Schwarzadalschperri

D Schwarzadalschperri bzw. dè Stausee Schwarzabrugg (Schwarzabeggi) isch èn Bumpschpycher-Stausee im Dal vo dè Schwarza bi Hüserè im Süèdschwarzwald.

Schwarzadalschperri
Stausee Schwarzabrugg im Schwarza-Dal Stausee Schwarzabrugg im Schwarza-Dal
Laag: Landkreis Waldshut, Landkreis Briisgau-Hochschwarzwald Zueflüss: Schwarza Gröösseri Ort in dr Nööchi: Hüserè, Schluchsee
Schwarzadalschperri (Baden-Württemberg) Schwarzadalschperri Baden-Württemberg, Deutschland
Koordinate	47° 45′ 14″ N, 8° 11′ 26″ O47.7538888888898.1905555555556
Date über s Bauwärk
Bauzit:	1929–1931
Hööchi über dr Daalsoole:	36 m
Hööchi über dr Gründigssoole:	43 m
Bauwärkvolume:	44.000 m³
Chronelengi:	158 m
Date über e Stausee
Hööchi vom Stauziel:	723 m
Wasseroberflechi bi Vollstau:	20 ha
Stauseelengi:	950 m
Stauseebräiti:	270 m
Spiicherruum:	1,29 Mio. m³
Iizugsgebiet:	20,54 km²

Geografy

Schwarzabeggi in füchtem un drochenem Zuèschtand

Dè Stausee Schwarzabrugg lyt im Dal vo dè Schwarza uff ca. 723 m ü. NN. D Stauschtufè bzw. s Kraftwärk Hüserè stôt, trotz eignem Nammè Schwarzabrugg, namentlich in Vobindig mit èm uff èm Bergruckè im Weschtè ligendè Ort Hüserè (889 m ü. NN). S Kraftwärk un èn Deil vom Stausee liget uff èm Gebièt vo dè Gmeind Hüserè. Dè gröscht Deil vom Stausee lyt abber uff èm Gebièt vo dè Gmeind Schluchsee.

Uff èm Bergruckè im Oschtè lyt dè Ort Staufè, Gmeind Grõfèhuusè, wellem si Gebièt au bis nõch a dè See reicht.

Vo beidè Bergruckè füürt è Strõß zum Stausee bzw. Kraftwärk. D Strõß durch s Schwarzadal isch nu bedingt zuègänglich (Forschtwäg bzw. Wärksstrõß).

Funktion

D Werksgruppè Schluchsee uff èrè Infodaflè am Schluchsee

Dè Stausee Schwarzabrugg isch èn Deil vom Bumpspycher-Netzwärk vo dè Schluchseewärk AG (mit Sitz z Laufèburg) zwischè m Schluchsee un Rhy.

Diè Dalschperri übernimmt für d Oberschtufè, s Bumpspycherkraftwärk Hüserè (Schwarzabrugg), d Funktion vom Unterbeggi mit èm Schluchsee als Obberbeggi.

Glychzitig isch si für d Mittelschtufè, s Bumpspycherkraftwärk Witznau, s Obberbeggi mit èm Stausee Witznau, Gmeind Üülingè-Birchèdorf, als Unterbeggi.

Für e Unterschtufè, s Kraftwärk Waldshuèt, bildet dè Stausee Witznau als Obberbeggi mit èm Rhy als natürlichè Unterbeggi (Rückschtauberych vom Flusskraftwärk Rhynkraftwärk Albrugg-Dogerè AG (RADAG)).

Dè Stausee Schwarzabrugg wrd in sinèrè Funktion vo zwei witerè Stauseè flankyrt:

• S Mettmabeggi, wo im Oschtè im Dal vo dè Mettma lyt.
• Dè Albschtausee, wo im Weschtè im Dal vo dè Alb (süèdlich vo St. Bläsy) lyt.

Technischi Merkmõl

S Abschperrbauwärk vo dè Schwarzadalschperri isch è 43 m hochi Gwichtsschtaumuèr. S gschtauti Wasser wörd im Kraftwärk Witznau zu dè Stromerzügig bruucht. Sèllèm sini Nennleischtig bedrait 220 MW .

Nammensglychi Dalschperrè

Die mengmõl au Schwarzadalschperrè gnannti Dalschperrè a dè Schwarza (Saale) z Thüringè isch d Dalschperri Scheibe-Alsbach.

Ablauf

Für Wartungsarbètè, Revisionè un Sanyrungè wörd dè Schwarzastausee in sèltènè Fäll drochè glait, i dèm mò dè Grundablass ganz uffmacht un dè Zuèlauf vom Chraftwärch Hüsèrè ganz zuèmacht. I sèllèm Fall flüèßt nu d Schwarza resp. dè Schwarza-Räscht, wo vom Grundablass vo dè Schluchsee-Staumuèr hèr chunnt, durch s Schwarzabeggi durrè. Sèll isch abber so wènnig, dass nu no è mittlers Bächle, abber kein See dèvo eksischtyrè cha. È drochè glaites Seebeggè isch attraktyv für mèngi Bsuècher un Yheimischi, wo vo Brändè uff Hüsèrè odder umkeert übber d Schwarzabrugg faarèd. Vom Aafang Mai 2018 - Èndi Septemèr 2018 isch sèll Ereignis mòl widder ydroffè

• 
  S drochè Schwarzabeggi mit èm drochèglaitè Maschinnèhuus. Im Vordergrund dè Grundablass vom Obberbeggi Schluchsee, wo pro forma no uff dè Nammè Schwarza losè duèt
• 
  S drochèglaite Schwarzabeggi mit èm Behelfsbrüggle für d Baumaschinnè übber èm Durchlass für d Schwarza
• 
  S drochèglaite Schwarzabeggi mit dè Staumuèr un èm Beggèboddè
• 
  D Stromtrassè gön vom drochèglaite Schwarzabeggi uus uff dè Brändemer Bärg uè
• 
  S Umspannwärch für d Yschpysig vom erzügtè Strom vom Chraftwärch Hüsèrè bi drochèglaitem Schwarzabeggi
• 
  Dè Schwarza-Zuèfluß, wo s drochèglaite Schwarzabeggi no è bitzeli aafüchtè duèt
• 
  D Schwarzabrugg mit èm drochèglaitè Schwarzabeggi un èm Schwarzarinnsal

Trivia

Im 1029. Tatort mit èm Titel Goldbach, wo glychzitig dè 2. Fryburger Tatort gsi isch, hèt au dè Schwarza-Stausee mitsamt dè Staumuèr mitschpillè dürfè.

• 
  D Schwarza als magerè Zuèfluss zum Schwarza-Beggi.
• 
  S Schwarzabeggi obsi mit dè Brugg übber dè Schwarza-Zuèfluss.
• 
  S Schwarza-Beggi dè Längi nooch absi vom Zuèfluss links unnè bis zu dè Staumuèr i dè Mitti obbè.
• 
  Zwillings-Strommaschtè im Schwarza-Beggi gegèübber vom Kraftwärk Hüsèrè.
• 
  Grundablass vom Schwarza-Beggi mit Staumuèr flusssitig.

Luèg au

• Lischtè vo Dalschperrè z Badè-Württèbärg

Weblinggs

 Commons: Schwarzadalschperri – Sammlig vo Multimediadateie

• Schluchseewärk AG
• Meefachnutzig vo Stauseè... (PDF-Datei; 561 kB)

Fuèßnotè

Dä Artikel basiert uff ere fräie Übersetzig vu dere Version vum Artikel „Schwarzatalsperre“ vu de dütsche Wikipedia. E Liste vu de Autore un Versione isch do z finde.