Isabelle Pasquier-Eichenberger

D Isabelle Pasquier-Eichenberger (* 17. Meerz 1973 z Chêne-Bougeries; haimetberächtigt z Le Pâquier, z Faarwange un z Gämf) isch e Schwyzer Geografi un Bolitikeri (GPS). Syter anne 2019 isch si Mitgliid im Schwyzer Nazionaalroot.

d Isabelle Pasquier-Eichenberger (2019)

Familie, Uusbildig un BeruefBearbeite

D Isabelle Pasquier het vu 1993 bis 1997 an dr Universiteet Gämf Geografy studiert, derno vu 1999 bis 2002 Ekology un Umwältwisseschafte an dr Universitet Nöieburg un vu 2006 bis 2008 wider z Gämf Effetligi Verwaltig.

Vu 2004 bis 2007 het si bim Bundesamt fir Landwirtschaft gschafft as Mitgliid vum Uusschuss fir Landwirtschaft, im Root fir Agraarfoorschig un in dr Kummissioon fir Uursprungsbezaichnige un geograafischi Aagaabe gsii. Vu 2006 bis 2013 het bi dr landwirtschaftlge Berootigszäntrale AGRIDEA gschafft. Syter anne 2013 isch si Koordinatoori vu dr Alpe-Initiativ fir d Weschtschwyz.

D Isabelle Pasquier het zwoo Deechtere. Si läbt mi ire Familie z Carouge.

BolitikBearbeite

D Isabelle Pasquier isch fir d Legislatuurperiood 2018–2023 in Grooße Root vum Kantoon Gämf gweelt woore.[1] As Kandidaati bi dr Nazionaalrootswaale 2019 isch si uf ire Lischt uf dr zweet Ersatzblatz chuu. Wu d Lisa Mazzone, wu uf dr nämlige Lischt gweelt gsii isch, am 10. Novämber 2019 im zweete Waalgang au no ne Sitz im Ständeroot gwunne het, un dr eerscht Ersatzkandidaat Pierre Eckert us perseenlige Grind uf s Mandaat verziichtet het, isch d Isabelle Pasquier in Nazionaalroot noogrugt.[2] Si isch am 2. Dezämber 2019 as Nazionaalreeti veraidigt woore.[3] Si isch Mitgliid vu dr Kummissioon fir Vercheer un Fäärnmäldwääse un vu dr Gschäftsbriefigskummissioon.[3]

WeblinkBearbeite

FueßnoteBearbeite

  1. Grand Conseil de Genève – Députés
  2. Qui sont les nouveaux élus romands à Berne?, rts.ch, 17. Novämber 2019
  3. 3,0 3,1 Isabelle Pasquier-Eichenberger uf parlament.ch