Die jüüdischi Emanzipazioon

As jüüdischi Emanzipazioon bezäichnet mä dr Wääg vo de Juude vom Rand vo dr christlige Meerhäitsgsellschaft in Öiropa, wo si e rächtlig, religiöös und sozial diskriminierti Minderhäit gsi si, in d Middi vo dr Gsellschaft. Iiri Iigliiderig het aagfange, wo si vom Zitalter vo dr Ufkläärig aa mee und mee as gliichberächtigti Staatsbürger anerkennt worde si.

Dr Napoleon stellt dr Kult vo de Israelite wider här. 30. Mai 1806.

Dr Begriff „Juude-Emanzipazioon“ daucht vo 1817 aa uf. Bis denn isch die Thematik as „bürgerligi Verbesserig“, „Naturalisazioon“ oder „Gliichstellig“ vo de Juude beschriibe worde.

Überblick

Wääred im östlige Öiropa d Juude, wo vor dr Verfolgig vor allem im dütschsproochige Ruum uf Pole gflüchdet si und dört bis zur katholische Geegereformazioon gut in d Gsellschaft integriert gsi si, isch d Laag vo de Juude im westlige Öiropa im Spoote Middelalter und dr Früeje Nöizit mäistens schwiirig gsi. Mit dr Ufkläärig im 18. Joorhundert isch dr Iifluss vo dr Religioon chliiner worde und Dänker wie dr Montesqieu häi mit Ideä wie dr Gliichstellig vo de verschiidene Religioone mee und mee Understützer gfunde.

So si Menscherächt, wo jedem Mensch unabhängig vo sinere Religion zuestöön, zum Kennzäiche vom sekularisierte Nazionalstaat worde: zerst in de USA mit dr Bill of Rights 1776, denn z Frankriich noch dr Franzöösische Revoluzioon vo 1789. Am 27. Septämber 1791 het die franzöösischi Nazionalversammlig d Gliichberächtigung vo alle franzöösische Juude beschlosse. In de dütsche Gebiet, wo under franzöösischem Iifluss gstande si, si d Juude au emanzipiert worde, wie im Groossherzogdum Bärg, und im Köönigriich Westfaale und in de linggsrhiinische Gebiet.

In de dütschsproochige Staate isch die rächtligi Gliichstellig vo de Juude aber nume langsam Schritt für Schritt vo 1797 bis 1918 duuregsetzt worde. Rächt, wo mä de Juude gee het, si blötzlig wider iigschrönkt worde. Pröisse het de Juude mit em Juudenedikt vo 1812 s Staatsbürgerrächt gee. Z Baade het iiri rächtligi Gliichstellig mit em Judenedikt vo 1809 aagfange, z Bayre mit em Juudenedikt vo 1813, z Württebärg 1828 mit em Gsetz wo die öffentlige Verheltniss vo de israelitische Glaubensgenosse betrifft. In dr Schwiz häi d Juude erst mit dr rewidierte Wersioon vo dr schwizerische Bundesverfassig 1866 d Niiderlassigsfreihäit überchoo und schliesslig in dr Rewisioon vo 1874 au s Rächt vo dr freije Religioonsusüebig. Vo 1874 si denn alli Juude in West- und Middelöiropa gliichberächdigti Bürger vo iire Staate gsi.

In dr Zit vom Nazionalsozialismus het mä d Juude z Dütschland vo 1933 aa süstematisch afo diskriminiere und 1935 mit de Nürmbärger Gsetz alli Grundrächt. Spöötistens vom Aafang vom Chrieg 1939 aa isch d Usrottig vo de Juude s Ziil vo de Nazionalsozialiste worde.

Litratuur

Überblick

• Friedrich Battenberg: Judenemanzipation im 18. und 19. Jahrhundert. In: Institut für Europäische Geschichte (Mainz) (Hrsg.): Europäische Geschichte Online. 2010, Zugriff am: 30. Novämber 2011.
• Pierre Birnbaum (Hrsg.): Paths of emancipation. Jews, states, and citizenship. Princeton University Press, Princeton NJ 1995, ISBN 0-691-03461-3.
• Michael Brenner, Vicki Caron, Uri R. Kaufmann(Hrsg.): Jewish emancipation reconsidered. The French and German models (= Schriftenreihe wissenschaftlicher Abhandlungen des Leo-Baeck-Instituts. Bd. 66). Mohr Siebeck, Tübinge 2003, ISBN 3-16-148018-X.
• Elena Romero Castelló, Uriel Macías Kapón: Die Juden in Europa. Geschichte und Vermächtnis aus zwei Jahrtausenden. Bechtermünz, Augsburg 1996, ISBN 3-86047-223-2.
• Jacob Katz: Aus dem Ghetto in die bürgerliche Gesellschaft. Athenäum, Frankfurt am Main 1988, ISBN 3-610-04713-5.
• Jacob Katz: Zur Assimilation und Emanzipation der Juden. Ausgewählte Schriften. Wissenschaftliche Buchgesellschaft, Darmstadt 1982, ISBN 3-534-08428-4.
• Reinhard Rürup: Emanzipation und Antisemitismus. Studien zur „Judenfrage“ der bürgerlichen Gesellschaft. (= Kritische Studien zur Geschichtswissenschaft. Bd. 15). Vandenhoeck und Ruprecht, Göttingen 1975, ISBN 3-525-35966-7.
• Christoph Schulte: Die jüdische Aufklärung. Philosophie, Religion, Geschichte. Beck, Münche 2002, ISBN 3-406-48880-3.

Äinzelni Länder

• Esther Benbassa: Geschichte der Juden in Frankreich. Philo Verlagsgesellschaft, Berlin u. a. 2000, ISBN 3-8257-0144-1.
• Rainer Erb, Werner Bergmann: Die Nachtseite der Judenemanzipation. Der Widerstand gegen die Integration der Juden in Deutschland 1780–1860 (= Antisemitismus und jüdische Geschichte. Bd. 1). Metropol, Berlin 1989, ISBN 3-926893-77-X.
• Paula E. Hyman: The Jews of Modern France (= Jewish communities in the modern world. Bd. 1). University of California Press, Berkeley CA u. a. 1998, ISBN 0-520-20925-7.
• Frances Malino, Bernard Wasserstein (Hrsg.): The Jews in Modern France (= Tauber Institute Series. Bd. 4). Brandeis University Press, Hanover NH u. a. 1985, ISBN 0-87451-324-3.
• Wolfgang Michalka, Martin Vogt (Hrsg.): Judenemanzipation und Antisemitismus in Deutschland im 19. und 20. Jahrhundert. Ein Tagungsband (= Bibliothek europäischer Freiheitsbewegungen. Band 3). Edition Isele, Eggingen 2003, ISBN 3-86142-217-4.
• Julius H. Schoeps: Deutsch-jüdische Symbiose oder Die missglückte Emanzipation Philo Verlagsgesellschaft, Berlin u. a. 1996, ISBN 3-8257-0031-3.
• Tobias Schenk: Wegbereiter der Emanzipation? Studien zur Judenpolitik des „Aufgeklärten Absolutismus“ in Preußen (1763–1812) (= Quellen und Forschungen zur brandenburgischen und preußischen Geschichte. Bd. 39). Duncker & Humblot, Berlin 2010, ISBN 978-3-428-13090-0 (Zugleich: Münster, Universität, Dissertation, 2007).
• Jacob Toury: Soziale und politische Geschichte der Juden in Deutschland 1847–1871. Zwischen Revolution, Reaktion und Emanzipation (= Schriftenreihe des Instituts für Deutsche Geschichte, Universität Tel Aviv. Bd. 2). Droste, Düsseldorf 1977, ISBN 3-7700-0472-8.

Weblingg

• Tobias Jaecker: Judenemanzipation und Antisemitismus im 19. Jahrhundert
• Ingrid Lohmann: Die Juden als Repräsentanten des Universellen. Zur gesellschaftspolitischen Ambivalenz klassischer Bildungstheorie (über Dohms Erziehungskonzept im Kontext der aufklärerischen Emanzipations-Debatte)
• Todd M. Endelman: Assimilation. The YIVO Encyclopedia of Jews in Eastern Europe

Fuessnoote

Dä Artikel basiert uff ere fräie Übersetzig vum Artikel „Jüdische_Emanzipation“ vu de dütsche Wikipedia. E Liste vu de Autore un Versione isch do z finde.