Heinrich Morf

Dr Heinrich Morf (* 23. Oktober 1854 z Münchebuchsee; † 23. Jänner 1921 z Thun) isch e Schwiizer Romanischt gsi.

s Lääbe

Er isch dr Soon vom Lehrer Heinrich Morf und vo dr Susanna Morf geb. Merk gsi und het z Züri un z Stroossburg studiert. Syni Dokterarbet, won er 1877 a dr Uni Stroossburg ygreicht het, het dr Titel Die Wortstellung im altfranzösischen Rolandslied. 1880 het er d Elise Frieda Dennler ghürootet

Ane 1879 het men en tank dr Empfäälig vo sym Lehrer Gaston Paris, em Adolf Tobler und em Heinrich Schweizer-Sidler als Profässer für Romanischi Filology a dr Uni Bärn agstelt. 1889 isch er als Nachfolger vom Heinrich Breitinger Profässer a dr Uni Züri woorde.

Dr Morf het s Romanische Seminar vo dr Uni Züri als sälbständigs Inschtitut gründet.

1901 isch er uf Frankfurt ad Akademy für Sozial- und Handelswüsseschaft ggange und 1901 ad Friedrich-Wilhelms-Universität z Berlin, di hüttig Humboldt-Universität.

Dr Morf het früech agfange mit dr Dialäktforschig. Syni Schüeler Louis Gauchat, Ernst Tappolet und Jules Jeanjaquet sind d Gründer vom Wälschschwiizer Mundartwörterbuech Glossaire des patois de la Suisse romande.

Wäärch (Uuswahl)

Die sprachlichen Einheitsbestrebungen in der rätischen Schweiz, 1888
Geschichte der neuern französischen Litteratur (XVI.-XIX. Jahrhundert), 1898
Zur sprachlichen Gliederung Frankreichs, 1911
Die Bistümer Lyon und Vienne und die Westgreuze der Frankoprovenzalischen, 1911
Das pikardische Sprachgebiet, 1911
Geschichte der französischen Literatur im Zeitalter der Renaissance, 1914
Geschichte der romanischen Literaturen, 1924

Literatur

Marc-René Jung: Morf, Heinrich. In: Historisches Lexikon vo dr Schwiiz.
Gustav Roethe: Gedächtnisrede auf Heinrich Morf vom 30. Juni 1921, in: Sitzungsberichte der Preussischen Akademie der Wissenschaften. 1921, 1. Halbband, S. 521–528.
Gerhard Rohlfs: Zur Erinnerung an Heinrich Morf. In: Zeitschrift für romanische Philologie. Band 41, 1921, S. 259–263.
W. Theodor Elwert: Morf, Heinrich. In: Neue Deutsche Biographie (NDB). Band 18, Duncker & Humblot, Berlin 1997, ISBN 3-428-00199-0, S. 100–102.
Richard Trachsler: Heinrich Morf (1854–1921). Le bâtisseur déchu. In: Ursula Bähler, Richard Trachsler (Hrsg.): Portraits de médiévistes suisses (1850–2000). Une profession au fil du temps. Genf 2009, S. 141–176.
Aus romanischen Sprachen und Literaturen. Festschrift Heinrich Morf zur Feier seiner fünfundzwanzigjährigen Lehrtätigkeit von seinen Schülern dargebracht. Halle 1905.
Jakob Bosshart: Heinrich Morf. In: Die Schweiz. Schweizerische illustrierte Zeitschrift, 25, 1921, S. 109–111.

Weblink

Verastaltige vom Heinrich Morf im Historische Vorläsigsverzäichnis vo dr Uni Züri