Conrad Schierenberg
D Conrad K. Schierenberg (* 1937 z Den Haag † 19. Novämber 2022[1] uf em Dachsberg) isch e dytsch-niderländische Chinschtler un Lyriker gsii.[2]
Lääbe
ändereDr Schierenberg isch uf eme Buurehof z Menzeschwand ufgwachse. Är het kai Schuelabschluss gmacht un au kai Beruef glehrt. As junge Mann het er as Chnäächt, Chuehiirt, Holzfeller un as Hilfsarbaiter gschafft. Anne 1959 isch er uf Paris gange un het dert bi me Frynd Molerei glehrt, ab 1960 het er iber zeh Johr lang as Chinschtler z London gläbt, zytwys au z Sidoschtasie.[2]
Anne 1972 isch er schließli wider retuurchuu uf Dytschland un läbt syterhär in Schwarzwald uf em Dachsberg as Moler. Är molt Mänsche-Bildnis, Stilllääbe un abstrahierti Landschafte.[2] Bilder vun em sin bi verschidene Uustellige im sidweschtdytsche Ruum un in dr Schwyz zaigt wore, derzue duet mit andere Autore als literarischi Oobe veraastalte.
Um 1980 het er aagfange mit Gedicht schrybe, im Lauf vu dr Johr het er iber 500 Sonett gschribe. Är schrybt au uf Hotzewälder Alemannisch.
Dr Conrad Schierenberg isch ghyrote gsii mit dr Bildhaueri Mechthild Ehmann (* 1963) un het mit ihre drei Chinder ghaa.[3] E Suhn us dr erschte Eh isch dr Londoner Moler Tai-Shan Schierenberg.
Uusstellige
ändere- 2003: „Sommerwind“, Galerie Laubach, Ostrach-Laubbach
- 2004 „Landschaft und Architektur“, Galerie Laubach
- 2005 „Zwanzig Jahre atelier laubbach“, Galerie Laubach
- 2007 Galerie Mauritiushof, Bad Zurzach, Schwyz
- 2007 Stadtmuseum Rheinfelden, Huus Salmegg, Rhyfälde
- 2007 „Gesichter erzählen“, Großherzogliches Palais, Badewyler.
- 2008 Sparkasse Hochrhy, Waldhuets-Düenge
- 2009 "Stillleben und Interieurs", Galerie Laubach[4]
- 2009 Kunstwerksta(d)tt z Laufeberg[5]
Wäärch
ändere- Geschriebenes: Gedichte 1980 – 90. Werkstatt-Ed. Dietrich, Dachsberg 1990, ISBN 3-923080-21-2
- Berenike: Gedichte. Aldus-Presse, Reicheneck 1992
- Wasser ins Meer tragen. Gedichte und Prosa. 2002
Weblink
ändere- Homepage vum Conrad Schierenberg
- Alemannischi Gedicht uf youtube.com, gläse vum Autor:
- Conrad Schierenberg bim Atelier Laubbach
- Ernst H. Bilke: Mit breitem Pinselstrich gegen den Trend zu marktkonformer Kunst, Badische Zeitung, 13. Juli 2012
Fueßnote
ändere- ↑ Traueranzeige Conrad Schierenberg, Badische Zeitung
- ↑ 2,0 2,1 2,2 Der Maler und Lyriker Conrad Schierenberg ist gestorben, Badische Zeitung, 25. Novämber 2022
- ↑ Zonta-Club Oberrhein: Lebenslauf Mechthild Ehmann
- ↑ Conrad Schierenberg bim Atelier Laubbach
- ↑ Am Anfang belächelt, nun ernst genommen - Kunstwerksta(d)tt hat sich in fünf Jahren als Adresse etabliert, Badische Zeitung, 1. Dezämber 2009