Chraftwärch Hüsèrè

S Chraftwärch Hüsèrè isch è Bumpschpycherchraftwärch bi Hüsèrè im südlichè Schwarzwald. S isch s älteschte vo füüf Chraftwärch vo dè Schluchseegruppè un isch vo 1929 bis 1931 baut worrè. Mit èm Schluchsee als Obberbeggi isch es übber èn 6,2 Kilometer langè Druggschtollè vobundè, wo im Bumpbedryb 40 Kubikmeter un im Generatorbedryb 86 Kubikmeter Wasser pro Sekund durrè flǜèßèd. Sèllè Druggschtollè fangt bim Ylaufbauwärch am Südufer vom Schluchsee aa, un volauft unterirdisch barallel zuè dè B 500 bis zum öschtlichè Ortsrand vo Hüsèrè.

Kraftwerk Häusern
Schwarzabeggi un Chraftwärch Hüsèrè, drübber d Staalroor zum Schièberhuus. Vo dört uus gòt dè Druggschtollè zum Wasserschloss un denn schlièßlich zum Y- / Uuslaufbauwärch Schluchsee Schwarzabeggi un Chraftwärch Hüsèrè, drübber d Staalroor zum Schièberhuus. Vo dört uus gòt dè Druggschtollè zum Wasserschloss un denn schlièßlich zum Y- / Uuslaufbauwärch Schluchsee
Laag
Kraftwerk Häusern (Baden-Württemberg) Kraftwerk Häusern
Koordinate	47° 45′ 17″ N, 8° 11′ 16″ O47.7547222222228.1877777777778
Land	Deutschland Dytschland Bade-Wirttebärg
Ort	Hüsèrè
Gwässer	Obberbeggi: Schluchsee Unterbeggi: Schwarzabeggi
f1
Kraftwärk
Eigedümer	Schluchseewärch AG
Bedriiber	Schluchseewärch
Betribaafang	1931
Technik
Èngpassleischtig	Generatorbedryb: 100 Megawatt Bumpbedryb: 100 Megawatt
Uusbaudurrèfluss	Generatorbedryb: 86 m3/s Bumpbedryb: 40 m³/s
Turbinè	4 Bumpturbynè, (Francis)
Suschtiges
Websitè	www.schluchseewerk.de

Bligg vo unnè uff d Druggroorleitung un s Schièberhuus

Kraftwerk Häusern 1080879

Obberhalb vom Chraftwärch un knapp unterhalb vo dè B 500 isch è Wasserschloss i dè Fels ièbaut mit übber 80 Meter Höchi un 10 Meter Durchmesser. Obberhalb vom Chraftwärch stòt s Schièberhuus, vo dèm uus s Wasser zum Maschinnèhuus übber vyr Druggroorleitungè uss Staal gfüürt wörd, wo 260 Meter lang sin un steil zum Chraftwärch abbè gän. Nõchdèm s Druggwasser im Maschinnèhuus durch d Turbynè gangè isch, flüèßt s entschpannte Wasser i s Schwarzabeggi ab.

Maschinnèhuus vom Chraftwärch Hüsèrè

S Chraftwärch vofüègt übber vyr ternäri Maschinnèsätz mit stehendè Wällè. En Maschinnèsatz bschtòt uss Bumpi, Wandler, Turbynè un Generator. Diè maximali Generatorleischtung bedrait 100 MW, sowoll Turbynè wiè au d Bumpi sin mit Francis-Laufräder bschtüggt.

S Unterbeggi vom Chraftwärch Hüsèrè isch s Schwarzabeggi, wo è baar Meter unterhalb vom Chraftwärch s Stauzyl hèt. S Schwarzabeggi isch glychzitig au s Obberbeggi vom Chraftwärch Witznau, wo èbbèso im Schwarzatal, abber churz vor èm Uusgang lyt. Bis dè Druggschtollè vom Schwarzabeggi zum Witznauer Chraftwärch fèrtig gsi, hèn d Schluchseewärch zwütschgè innè s Chraftwärch Eichholz bedribbè un s Schwarzabeggi isch sèllmòl s Obberbeggi vom Chraftwärch im Eichholz gsi. Mit èm Druggschtollè hèt mò abber èn Bypass um s Eichholzer Wärch ummè glait un sèll denn ußer Bedryb gnõ. D Schièberkammèrè vom Hüsèmer Chraftwärch wörd barallel zuè dè Druggroor mit èrè einschpurigè Standseilbaan vom Fabrikat Von Roll, Wärch Bärn, zuègänglich gmacht. I dè Dalschtation bim Chraftwärch un gegèübber vo dè Schwarzabruggschtrõß stòt dè Windèaadryb, am Bärg obbè nu d Umlenkung. D Seil, wo dè Aadryb un d Umlenkung vobindè düèn, laufèd übber Stützè durrè.

Übber èn Stollè, wo unter m Höchèschwander Bärg un èm Südrand vo Hüsèrè unnè durrè gòt, chönnèd bis zuè 50 Kubikmeter pro Sekund uss èm Albbeggi, wo öppè 27 m höcher lyt, i s Schwarzabeggi zum Uusglych zuègfüürt wörrè.

Stromleitungè, wo uff Brändè uè gän

Diè elegtrischi Leischtung wörd übber zwei 110-kV-Leitungé abgfüürt, wo vom Abschpannbortal vom Chraftwärch quer übber s Schwarzabeggi füürèd. Dè èrschte Mascht vo beidè Trassè stòt am gegèübberligendè Ufer bi 47° 45′ 14″ N, 8° 11′ 31″ O47.7538888888898.1919444444444, ein dèvo stòt sogar im See dinnè, wèg sim Bedongsockel chriègt er abber keini nassè Füèß. Sèlli beidè Stromtrassè gän übber è Schneisè a dè linkè Schwarzahaaldè gegèübber vom Chraftwärch bis uff dè Brändemer Bärg uè, zwüschè dè Innerè un Üßerè Hööf sowiè im Dorf Brändè durrè, übberschpannèd s Witznau-Beggi un volaufèd en passant vo Wyylè bis i s unterè Schlüèchtdal, wo si bim Umspannwerk zwüschè Gurtwyl un Düèngè uffhöred.

Mediègallery

• S Chraftwärch Hüsèrè im Mittlerè Schwarzadal, mòl mit füchtè un mòl mit drochènè Füèß
• 
  Bligg übber d Staumuèr uff s Chraftwärch mit Druggroorleitung
• 
  Chraftwärch Hüsèrè bim Schwarzabeggi
• 
  Dè Doppelmascht uff dè Brändemer Seesitè, links dèsèll Mascht, wo mit dè Füèß im See dinnè stòt
• 
  S Chraftwärch Hüsèrè mit Umspannwärch, Maschinnèhuus, Druggroor un Schièber
• 
  S Maschinnèhuus vum Chraftwärch Hüsèrè vo dè Schwarzabrugg uus aagluègèt
• 
  S drochène Schwarzabeggi mit èm drochèglaitè Maschinnèhuus. Im Vordergrund s Schwarzabächle
• 
  S drochèglaite Schwarzabeggi mit Druggroor, Maschinnèhuus un Schwarzabächle im Vordergrund
• 
  S drochèglaite Maschinnèhuus vom Chraftwärch Hüsèrè
• 
  S drochèglaite Schwarzabeggi mitsamt èm Maschinnèhuus
• 
  S drochèglaite Schwarzabeggi mit èm Manitou-Bagger un èm moribide Gruèß vom Schwarzwald rächts unnè

Luèg au

• Lischtè vo Dalschperrè z Badè-Württèbärg

Literadur

• Schluchseewerk (Hrsg.): Schluchseewerk, Schillinger, 1952.

Weblinggs

 Commons: Kraftwerk Häusern – Sammlig vo Multimediadateie

• S Chraftwärch Hüsèrè, Sitè vo dè Schluri

Dä Artikel basiert uff ere fräie Übersetzig vum Artikel „Kraftwerk_Häusern“ vu de dütsche Wikipedia. E Liste vu de Autore un Versione isch do z finde.