S Köönigriich vo bäide Sizilie

	Regno delle Due Sicilie; Köönigriich vo bäide Sizilie; 1816 – 1861
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Italiänisch
Hauptstadt	Neapel
Staatsoberhaupt und Regierigschef	König; Ferdinand I. (1816–1825); Franz I. (1825–1830); Ferdinand II. (1830–1859); Franz II. (1859–1860)
Flächi	111.900 (1860) km²
Iiwohnerzahl	8.703.000 (1860)
Bevölkerigsdichti	77,8 Iiwohner pro km²
Unabhängigkeit	1816 bis 1861
	S Köönigriich vo bäide Sizilie S Köönigriich vo bäide Sizilie

S Köönigriich vo bäide Sizilie (italienisch Regno delle Due Sicilie) isch am 8. Dezämber 1816 entstande, wo die bäide „Köönigriich Sizilie“ staatsrächtlig veräinigt worde si. Bis denn si si nume in Personalunion verbunde gsi. Wäärend s äinte, dr "Regno di Sicilia ulteriore", im Wääsentlige mit dr Insle Sizilie idäntisch gsi isch und si Hauptstadt Palermo gsi isch, het s andere, dr „Regno di Sicilia citeriore“, s underitaliänische Festland mit dr Hauptstadt Neapel umfasst. Dorum bezäichnet mä das „Festland-Sizilie“ au as Köönigriich Neapel, zum s besser vom „Insle-Sizilie“ zunderschäide.

S Köönigriich vo bäide Sizilie isch dr grössti vo de italiänische Däilstaate gsi, allerdings au dr wirtschaftlig ermsti. Si Staatsform isch sit 1816 die vo dr absolute Monarchii gsi; erst am 29. Januar 1848 het s Köönigriich e gschriibeni Verfassig überchoo und isch esoo e konstituzionelli Monarchii woorde.

S Köönigriich het bis 1860 existiert, wo Freischärler under dr Füerig vom Giuseppe Garibaldi es erooberet häi und es mit em nöi gründete Köönigriich Italie veräint worde isch (Risorgimento). Dr letscht Köönig, dr Franz II., het am 13. Februar 1861 abdankt.

Litratuur

Pietro Colletta, John A. Davis: The history of the kingdom of Naples. From the accession of Charles of Bourbon to the death of Ferdinand I. 2 Bände, Tauris, London 2009, ISBN 978-1-84511-881-5.
John A. Davis: Naples and Napoleon. Southern Italy and the European revolutions (1780–1860). Oxford University Press, Oxford 2006, ISBN 0-19-820755-7.
Girolamo Imbruglia: Naples in the Eighteenth Century. The Birth and Death of a Nation State. Cambridge University Press, Cambridge 2007, ISBN 978-0-521-03815-7.
Jörg Reimann: Neapel und Sizilien 1450 bis 1650. Politik, Wirtschaft, Bevölkerung und Kultur. Kovac, Hamburg 2005, ISBN 3-8300-1886-X.

Dä Artikel basiert uff ere fräie Übersetzig vum Artikel „Königreich_beider_Sizilien“ vu de dütsche Wikipedia. E Liste vu de Autore un Versione isch do z finde.