Lauerz isch e politischi Gmeind im Bezirk Schwyz vom Kanton Schwyz.

Lauerz
Wappe vo Lauerz
Wappe vo Lauerz
Basisdate
Staat: Schwiiz
Kanton: Schwyz (SZ)
Bezirk: Schwyzw
BFS-Nr.: 1365i1f3f4
Poschtleitzahl: 6424
Koordinate: 686791 / 209959Koordinate: 47° 2′ 6″ N, 8° 34′ 50″ O; CH1903: 686791 / 209959
Höchi: 457 m ü. M.
Flächi: 9,20 km²
Iiwohner: 1117 (31. Dezämber 2021)[1]
Website: www.lauerz.ch
Dorfiigang vo Lauerz, im Hindergrund d Mythe
Dorfiigang vo Lauerz, im Hindergrund d Mythe

Dorfiigang vo Lauerz, im Hindergrund d Mythe

Charte
Charte vo LauerzÄgeriseeLauerzerseeLimmereseeKlöntalerseeSihlseeVierwaldstätterseeWägitalerseeZugerseeUfenauLützelauZüriseeKanton GraubündaKantuu GlarisKanton LozärnKanton NidwaldeKanton ObwaldeKanton SanggalleKanton UriKanton ZuugKanton ZüriBezirk AisidleBezirk GersauBezirk HööfBezirk KüssnachtBezirk MarchAlpthalArth SZIllgäüIngebohlLauerzMorschachMuotithalOberiibrigRiemestaldeRootethurmSattel SZSchwyz (Gmeind)StaineStainerbärgUnderiibrig
Charte vo Lauerz
w

Geographii ändere

Lauerz liit i de Voralpe am nordöschtliche Fuess vo de Rigi, diräkt am Lauerzersee (450 m ü. M.). D Insle Schwanau im Lauerzersee ghört zur Gmeind Lauerz. Im Dorfchärn liit d Pfarrchile St. Nikolaus. Uf Gmeindsgebiet gits vili Einzelhöf, am Seeufer und a de Hanglag gits zahlriichi Feriehüüser.

Name ändere

E früehneri Schriibwiis luutet «Lowerz». Es isch sehr zwiifelhaft, öb Ärzvorchomme i de Gmeind chönntid em Dorf de Name ggä ha. Äbeso schtammt «Lau» nid vom keltische «lokwa» ab, was «See» bedüted. Es isch ehner wahrschinlich, dass de Name «Lauerz» im Zämehang mit eme althochdütsche Personename wie «Lauwart» schtahd. Di urschprünglichi Form döfti «Lauwerts hov» gheisse ha, wobi s Wort für e Hof mit de Zyt wägglah worden isch.[2]

Gschicht ändere

Uf de Insle Schwanau hed sich im 13. Jahrhundert e Burgaalag befunde. Si isch urschprünglich kyburgisch gsi, schpöter isch de Grundbsitz zu de Habsburger übereggange.

D Kapälle St. Theodul isch ab 1480 als Filiale vo de Pfarrii Schwyz bekannt gsi. Nach eme Brand isch die Kapälle 1508 nü buut worde. Ab 1600 isch Lauerz en eigeni Pfarrii gsi und 1675 isch e Nüübuu vo de Chile St. Nikolaus a d Schtell vo de Kapälle trätte.

Am 2. Septämber 1806 isch Lauerz vom Goldauer Bärgschturz schwär troffe worde. Bi dem Naturereignis, wo 115 Persone debii ums Lebe choo sind, isch de ganz weschtlich Dorfchern zerschtört worde, drunder au d Chile, wo 1807–10 noch Plän vom Pater Jakob Natter nü errichtet worden isch. Uf de Insel Schwanau hend Eremite ihri Behuusig ufgäh, und si isch vom Schwyzer Landeshauptmaa Louis Auf der Maur gchauft worde. Sit 1967 isch si im Bsitz vom Kanton Schwyz.

Iiwoner ändere

Quälle: Bundesamt für Statistik 2005[3]

Jaar 1850 1860 1870 1880 1888 1900 1910 1920
Iiwoner 474 449 509 509 494 436 442 442
Jaar 1930 1941 1950 1960 1970 1980 1990 2000
Iiwoner 394 485 549 508 539 600 728 874

De Uusländeraateil isch 2010 bi 6,4 % gläge.[4]

Religion ändere

83,6 % vu de Iiwoner sind im Jaar 2000 römisch-katholisch gsii, 8,1 % evangelisch-reformiert.[4]

Spraach u Tieläkt ändere

Bi de Volchszellig 2000 hend vu de 874 Iiwoner 97,1 % Tüütsch als Hauptspraach aaggää u 2,9 % anderi Spraache.[4]

De Tieläkt vu Lauerz ghöört zum Höuchschtalemannisch.

Bilder ändere

Weblink ändere

  Commons: Lauerz – Sammlig vo Multimediadateie

Fuessnote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 15. November 2022
  2. Lexikon der schweizerischen Gemeindenamen. Hrsg. vom Centre de Dialectologie an der Universität Neuchâtel unter der Leitung von Andres Kristol. Huber, Frauenfeld 2005, S. 509.
  3. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)
  4. 4,0 4,1 4,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch, Mai 2012



  Dä Artikel basiert uff ere fräie Übersetzig vum Artikel „Lauerz“ vu de dütsche Wikipedia. E Liste vu de Autore un Versione isch do z finde.