Nydergebischbach
Nydergebischbach, uff Hochdütsch Niedergebisbach, isch e ehemoligi Gmeind im Landchreis Waldshüet. Si bstoht uss em Dorf Nydergebischbach, em Ghöft Meierhöf (Hd. Maierhöfe) und de Hüser Im Murgdal (Hd. Im Murgtal) und isch hütt e Ortsdeil vo Herrischried. Es litt im südlige Deil vo de Gmarkig zwüsche Obergebischbach (Ortsdeil Hornberg) im Weste und Hogschür im Oste und hät 54 Gwann.
Niedergebisbach Gmeind Herrischried
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Höchi: | 845 m |
| Flechi: | 3,84 km² |
| Iiwohner: | 223 |
| Bevölkerigsdichti: | 58 Iiwohner/km² |
| Iigmeindig: | 1972 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79737 |
| Vorwahl: | 07764 |
| Nummereschild: | WT |
| Dialäkt: Markgräflerisch (Lörrach) |
Nydergebischbach isch zämme mit Obergebischbach, wo hütt zum Ortsdeil Hornberg ghört, entstande. Bis in s 15. Johrhundert werre sälli beide Dörfer als „Gepoltzbach“ gnännt; e „Niedergebelsbach“ isch erscht ab em Johr 1546 bekannt. Es wird agnoh, dass d'Sydler vo Wehr cho sin, sällewäg hän Ober- und Nydergebischbach zu de Grafschaft Wehr ghört.
Bi de Salpetererunrujje isch de Blasius Hottinger us Nydergebischbach e Afiehrer gsi. Zu sine Ehre isch de Blatz vor em Fürwehrgrätehus zu „Blasius-Hottinger-Platz“ umbenännt worre.
Wo de Ort im Johr 1806 an Bade cho isch, isch er vo de Einig Rickebach zum Amtsbezirk Säckige umdeilt worre. Chirchlig isch es no bis 1897 bi Rickebach blybe, bevor's Herrischried züedeilt worre isch. D'Ygmeindig uff Herrischried isch 1972 erfolgt.
De Gmeindroot, wo Nydergebischbach im Roothus verdrättet, isch de Paul Schlageter (Freii Wähler).
Quelle
ändere
