Emil Steinberger
| Dialäkt: Schwäbisch |
Dr Emil Steinberger (* 6. Januar 1933 z Lozern) isch an Schweizer Kabrettischd, Schrifdschdellr, Regisseur on Schauspiiler, wo seid de 1970er amma broida Publikum en Deitschland on en dr Schweiz wegga seine witziche TV-Sketch als Emil bekannt isch.
.jpg)
Leba ond Schaffa
ändereNoch ra Ausbildong zom Boschtbeamta hot er ab 1960 fenf Johr lang dia Luzernr Schul fir Gschdaldong bsuacht ond isch diblomiertr Grafichr worda. 1967 hot er s "Kleintheater am Bundesplatz" ereffnt, wo Jazzkonzert, Theadr- on Kabrettvorschdellunga on nadirlich seine oigne Brogramm schdaddgfonda henn. Dr Emil Schteibergr hot en Luzern a Schdudio-Kino mit 150 Blätz uffbaut, wo bis heit ondram Nama "Atelier-Kino" exischdierd.
Em Johr 1977 isch er no für nein Monat en dr Manege vom Circus Knie gschdanda. D Emil-Uffzeichnonga, wo dr ARD ausgschdrahld hot, henn ihn no au en Deitschland bekannt gmacht. Es senn no diverse Tourneea durch die Bondesrebublik on d Schweiz gfolgd, au en dr DDR isch er mährmols ufftretta. Wega denne iberaus erfolgreiche Tourneea hot er sich no 1980 entschlossa bloss no dr "Emil" zom sei. Seine "Emil-Nommra" hot er au uff Franzesisch gschpielt. Fir die Fanzosa muss es wohl bsondrs luschdig gwä sei, wia mr so liesd.
Drneba isch er au als Schbrecher en Kenderherschbiel (z. B. en Michel us Lönneberga von dr Aschdridd Lindgren) gwä (der Witz do droh isch, daß dr Michl em Original Emil hoist) on em Kenderbrogramm vom Schwizer Färnseh dädig.
A weitrer Meilastoi en seinra Karrier isch die Hauptroll em Film Die Schweizermacher onter m Regisseur Rolf Lyssy gwä. Er isch abbr au sehr guat em Film Video-Liebe, a baar Johr schbädr gwä. Er hot a greesre Roll ghet on isch no witzichr gwä.
Im Johr 1987 isch die letscht Emil-Vorstellong glaufe. 1989 hot er sich von seinra Frau Maya lo schaida. Dr Emil Steibergr isch no Ende 1993 noch New York, zom dort a normals, birgrlichs Leba en dr Anonymität zom fihra, hot am 28. Mai 1999 sei Lebnsgfährdin, d Niccel Kristuf gheirotet. Boide senn abr 1999 en d Schweiz zrickgkehrt on lebet seitdem am Genfersee.
Danoch isch no sei erschds Buch "Wahre Lügengeschichten" erschiena, wo no viele Lesunga in dr Schweiz on en Deitschland drauf gfolgt senn. Em Oktober 2001 isch no sei zweits Buch "Emil via New York" erschiena. Em Johr 2001 hot er mit seinra Frau an oigna Verlag grindet, die "Edition E", wo neba seine Biacher au seine EMIL-Sketch uff Vidjo on DVD dren vreffentlicht on vrtrieba werdet.
An sim 75. Geburtsdaag isch dr Emil Steinberger vo dr Stadt Luzärn zum Eerebürger ernennt worde. Mit 79 het er wider as «Sit-Up-Comedian» afo uf dr Büüni erschiine. 2013 het er in sinere Biografii "Lachzig" gschriibe, ass er non e unehelige zwäite Soon het.
Dr Emil Steinberger läbt z Territet (Montreux) im Kanton Waadt.
Auszeichnonga
ändereDr Emil Steinberger hot a ganze Reih vo Auszeichnonga bekomma:
- 1971 - "Anerkennungspreis der Stadt Luzern" fir kulturelle Tätigkeite
- 1985 - Prix Walo
- 1986 - Karl-Valentin-Orden
- 1976 - Deutschen Kleinkunstpreis en de Kategorie Kabarett
- 1988 - Hans Reinhart-Ring vo de Schweizer Gesellschaft für Theaterkultur
- 1996 - "Ehrennadel der Stadt Luzern"
- 2003 - Rose von Montreux Goldene Ehrenrose
- 2003 - Oertli-Preis fir sei Humor, wo iber Sprachgrenzen goht
- 2004 - Göttinger Elch fir sei Lebeswerk
- 2004 - Deutscher Comedypreis Ehrenpreis für sein Lebenswerk
- 2004 - Morenhovener Lupe
- 2005 - Salzburger Stier Ehrenstier für sein Lebenswerk
- 2006: Bayerischer Kabarettpreis (Ehrepreis)
- 2008: Ehrebürger vo de Stadt Lozärn zue seim 75. Geburtstag
- 2008: Das große Kleinkunstfestival Ehre-Preis
- 2009: Münchhausen-Preis
- 2009: Stern der Satire
- 2010: Arosa Humorfüller - Jurypreis vom Arosa Humor-Festival fir sei Lebeswerk
- 2011: SwissAward - Lifetime Award fir sei Lebeswerk
| Hochdeutsch | Schwyzerdüütsch | Francais |
|---|---|---|
| Am Fenster | Am Fenster | A la fenetre |
| Am Matterhorn | Am Matterhorn | Au Cervin |
| Das Steuerformular | Stüürformular | - |
| Der Blutspender | De Bluetspänder | Donneur du sang |
| Der Feinschmecker | De Gourmet | Le gourmand |
| Der Kinderwagen | De Chinderwage | La poussette |
| Der Wahlverlierer | De Wahlverlüürer | Politicien flambant |
| Hochzeitsglückwünsche | Hochzeitsglückwünsche | - |
| Im Zug | Im Zug | Dans le train |
| Mengenlehre | Mengenlehre | La theorie des ensembles |
| Polizeihauptwache | Polizeihauptwach | Poste de police |
| Telegrafenamt | De Telegrafenbeamti | - |
| - | Am Kiosk | Le kiosque |
| - | De Quizmaster | - |
Literatur
ändere- Mats Staub: Emil Steinberger. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1745 f.
- Hansruedi Lerch: Emil. In: Historisches Lexikon vo dr Schwiiz.
- Emil Steinberger im Munzinger-Archiv (Artikelaafang frei abruefbar)