Eschbach (Hochrhy)
Eschbach isch e Stadtdeil vo Waldshüet-Düenge im Landchreis Waldshüet.
Eschbach (Hochrhein) Gmeind Waldshüet-Düenge
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Hotzewälderisch |
| Höchi: | 463 m |
| Iiwohner: | 479 |
| Iigmeindig: | 1971 |
| Regierigsbezirk: | Fryburg |
| Landchreis: | Waldshüet |
| Nummereschild: | WT |
| Dialäkt: Markgräflerisch (Lörrach) |
Geografy ändere
Eschbach litt am Übergang vom Südschwarzwald zum Hochrhy im Dal vom Lyderbach, wo diräkt in de Rhy mündet. S Gmeindegebiet umfasst de mittler Deil vom Lyderbach-Dal, wo vo Norde noch Süde verlauft, d'Höche vom Bergrucke im Oste und Weste und de Wyler Ziegelhütte. De Ort sälber isch im Dal. Er isch öbbe drei Kilometer nordöstlig vo Waldshüet und 463 Meter über em Meerspiegel.
Gschicht ändere
Di erschti Urkunde, wo de Ort erwähnt, chunnt uss em Johr 1150. Im Johr 2000 isch s 850-Johr-Jubiläum gfyrt worre.
Im 18. Johrhundert sin Lüt vo Eschbach in d'Salpeterunrüehe verwickelt gsi. Am bekannteste isch under ihne de Johann "de Preuß" Marder, wo z Eschbach Müller gsi isch.
1971 isch Eschbach z Waldshüet ygmeindet worre, wo 1975 mit Düenge zämmeglegt worre isch.
- Ywohnerentwicklig
| Johr | Ywohner |
|---|---|
| 1871 | 286 |
| 1900 | 246 |
| 1925 | 264 |
| 1939 | 237 |
| 1950 | 293 |
| 1961 | 324 |
| 1970 | 399 |
| 2005 | 464 |
Bolitik ändere
Eschbach isch noch em Bade-Württebergische Kommunalrächt e Ortschaft und hät sällewäg e begränzti Selbschtverwaltig, wo e Ortschaftsroot mit sechs Mitglyder und e Ortsvorsteher (momentan de Eugen Schupp) hät.
Wirtschaft und Infrastruktur ändere
Verchehrsabindig ändere
Es git z Eschbach e Gmeindestroß in de Stadtdeil Waldshüet. Am östlige Rand vom Ortsdeil verlauft d'B 500, wo z Waldshüet an d'B 531 und z Triberg im Hochschwarzwald an d'B 34 aschließt.
Bauwerk ändere
- D'Kapälle vo de katholische Pankratius-Chirch, wo ihr Usseh und ihri Usstattig de Familie Feindlin verdankt, wo im 17. Johrhundert di östrychische Statthalter gstellt hät. D'Skulpture sin vom Gregori Allhelg vo Bade AG. S Fest vom heilige Pankratius am 12. Mai isch e große Wallfahrtsdag für d'Dörfer in de Umgebig vo Eschbach.
- d'Mühli, scho 1288 als Bsitz vom Chloster St. Bläsi i-n-re Urkunde erwähnt
- de Schwarzwaldhof, ca. 200 Johr alt, mit hisdorischer Fassade und Holzlaubegang.
- s Wasserschloss, (Deil vom Bumpspeicher-Netzwerk vo de Schluchseewerk uff em Haspel).
- s Gemeindehus mit Kelterei ("Moschte"), Schlachthus und Festruum ("Gfrüri-Beiz")
Quälle ändere
|
Dä Artikel basiert uff ere fräie Übersetzig vum Artikel „Eschbach_(Hochrhein)“ vu de dütsche Wikipedia. E Liste vu de Autore un Versione isch do z finde. |