Maiefèld
Maiefèld isch e Gmaind und e Stadt vom Kanton Graubünde.
| Maiefèld | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Landquart |
| BFS-Nr.: | 3953 |
| Poschtleitzahl: | 7304 |
| Koordinate: | 759104 / 208455 |
| Höchi: | 504 m ü. M. |
| Flächi: | 32,37 km² |
| Iiwohner: | 3141 (31. Dezämber 2022)[1] |
| Website: | www.maienfeld.ch |
 Maiefèld | |
| Charte | |
 | |
Geografy ändere
Maiefèld isch en Oort, wo scho sid em Middelalter au s Stadträcht hät. Er lyt i dr Bündner Herrschaft und i dr Region Landquart. Zu Maiefèld ghört au d Sankt Luzistäig, wo en nidere Bärgübergang is Fürschtedum Liechteschtäi isch.
Gschicht ändere
Dr Name vo Maiefèld wird scho im 4. Joorhundert s erschte Mol erwäänt, und zwar i dr spootrömische Stroossecharte, wo dr Name «Dafele vom Peutinger» träit. Uf dere charte häisst de Oort Magia. Es isch e Stazion gsi am Wääg vo de Bündner Bärgpäss uf Züri.
Im 14. Joorhundert sind Walser i das Gebiet im Rhydaal cho und hend d «Walsergmaind Bäärg» mit de Wyler Rofels, Bovel, Guscha, Stürfis und Vatscherin ggründet. Ass Maiefèld s Stadträcht hät, isch erscht vo ane 1434 überliferet. 1436 isch d Gmaind em Zäägrichtpund byträtte.
Wirtschaft ändere
Z Maiefèld isch es alts, grosses Räbgebiet, wo mee als 100 Hektaare Flechi hät.
Tourismus ändere
D Gschicht vom Chinderroman Heidi vo dr Schriftstellere Johanna Spyri wird mit Maiefèld i Verbindig procht. Drum häpme dr Raschtstett a dr Autobahn de Name «Heidiland» ggä.
Lüüt ändere
Z Maiefèld uf d Wält choo sind:
- dr Johannes Comander (um 1484 – 1557), Theolog und Reformator
- d Hortensia Gugelberg von Moos (1659–1715), Ärzti und Schriftstelleri
- dr Michael Kuoni (1839–1891), Chef vom Eidg. Telegrafebüro und Mundartautor
- dr Theophil Sprecher von Bernegg (1850–1927), Gäneralstabschef vo dr Schwizerischen Armee wäret em Eerschte Wältchrieg
- dr Paul Meinherz (1888–1967), Dialäktolog, Lehrer und Regierigssekretär
Weblink ändere
Commons: Maienfeld – Sammlig vo Multimediadateie- Webseite vo dr Stadt Maiefèld
- Adolf Collenberg: Maienfeld (Gemeinde). In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
