Der Jounbach isch en Fluss i de Schwiizer Kantöön Bärn und Fryburg.

Jounbach
Dr Jounbach i dr Jounbachschlucht
Dr Jounbach i dr Jounbachschlucht

Dr Jounbach i dr JounbachschluchtVorlage:Infobox Fluss/KARTE_fehlt

Date
Gwässerkennzaal CH: 799
Laag Schwiiz
Flusssystem RhiiVorlage:Infobox Fluss/FLUSSSYSTEM_falsch
Abfluss über Saane → Aare → Rhii → Nordsee
Quelle im Joungrund
46° 32′ 38″ N, 7° 15′ 42″ O
Quellhöchi 1'703 m ü. M.[1]
Mündig in Greyerzersee bi BrocKoordinate: 46° 36′ 56″ N, 7° 6′ 4″ O; CH1903: 574154 / 162749
46° 36′ 56″ N, 7° 6′ 4″ O
Mündigshöchi 674 m ü. M.[1]
Höchiunterschiid 1029 m
Lengi 22,8 kmVorlage:Infobox Fluss/NACHWEISE_fehlen
Iizugsgebiet 179 km²[1]

Stausee Montsalvenssee

Dr Louf vom Fluss ändere

Der Jounbach het sini Kwelle imene höche Tääli, wo Joungrund heisst und nördlech vom Schneitgrat im Gmeindbann vo der Bärner Gmeind Saane liit. S Kwellpiet liit uf öpe 1700 Meter über Meer. Usem Näbetääli Gruebestudi und vo der Alp Ruedersbärg under der Wandflue chöme zwee Sytebech abe, und die drü Kwellbech vom Jounbach flüsse bi däm Stafel zmitzt im Wald, wo Hinderi Schwand heisst, uf der Höchi vo 1350 m.ü.M. zäme. Der Bach het do obe der hüpsch Name Jäunli.

Vom Joungrund bis unden am Fideritschi bi Abländsche folgt em Jäunli noo d Gmeindgränze zwüsche der Bärglandschaft vo Saane uf der lingge Syte und em steile Port under em Bärg Hundsrügg vo der Gmeind Boltige uf der rächte Syte.

Det wo de Büelsgrabe vo de Gaschtloose abe chunt, goot s Jäunli über d Kantonsgränze in Kanton Fryburg ine und chunt zerscht in Gmeinbann vo Joun. Vo beide Syte chöme vil churzi und es baar lengeri Sytebech vo de Bärghäng obenabe, vo der Underenegg und vom Jounpass, vo de Gaschtloose und vom Bäderhore, vom Münchebärg am Rote Chaschte und vom Euschelspass, und der Saddelbach usem Stillwasserwald under de Saddelschpitze, und so wird s Jäunli nodisnoo zumene rächt wilde Bärgfluss, und dä het de vom Dorf Joun abwärts der Name Jounbach.

Bim Dörfli Im Fang überchunt der Jounbach s Wasser vom Chly Montbach, wo dä inträssant zwöisproochig Name het, wo zämegsetzt isch us em dütsche Adjektiiv chly, em französische mont und em dütsche bach. Dä steil und gfäärlech Bärgbach, wo mit vil Schwelle het müesse gsicheret wärde, chunt nämli oben a sym ängge Tobel bim Oberrügg vo dere schöne Hochebeni vo der Alp Petit Mont här. Dä Alpname bedütet uf Dütsch so viel wie Chlyni Alp, und vo dere Alp liit nur der under Deil im Gmeindbann vo Joun; vil mee Alpweide uf dem Bärg ghöre zu der wältsche Nochbergmeind Galmis. Die het äne a der Wasserscheid im Weschte au no d Nochberalp Gros Mont, also die grossi Alp. Vo dere chunt der Bärgbach Riau du Gros Mont abe, won au e Sytefluss vom Jounbach isch. Em Gross-Mont-Bach no dur s Taal Vallée du Gros Mont goot d Gmeindgränze zwüsche Joun und Galmis bis an Jounbach; wil do aber au d Fryburger Sproochgränzen isch, änderet der Fluss öpe bi der Klus underem Laubspitz sin Name vo Jounbach is wältsche La Jogne.

D Jogne flüsst drü Kilometer dur s flache Taal vo La Cierne, Bourlianda und La Tsintre, goot den dur d Schlucht vo Le Perré, wo si mit irem Wasser es chlyses Wasserchraftwärch aatribt, und flüsst in Schtausee Lac de Montsalvens. I däm See sind d Ymündige vo de Syteflüss Rue de Motélon und Javro versunke. Unden a der Staumuur vom See isch die tüüfi, spektakuläri Schlucht Gorges de la Jogne, und undedra goot der Louf vom Fluss nach em Chraftwärch vo der Schoggifabrigg bi Bro am Greyerzersee z Änd. Grad a dere Stell, wo der Jounbach, also d Jogne früener i d Saane gflossen isch, chunt dr Fluss jetz ufem Piet vo der Gmeind Botterens i dä gross Stausee.

Weblink ändere

  Commons: Jogne – Sammlig vo Multimediadateie

Fuessnoote ändere

  1. 1,0 1,1 1,2 Geoserver vo de Schwizer Bundesverwaltig