Maria Antonia Daetwyler-Flamm
D Maria Antonia Daetwyler-Flamm (* 1986 z Hameln) isch e dytschi kadolischi Theologi.
Lääbe ändere
D Daetwyler-Flamm isch e Dochter vum Eberhard Peter Flamm un isch z Neiburg-Zienke ufgwagse. No dr Schuel het si ab 2006 z Fryburg kadolischi Theology un Germanischtik studiert un anne 2013 as Diplom-Theologi abgschlosse.[1] Si het Praktika in dr Kurseelsorg un in dr dytschsprochige kadolische Gmai im tschechische Prag gmacht.[2] Derno isch si in d Schwyz gange un het bis 2019 as Paschtoralassischtänti in dr Pfarreie St. Antonius vu Padua Wettige, St. Sebastian Wettige un Maria Himmelfahrt Würelos gschafft.[3] Um die Zyt het si an dr Theologische Fakultet vu dr Uniwersitet Lozärn dr Nochdiplomstudiegang Beruefsyyfierig (NDS BE 2016–2018) gmacht.[4] Zum Septämber 2019 het d Daetwyler-Flamm as Pfarreiseelsorgeri in dr Pfarreie St. Nikolaus Brugg un St. Maria Windisch im Paschtoralruum Region Brugg-Windisch aagfange.[5] Im Augschte 2020 isch si dernäbe Klinikseelsorgeri im aarReha Schinznach – Zentrum für Rehabilitation z Schinznach-Bad wore.[6]
Anne 1998 het d Daetwyler-Flamm, no as Schueleri, bim Dialäktwettbewärb Jungi Mundart vu dr Muettersproch-Gsellschaft dr erscht Bryys gwunne, unter anderem mit em Gedicht „Glück“, wu derno im Heftli abdruckt woren isch.[7] Syterhär isch si aber nimi as Dialäktautori in Erschyynig drätte.
D Daetwyler-Flamm isch ghyrote un wohnt z Brugg.
Fueßnote ändere
- ↑ Graduierungsfeier der Theologischen Fakultät im Sommersemester 2013
- ↑ Pensionierung von Veronika Werder: Neue Ansprechperson ab September, Pastoralraum Region Brugg-Windisch, 16. Mai 2019
- ↑ Bistum Basel: Ernennungen, Schweizerische Kirchenzeitung 31-32/2016
- ↑ Bistum Basel: 12 Diplome für bestandene Berufseinführung, 15. Juni 2018
- ↑ Bistum Basel: Ernennungen, Schweizerische Kirchenzeitung 17/2019
- ↑ Bistum Basel: Ernennungen
- ↑ Alemannisch dunkt üs guet, Heft III/IV 1998, S. 47–55