Dr Baasler Politiker Fritz Hauser
Dr Fritz Hauser (* 3. Juni 1884 z Baasel; † 26. Merz 1941 z Bäärn) isch e soziaaldemokratische Schwizer Politiker gsi.
Lääbe und Wärk ändere
_f%C3%BCr_Fritz_Hauser_(1884%E2%80%931941)_(1).jpg)
Dr Fritz Hauser isch dr Soon vom ene Schniidergsell us Südbaade gsi. Er het en Usbildig zum Brimaar- und Middelschuelleerer gmacht und denn Nazionaalökonomii an dr Uni Baasel studiert. 1915 isch er zum Dr. phil. bromoviert.
Kantonaali Bolitik ändere
Als Mitgliid vo dr Sozialdemokraatische Bardei het er e politischi Karriere gha: 1911–1918 isch er im Groosse Root vom Kanton Basel-Stadt gsässe, 1918–1941 isch er Regierigsroot gsi. Er het d Gründig vo der staatlige Witwe- und Waisekasse gförderet, d Iifüerig vo dr obligatoorische Umfallversicherig für Schüeler, d Schuelfürsorg, Maturidäätskürs für Erwaggseni und d Volkshochschuel. As Vorsteer vom Erziejigsdepartemänt ab 1919 het er d Baasler Bildigs- und Kultuurbolitik massgääblig brägt. In sinere Amtszit isch s Schuel- und des Uniwversidäätsgsetz rewidiert worde, dr Kunstkredit Baasel-Stadt gründet worde und si s Basler Kunstmuseum und s Kollegiehuus vo dr Uniwersidäät Baasel am Petersblatz baut worde.
Nazionaali Bolitik ändere
Vo 1919 bis 1941 isch er im Nazionaalroot gsässe, und 1937–1938 si Bresidänt gsi. Noch em Aaschluss vo Ööstriich an s Nazidütschland het dr Hauser d Broklamazioon vom Bundesroot und de Frakzioone zur Nöitralidäät vo dr Schwiz understützt.[1][2] Im Nazionaalroot het sich dr Hauser as Finanzpolitiker und Mitgliid vo dr Gschäftsbrüefigskommissioon e Naame gmacht.
Kultuur ändere
As Mitgliid vo de Old Boys het dr Fritz Hauser 1912 an dr Delegierteversammlig z Luzärn si Verdäidigungsreed gegen e Boykott vom Schwizerische Fuessballverband ghalte. Dr Boykott isch wägen eme unerlaubte Fründschaftsspiil gegen e Fuessballclub Nordstärn Baasel verhängt worde und dank dr Reed vom Fritz Hauser wider ufghoobe worde.[3]
Im Grubbebild Sitzung der Basler Kunstkreditkommission, wo dr Jean Jacques Lüscher (1884–1955) 1930 gmoolt het, cha mä au dr Fritz Hauser gsee.[4]
S Graab ändere
Dr Fritz Hauser isch uf em Friidhoof am Hörnli begraabe. D Grabskulptuur «Arbäiter» het dr Ernst Suter 1943 gmacht.
Liddratuur ändere
- Albert Oeri: Zwei Basler Politiker [Dr. V.E. Scherer und Dr. F. Hauser]. In: Basler Jahrbuch 1942, S. 107-109.
- Gregor Spuhler: Hauser, Fritz. In: Historisches Lexikon vo dr Schwiiz.
- Charles Stirnimann: Baumeister des Roten Basel. Fritz Hauser (1884–1941) in seiner Zeit. Basel: Christoph Merian Verlag 2021. ISBN 978-3-85616-955-8.
- Reg.-Rat Dr. Fritz Hauser, Basel. (Noochruef). In: Die Berner Woche 31 (1941), Nr. 16 (19. April), noch S. 187. Digitalisat in E-Periodica.
Weblingg ändere
Commons: Fritz Hauser (Politiker) – Sammlig vo Multimediadateie- Publikatione vo und über Fritz Hauser (Politiker) im Katalog Helveticat vo der Schwiizerische Nationalbibliothek
Fuessnoote ändere
- ↑ Bundesrat (Schweiz): Proklamation des Bundesrates und der Fraktionen betreffend die Neutralität. Schweizerische Nationalphonothek, 21. März 1938, abgruefen am 26. Oktober 2019.
- ↑ Proklamation des Bundesrates und der Fraktionen betreffend die Neutralität. In: Stenographisches Bulletin der Bundesversammlung. Nationalrat (Schweiz), 21. März 1938, abgruefen am 26. Oktober 2019.
- ↑ Hans Dieter Gerber: Boykott gegen den FC Old Boys, 1912. Abgruefen am 23. Oktober 2019.
- ↑ Jean-Jacques Lüscher: Fritz Hauser, Sitzung der Basler Kunstkreditkommission, 1930. Abgruefen am 11. Oktober 2019.