Faizabad z Afghanistan

Faizabad (au Feyzabad, Fayz Abad; Persisch فیض‌آباد) isch d Hauptstadt vo dr Browinz Badakhshan (mä säit Badachschan), dr ermste Browinz in ganz Afghanistan.

فیض‌آباد‎ Faizabad
Faizabad (Afghanistan) Faizabad Faizabad
Koordinate	37° 7′ 6″ N, 70° 34′ 39″ O37.11833333333370.5775
Basisdate
Staat	Afghanistan
Provinz	Badakhshan
Höchi	1200 m
Flechi	7 km²
Iiwooner	60.000 (2010)
Dichti	8.571,4 Ew./km²
Politik
Burgermeischter	Nazri Mohammad
Luftbild vo Faizabad Luftbild vo Faizabad

Geografii

Faizabad lit uf ere Hööchi vo öbbe 1.200 m; d Bärg in dr nööchere Umgääbig si si öbbe 800 m hööcher as d Stadt. Dr Fluss Kookcha fliesst zmizt dur d Stadt duure; nördlig vom Fluss lit d Altstadt, südlig d Nöistadt.

Bevölkerig

Die mäiste Iiwooner si Tadschike und Usbeke. Usserdäm het s no Paschtune und Turkmene.

D Religion isch dr Islam, die mäiste Lüt si Sunnite, aber es git au Schiite und Ismailite. D Sprooch wo am mäiste gschwätzt wird, isch Dari (Persisch).

Wirtschaft

D Browinz Badakhshan isch zwar riich an Boodeschetz, si isch aber äinewääg die ermsti Browinz im Land und die durchschnittligi Lääbenserwartig isch nume 47 Joor. Im Aabau vo Moon isch si aber am erste Blatz. Die grösste Laager uf dr ganze Wält vom Halbeedelstäi Lapislazuli si do und wärde sit 3000 Joor abbaut. Au Rubin, Smaragd, Amethyst und Gold wärde gförderet. D Landwirtschaft und d Veezucht (Schööf, Gäisse, Röss) si wichdig und es wird vil Moon und Cannabis aabaut.

Söön und Döchder vo dr Stadt

• Burhanuddin Rabbani, wo dr politischi Füerer vo dr Nordallianz in Afghanistan gsi isch

Weblingg

 Commons: Faizabad – Sammlig vo Multimediadateie

• ISAF-Homepage (änglisch)
• Flugvideo (Youtube)

Dä Artikel basiert uff ere fräie Übersetzig vum Artikel „Faizabad_(Afghanistan)“ vu de dütsche Wikipedia. E Liste vu de Autore un Versione isch do z finde.