Eschetaal

S Eschetaal, wo me wäge n em yhäimische historische Name au Ossolataal nännt, isch es Taal uf dr Südsyte vo den Alpe im Piemont.

Dr Wasserfall vo dr Ryss bi Frutt im obere Pomatt; rächts d Gallery vo dr Taalstrooss

dr Name

Uf Iteliänisch heisst das Taal Val d’Ossola. Dr ursprünglech Name isch s erschte Mol am Afang vom erschte vorchristleche Joorhundert i de Schrifte vom Claudius Ptolemäus erwäänt, wo vo Oskela Lepontíōn schrybt, was uf Düütsch bedüütet: «Oskela vo de Leponzier»; Oskela, s hüttige Domodossola, isch d Hauptstadt vo däm alte Volch gsi.

Die verschidene Abschnidd vom Taal sind z’oberscht s Pomatt (uf iteliänisch: Valle Formazza), bis hüt e düütschssproochegi Walsergmeind, s Valle Antigorio bi Domodossola und dr underscht Deil vom Val d’Ossola.

Geografy

Das Alpetaal lyt in dr Provinz Verbano-Cusio-Ossola. S Taal z’durabb flüsst d Ryss, wo bi Domodossola und bim alte Walserdorf Urnafaasch verby chunt und bi Verbania in Langesee mündet.

Gschicht

Sid em 13. Joorhundert sind im Eschetaal Dörfer vo de Walser:

• Pumatt
• Saley
• Ager
• Opsu ( bi Baceno)
• Urnafaasch
• Migiandone, e Ortsdeil vo Urnafaasch

Im 15. und no einisch im früene 16. Joorhundert hend d Walliser und d Äidgnosse s Eschetaal jewyle für churzi Zyt eroberet und beherrscht. Nach dr Schlacht bi Marignano ane 1515 isch ene das Gebiet wider wägggnoo worde.

Weblink

 Commons: Val d'Ossola – Sammlig vo Multimediadateie

• Walsersidlige im Pomatt
• Enrico Rizzi: Ossola, Val d'. In: Historisches Lexikon vo dr Schwiiz.

Fuessnoote

46.0441828.268812