Hauptmenü ufmache

Greta Thunberg

schwedische Klimaschutzaktivistin
D Greta Thunberg (2018)

D Greta Tintin Eleonora Ernman Thunberg [ˈgreːta ˈtʉːnˌbærj] (* 3. Jäner 2003) isch e schweedischi Klimaschutzaktivisti. Si isch internationaal bikannt wore, well si afange het för de Klimaschutz z straike, statt i d Schuel z goo. Erem Biispill sind mittlerwiile fili Schüeller und Schüellerine gfolgt, so ass drususe e weltwiiti Biwegig entstanden isch, wo i de Tütschschwitz Klimastraik gnennt werd, im Weltsche Grève du Climat, z Tütschland und in anderne Länder aber Fridays For Future („Frittig für d Zuekumpft“).

s LebeBearbeite

D Greta Thunberg isch d Töchter vo der Ooperesengeri Malena Ernman und em Schauspiller Svante Thunberg. Nochdem d Greta i de Grundschuel vo der Erderwärmig ghört hett, hett si afange dihai Energii spare und hett o agfange vegaan zesse und si het o uffghöört mitem Flugi umezraise. Debi het si o eri aigni Famili öberzügt. Mit Elfi isch si depressiv woore und het nöme wöle rede und esse. En Arzt het den bi ere s Asperger-Syndrom diagnostiziert. Mit föfzeni het si denn demit aagfange, em Frittig statt i d Schuel z goo för s Klima straike. Dör da isch si weltwiit bikannt wore und isch im Dezember 2018 zo de UN-Klimakonferenz z Kattowitz igladt wore und im Jäner 2019 het si am Weltwertschaftsforum z Davoos e Reed ghalte.

d UuswörkigeBearbeite

Em 20. Augste 2018, em erste Schueltaag noch de Summerfeeri, isch d Greta Thunberg zerstmool miteme Schild mit de Uufschrift ‘Skolstrejk för klimatet’ („Schuelstraik för s Klima“) vor der Schwedisch Riichstaag gsesse, wege de grosse Hitz und und ussergwöönliche Tröchni im Summer 2018. Die Anzelaktion isch nöd grad gutiert woore, aber bald hend sich anderi Schüeller und Schüellerine ere aagschlosse. I de Schwitz hend as ersti d Gymeler vo de Kanti Sanggale amene Frittig för de Klimaschutz gstraikt.

WeblinkBearbeite

  Commons: Greta Thunberg – Sammlig vo Multimediadateie