Hauptmenü ufmache

dr Name vo dr StadtBearbeite

Uf Düütsch het Domodossola dr Name «Tüem» oder «Duum» übercho; d Walser säget ere «Dööm».

Die Stadt het en inträssanti Namensgschicht. Bi de Röömer het si uf latyynisch zerscht «Oscella Lepontiorum» und spöter «Domus Ossulae» gheisse. Do druss isch dr hüttig iteliänisch Ortsname entstande. I dr yheimische lombardische Sprooch heisst si «Dòm».

GeografyBearbeite

D Stadt lyt im Eschetaal am rächten Ufer vo dr Ryss. Si isch di zweitgröschti Stadt vo dr Provinz Verbano-Cusio-Ossola. Zum Stadtgebiet ghöre d Kwartier Mocogna, Castanedo, Badulerio, San Quirico, Quartero, Anzuno, Maggianigo, Calice, Borgata Casa Delle Rane, Calvario, Cisore, Corte, Gabi Valle, Boschetto, Siberia und Nosere.

Domodossola isch e Vercheerschnotepunkt. Im Nochberdorf Crevadossola zweigt d Passtrooss übere Simplon vo dr Talstroos, wo wyter ufe is Pomatt goot, ab. E Strooss git’s is Bognancotaal, und no eini is Vigezzotaal. Im Baanhof bi dr Stadt foot d Bärgstrecki vo dr Ysebaan aa, wo zum Simplundunnel ufe stygt. Gägen Oschte fahrt me vo Dööm uus mit dr Centovallibaan uf Locarno in dr Schwiiz.

WeblinkBearbeite

  Commons: Domodossola – Sammlig vo Multimediadateie

FuessnooteBearbeite

  1. Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2016.