionszueghörigkeit vo dr Bevölkerig Ändi 2008 und in Chlammere 1980[2]

kei Religion 39,1 % (16,2)
protestantisch 35,9 % (67,3)
römisch-katholisch 15,9 % (15,2)
anderi Bekenntnis 9,1 % (1,3)

Literatur ändere

  • Sibylle Meyrat, Arlette Schnyder: Bettingen. Geschichte eines Dorfes, Reinhardt, Basel 2011 ISBN 978-3-7245-1759-7.
  • Lukrezia Seiler, Jean-Claude Wacker: Fast täglich kamen Flüchtlinge. Riehen und Bettingen – zwei Grenzdörfer 1933 bis 1948. Verlag z’Rieche, Riehen 1996; 4., erweiterte Auflage (= Beiträge zur Basler Geschichte), Merian, Basel 2013, ISBN 978-3-85616-580-2.

Weblingg ändere

  Commons: Bettingen – Sammlig vo Multimediadateie

Nowiis ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Statistischs Amt vom Kanton Basel-Stadt
  Dä Artikel basiert uff ere fräie Übersetzig vu dere Version vum Artikel „Bettingen_BS“ vu de dütsche Wikipedia. E Liste vu de Autore un Versione isch do z finde.