Martin Wangler
Dr Martin Wangler (* 11. Juli 1969 z Fryburg) isch e dytsche Schauspiiler un Kabarettischt.
Lääbe ändere
Dr Wangler isch z Braitnau ufgwachse un het Zimmermann gleert. Uf dr Braitnauer Buurebiini het er sy Inträssi am Schauspiil entdeckt. Är het s Abituur uf em zweete Bildigswääg gmacht un derno vu 1995 bis 1998 an dr Hochschuel fir Musik un Darstellendi Chunscht Mozarteum z Salzburg Schauspiil studiert. Vu 1999 bis 2001 het er e fescht Engaschmänt am Staatstheater Oldenburg ghaa un vu 2001 bis 2003 am Stadttheater Ingoldstadt ghaa un deert verschiideni Rolle im Spräch- un Musiktheater gspiilt. Syter anne 2003 läbt er wider z Braitnau un schafft as freie Schauspiiler fir Film un Fäärnsee, unter anderem chännt mer en fir syni Roll vum Bernd Clemens in dr Serie „Die Fallers“.
Vu 2003 bis 2014 isch er Rollespiiler an dr Audi-Akademy z Ingolstadt gsii. Är isch au Sprächer bim SWR Hörfunk.
Syt 2005 dritt er au as Kabarettischt uf, unter anderem mit syne Brogramm „Breitnau calling“ (2005-2014), „Ein Wilderer Abend“ (syt 2008) un „Zwischen Himmelreich und Höllental“ (syt 2012). Syter anne 2009 dritt er as „Fidelius Waldvogel“ uf, eme boodeständige Schwaarzwälder Orginaal un Querdänker, wu Schwaarzwälder Alemannisch schwätzt. Fir die Figuur het er anne 2009 dr Chlaichunschtbryys vum Land Baade-Wiirtebäärg iiberchuu. Anne 2012 isch er mit em Hinterzartener Kultur Grand Prix uuszaichnet woore. Anne 2016 isch er as Fidelius Waldvogel mit eme Oldtimer-Draktoor (Eicher, 1968) un eme zue re Biini umböuene Waldarbaiterwaage dur dr Siidschwaarzwald gfaare un isch uf däre „Heimat.tour 2016“ uf Entdeckigsrais gange, het Prominänti droffe un uf syre Wanderbiini s Kabarettstuck „Nächste Ausfahrt: Heimat!“ ufgfiert. Anne 2017 isch er mit em Draktoor dur dr Mittler un dr Noordschwaarzwald gfaare, 2018 dur s Donaudal zum Boodesee un wider retuur iber dr Hoochryy un 2019 isch er vum Naturpark Necker-Odewald iber dr Naturpark Stromberg-Heuchelberg un dr Schweebisch-Fränkisch Wald in Naturpark Oberi Donau gfaare.
Syt 2017 dritt er zäme mit dr schweebische Kabarettischti Heike Sauer alias Marlies Blume mit em baadisch-schweebisch Kabarettstuck „BaWü-Menü – zum Fressen gern!“ uf un au mit dr Mundartrockgruppe LUDDI dritt er als zäme uf („Mundartrocker trifft Stubenhocker“).
Syter anne 2009 isch dr Wangler dr chinschtlerisch Laiter vum Chlaichunschtfeschtival Hoochschwaarzwald. Är duet si au ysetze fir s baadisch Chaartespiil Cego un git Kiirs an dr Volkshoochschuel Hoochschwaarzwald.
Syt 2019 isch dr Wangler ain vu dr Autor*ne vu dr alemannische Kolumne „Lueginsland“ in dr Badische Zytig, näb dr Ulrike Derndinger, em Markus Manfred Jung, dr Beate Ruf, dr Friedel Scheer-Nahor un em Wendelinus Wurth.
Filmografy ändere
Fäärnsee (Uuswaal) ändere
- 2007-2020: Die Fallers–Eine Schwarzwaldfamilie (Fäärnseeserie)
- 2008: Liebe, Babys und ein großes Herz: Neue Wege (Fäärnseeserie)
- 2010: Ja, so fahrn wirSki! (Videoclip)
- 2011: Die Bergretter: Sicht gleich Null (Fäärnseeserie)
- 2012: Heiter bis tödlich: Fuchs und Gans (Fäärnseeserie)
- 2012: Tatort: Spiel auf Zeit (Fäärnseeserie)
- 2014: Dahoam is dahoam (Fäärnseeserie)
- 2016: Sagenhafter Südwesten
Kinofilm ändere
- 2004: Grenzverkehr (Reschy Stefan Betz) as Grenzbeamter
- 2006: Meine Mutter, mein Bruder und Ich (Reschy Nuran Calis) as Filialleiter
- 2009/2010: Grün (Chuurzfilm, Reschy Simon Lahm) as Pfarrer Seyfried
Heerspiil ändere
- 2008: Mordlauf. Radio-Tatort, SWR
- 2013: einfach Märchenhaft, grimmsche Märchen allemannisch Neu, SWR
- 2015: Bierleichen. Heerspiil noch em glychnamige Romaan vum Roland Weis, SWR
Weblink ändere
- Websyte vum Martin Wangler
- Biografy bi dr Agentur Judith Sutter Management
- dr Martin Wangler uf dr Websyte vu dr Muettersproch-Gsellschaft
- Kolumne Lueginsland, Badische Zeitung
- dr Martin Wangler uf LEO-BW
- Baden bewegt: Heute Martin Wangler im Gespräch mit Heike Scheiding-Brode, regionimblick.de, 26. Meerz 2017
- Mit Eicher und Wanderbühne, Badische Zeitung, 14. Juli 2016
- Martin Wangler erhält Kulturpreis, Südkurier, 21. Augschte 2012